Gulab Jamun : தீபாவளி ஸ்வீட் டிப்ஸ்... விரிசல் இல்லாத சாஃப்டான குலாப் ஜாமூன் செய்வது எப்படி?

Gulab Jamun Recepie : குலாப் ஜாமூன் பொரிக்கும்போது விரிசல் விடுகிறதா? அல்லது உள்ளே கட்டியாக இருக்கிறதா? கோவா, மில்க் பவுடர், மைதா வைத்து விரிசல் இல்லாத சாஃப்டான ஜாமூன் செய்ய சூப்பர் டிப்ஸ் இதோ.

Image Credit : pixabay.com

குலாப் ஜாமூன் செய்யும்போது விரிசல் விடுகிறதா?

குலாப் ஜாமூன் செய்யும்போது நிறைய நேரம் வெளியே நல்ல பிரவுன் கலரில் வந்திருக்கும். ஆனால், உள்ளே மாவு வேகாமல் கட்டியாகவே இருக்கும். சில நேரம் எண்ணெயில் போடும்போதே ஜாமூன் உடைந்துவிடும். ஜீரா பாகில் போட்டாலும் உள்ளே மாவு கல்லு மாதிரி இருக்கும். இதற்கு முக்கிய காரணம், கோவா அல்லது மில்க் பவுடர் மாவை நாம் சரியாக பிசையாததுதான். அப்படியானால், பெர்ஃபெக்ட்டான குலாப் ஜாமூன் செய்வது எப்படி என்பதை இங்கே பார்க்கலாம்.

Image Credit : pixabay.com

மாவில் ஏன் கட்டி விழுகிறது?

கோவா, பன்னீர், மைதா அல்லது மில்க் பவுடர் வைத்து நாம் குலாப் ஜாமூன் மாவு ரெடி பண்ணலாம். ஒவ்வொரு முறையிலும் கட்டி விழுவதற்கு வெவ்வேறு காரணங்கள் இருக்கும். கோவா பயன்படுத்துகிறீர்கள் என்றால், அது ரொம்ப காய்ந்துபோய், கெட்டியாக இருந்தால் மாவில் சின்னச் சின்ன கட்டிகள் தங்கிவிடும். அதேபோல, மில்க் பவுடரை சலிக்காமல் அப்படியே கொட்டுவது, சரியான அளவில் தண்ணீர் அல்லது பால் சேர்க்காதது போன்ற காரணங்களாலும் கட்டி விழும். இன்னொரு பெரிய தப்பு, மாவை ரொம்ப அழுத்தி பிசைவது. இதனால் ஜாமூனின் சாஃப்ட்னஸ் போய்விடும்.

Image Credit : Diana Chistruga/Instagram

கட்டி இல்லாத குலாப் ஜாமூன் செய்ய இந்த டிப்ஸை ஃபாலோ பண்ணுங்க

கோவா பயன்படுத்தினால் முதலில் நன்றாக பிசையுங்கள்

நீங்கள் கோவா வைத்து ஜாமூன் செய்கிறீர்கள் என்றால், முதலில் அதை ஃப்ரிட்ஜில் இருந்து எடுத்து வெளியே வையுங்கள். ரூம் டெம்பரேச்சருக்கு வந்ததும், கைகளால் நன்றாக பிசையுங்கள் அல்லது ஒரு சல்லடையில் வைத்து சலித்துக்கொள்ளுங்கள்.

மில்க் பவுடரை சலித்து பயன்படுத்துங்கள்

மில்க் பவுடர் வைத்து ஜாமூன் செய்யும்போது, அதோடு மைதா மற்றும் பேக்கிங் பவுடர் சேர்த்து நன்றாக சலித்துக்கொள்ளுங்கள். இதனால் மாவில் உள்ள சின்னச் சின்ன கட்டிகள் உடைந்து, எல்லாமே ஈவனாக மிக்ஸ் ஆகும். பால் அல்லது தண்ணீரை ஒரேயடியாக ஊற்றாமல், கொஞ்சம் கொஞ்சமாக சேர்த்து பிசையுங்கள்.

Image Credit : our own

சப்பாத்தி மாவு மாதிரி அழுத்தி பிசையக் கூடாது

குலாப் ஜாமூன் மாவை சப்பாத்தி மாவு மாதிரி ரொம்ப டைட்டாக பிசையக் கூடாது. எல்லா பொருட்களையும் கைகளால் மெதுவாக சேர்த்து, சாஃப்டாக பிசைய வேண்டும். மாவு ரொம்ப ட்ரையாக இருந்தால் கொஞ்சம் தண்ணீர் தெளித்துக்கொள்ளலாம்.

பொரிப்பதற்கு முன் சின்ன உருண்டையாக டெஸ்ட் பண்ணுங்க

மாவு ரெடியானதும், ஒரு சின்ன உருண்டையை பிடித்து பாருங்கள். அதன் மேல் பகுதி எந்த விரிசலும் இல்லாமல் ஸ்மூத்தாக இருக்க வேண்டும். விரிசல் இருந்தால் மாவில் ஈரம் பத்தவில்லை என்று அர்த்தம். அப்போது கொஞ்சம் பால் சேர்த்து, மீண்டும் மெதுவாக பிசையுங்கள்.

Image Credit : Instagram

மாவில் கட்டி இருந்தால் என்ன செய்வது?

மாவில் பெரிய கட்டிகள் இருந்தால், அதை விரல்களால் மெதுவாக உடைத்துவிட்டு மீண்டும் மாவோடு சேர்த்து பிசையுங்கள். கோவா மாவாக இருந்தால், கைகளால் மீண்டும் ஒருமுறை மெதுவாக பிசைந்து விடலாம்.

ஜீரா பாகு சரியான பதத்தில் இருக்க வேண்டும்

மாவில் எந்த கட்டியும் இல்லை என்றாலும், உருண்டைகள் ரொம்ப பெரிதாக இருந்தாலோ அல்லது எண்ணெயின் சூடு சரியாக இல்லாவிட்டாலோ ஜாமூன் உள்ளே கெட்டியாகவே இருக்கும்.

சர்க்கரை பாகு ரொம்ப கெட்டியாக இருக்கக் கூடாது. பாகு சரியான பதத்தில் இருந்தால் மட்டுமே ஜாமூன் அந்த இனிப்பை ஈஸியாக உறிஞ்சும். ஜாமூனை ஜீரா பாகில் போட்டு, அது நன்றாக ஊறி சாஃப்ட் ஆவதற்கு குறைந்தது 2 முதல் 3 மணி நேரமாவது அப்படியே விட்டுவிடுங்கள்.