Romeo Day 1 Box Office: விஜய் ஆண்டனியின் 'ரோமியோ' வசூலில் கெத்து காட்டியதா? முதல் நாள் கலெக்ஷன் நிலவரம்!
விஜய் ஆண்டனி நடித்து, தயாரித்துள்ள 'ரோமியோ' திரைப்படத்தின் முதல் நாள் வசூல் குறித்த தகவல் தற்போது வெளியாகியுள்ளது.
விஜய் ஆண்டனியின் ஃபிலிம் கார்ப்பரேஷன் தயாரிப்பில், விநாயக் வைத்தியநாதன் இயக்கத்தில் விஜய் ஆண்டனி மற்றும் மிருணாளினி ரவி நடித்துள்ள திரைப்படம் 'ரோமியோ'.. ரம்ஜான் பண்டிகையை முன்னிட்டு நேற்று (ஏப்ரல் 11-ஆம் தேதி) இப்படம் உலகம் முழுவதும் சுமார் 1500-க்கும் மேற்பட்ட திரையரங்குகளில் வெளியிடப்பட்டது.
இப்படத்தின் போஸ்டர் வெளியான போதே... மிகவும் வைரலாக பார்க்கப்பட்டது. காரணம் இப்படத்தின் நாயகி முதலிரவு காட்சியில் மதி அருந்துவது போன்ற காட்சி அதில் இடம்பெற்றிருந்தது. அதே போல் இப்படத்தின் ட்ரைலர் வெளியாகி அனைத்து தரப்பு ரசிகர்களையும் கவர்ந்தது.
Vijay Antony
செய்தியாளர் சந்திப்பில், விஜய் ஆண்டனி கலந்து கொண்டு பேசும் போது... குடும்பத்துடன் பார்க்கும் வகையில் இந்த படத்தை உருவாக்கி உள்ளதாக . அதே போல் குறிப்பாக மனைவிகள் பார்க்க வேண்டிய படம் என தெரிவித்த அவர், ஒவ்வொரு கணவனும் மனைவியை இந்த படத்திற்கு அழைத்து வர வேண்டும் என்கிற கோரிக்கை ஒன்றையும் வைத்தார்.
Vijay Antony
காதல் மற்றும் திருமணத்திற்குப் பிறகு கணவன் - மனைவி இடையே காதல் எப்படி இருக்க வேண்டும் என்பது குறித்து அழகாகவும் நகைச்சுவையாகவும் பேசப்பட்டுள்ள இந்த படம் ரிலீஸ் ஆனதில் இருந்தே ரசிகர்கள் மத்தியில் நல்ல வரவேற்பை பெற்றுவரும் நிலையில், இப்படத்தின் முதல்நாள் வசூல் குறித்த தகவல் வெளியாகியுள்ளது.
அதன்படி முதல் நாளே இப்படம் தமிழகத்தில் ரூ.1.5 கோடி முதல் 1.8 கோடி வரை வசூலித்துள்ளதாக கூறப்படுகிறது. இதுவே இப்படத்தின் வெற்றியை உறுதி செய்துள்ளதாகவும், தொடர்ந்து நல்ல விமர்சனங்கள் கிடைத்து வருவதால் வசூல் அதிகரிக்கும் என எதிர்பார்க்கப்படுகிறது.
சேனலை கிளிக் செய்து பின்தொடரவும்
