இந்த ஐந்து உணவுகளை உண்ணுங்கள் நல்ல தூக்கம் கிடைக்கும்..!!

தூக்கமின்மை பல்வேறு உடல்நல பிரச்சனைகளை ஏற்படுத்தும். நீரிழிவு, தைராய்டு, உயர் இரத்த அழுத்தம் மற்றும் உடல் பருமன் போன்ற வாழ்க்கை முறை கோளாறுகளுக்கு வழிவகுக்கிறது. நமது அன்றாட வாழ்க்கையின் மிக முக்கியமான அம்சங்களில் ஒன்று தூக்கம். நல்ல தூக்கம் நமது ஆரோக்கியத்திற்கு மிகவும் முக்கியமானது. மனநிலையை காக்கவும், நோயெதிர்ப்பு செயல்பாட்டை ஊக்குவிக்கவும் மற்றும் உடல் செயல்திறனை மேம்படுத்தவும் தூக்கம் மிகவும் அவசியமானது.

பலருக்கு போதுமான தூக்கம் கிடைப்பது கடினம் என்றாலும், ஒரு இரவில் 7 முதல் 9 மணி நேரம் தூங்குவது அவசியம். உங்களுக்கு தூக்கமின்மை பிரச்னை இருந்தால், கீழே கொடுக்கப்பட்டுள்ள சூப்பர்ஃபுட்களை முயற்சித்திப் பாருங்கள. அவை உங்களை தூக்கமின்மை பிரச்னையில் இருந்து விடுவிக்கும்.
 

தேயிலை

தேநீர் குடிப்பதால் நோயெதிர்ப்பு மண்டலம் வலுப்பெறுகிறது. கவலை மற்றும் மனச்சோர்வு குறைகிறது என ஆராய்ச்சி கூறுகின்றன. தேநீரில் காணப்படும் ஆஃபிஜெனின் என்கிற பொருளில் ஆண்டி ஆக்சிடண்டுகள் நிறைந்து காணப்படுகின்றன. இதற்கு அழற்சி எதிர்ப்பு பண்புகளை மற்றும் நரம்புகளை மேம்படுத்தும் திறன் போன்றவை உள்ளன. இதனால் தூக்கமின்மை பிரச்னை உள்ளவர்கள் தேநீர் குடிப்பதை வழக்கமாக்கிக் கொள்ளலாம்.
 

வாழைப்பழம்

வாழைப்பழத்தில் மக்னீசியம் நிறைந்துள்ளது. இதில் உள்ள டிரிப்டோபான் என்ற பொருள், நல்ல தூக்கத்துக்கு வழிவகுப்பதாக உறுதி செய்யப்பட்டுள்ளது. எனவே இவற்றை உணவில் சேர்த்து கொள்வது தூக்கமின்மையை போக்க உதவுகிறது.
 

வால்நட்

அக்ரூட் பருப்புகளில் ஒமேகா-3 கொழுப்பு அமிலங்கள் வளமாக உள்ளன. இது செரோடோடினை அதிகரிக்கிறது மற்றும் தூக்கத்துக்கு உதவும் வேதிபொருட்களை உடலில் செயல்பட உதவுகிறது. அவ்வப்போது உங்கள் உணவில் வால்நட் சேர்த்து வருவது, தூக்கமின்மை பிரச்னைக்கு வழிவகுக்கும்.

கோடையில் ரத்த சக்கரை அளவை கட்டுக்குள் வைக்க இதைச் செய்யுங்க..!!

பால்

இரவில் படுக்கும் முன் வெதுவெதுப்பான பால் அருந்தினால் நன்றாக தூங்கலாம். இதன்மூலம் உடலில் நல்ல ஹார்மோன்கள் செயல்படுகின்றன. இதனால் மன அழுத்தம் போன்ற பிரச்னைகள் நீங்கி, உடலுக்கு தூக்கம் கிடைக்க ஊக்குவிக்கிறது.