Ghilli : ரெக்கார்ட் பிரேக்கிங் வசூல்.. ரீ-ரிலீஸிலும் மாஸ் காட்டிய கில்லி - முதல் நாள் பாக்ஸ் ஆபிஸ் நிலவரம் இதோ
தரணி இயக்கத்தில் விஜய், திரிஷா நடித்த கில்லி திரைப்படம் திரையரங்குகளில் ரீ-ரிலீஸ் ஆகி உள்ள நிலையில், அதன் வசூல் நிலவரத்தை தற்போது பார்க்கலாம்.
ghilli
நடிகர் விஜய் நடிப்பில் வெளிவந்த மாஸ்டர் பீஸ் திரைப்படம் தான் கில்லி. தரணி இயக்கிய இப்படத்தில் விஜய்க்கு ஜோடியாக திரிஷா நடித்திருந்தார். மேலும் ஆஷிஷ் வித்யார்த்தி, பிரகாஷ் ராஜ், தாமு, மயில்சாமி, நாகேந்திர பிரசாத், விமல் என மிகப்பெரிய நட்சத்திர பட்டாளமே நடித்திருந்த இப்படத்தை ஏ.எம்.ரத்னம் தயாரித்திருந்தார். வித்யாசாகர் இசையமைத்த இப்படத்தின் பாடல்கள் இன்றளவும் ரசிகர்கள் மனதில் நீங்கா இடம்பிடித்து உள்ளது.
Thalapathy Vijay, Trisha
கில்லி திரைப்படம் தெலுங்கில் மகேஷ் பாபு நடிப்பில் வெளிவந்த ஒக்கடு படத்தின் தமிழ் ரீமேக் ஆக வெளிவந்தது. கடந்த 2004-ம் ஆண்டு திரைக்கு வந்த கில்லி திரைப்படம் மாபெரும் வெற்றிபெற்றதோடு, நடிகர் விஜய்யின் கெரியரில் முதன்முறையாக ரூ.50 கோடி வசூல் செய்த படம் என்கிற சாதனையையும் படைத்தது. கில்லி படத்தின் அதிரிபுதிரியான வெற்றிக்கு பின்னர் அப்படம் எத்தனை முறை டிவியில் ஒளிபரப்பப்பட்டாலும் அதற்கான டிஆர்பி உச்சத்தில் தான் இருக்கும். அந்த அளவுக்கு மக்களின் மனதை வென்ற படமாக கில்லி உள்ளது.
இதையும் படியுங்கள்...நான்கு கதை! பாரதி ராஜா, ரியோ, நட்டி, சாண்டி நடிக்கும் "நிறம் மாறும் உலகில்" ஃபர்ஸ்ட் லுக் வெளியானது!
ghilli Re Release
இப்படி மாஸ் ஹிட் அடித்த கில்லி திரைப்படம் ரிலீஸ் ஆகி சுமார் 20 ஆண்டுகள் ஆகும் நிலையில், அதை கொண்டாடும் விதமாக அப்படத்தை திரையரங்குகளில் ரீ-ரிலீஸ் செய்துள்ளனர். குறிப்பாக தமிழ்நாட்டில் மட்டும் இப்படம் 325 தியேட்டர்களில் ரீ-ரிலீஸ் ஆகி உள்ளது. கில்லி படம் ரீ-ரிலீஸ் ஆனதால் இந்த வாரம் அதற்கு போட்டியாக எந்த புதுப்படமும் ரிலீஸ் ஆகவில்லை. வழக்கமாக விஜய் படங்கள் ரிலீஸ் ஆனால் எந்த அளவுக்கு கொண்டாட்டங்கள் இருக்குமோ அதே அளவு கொண்டாட்டம் கில்லி ரீ-ரிலீஸ் ஆன தியேட்டர்களிலும் காண முடிந்தது.
Ghilli Re Release Box Office Collection
தமிழ்நாடு மட்டுமின்றி பிரான்ஸ், இலங்கை, சிங்கப்பூர் போன்ற உலக நாடுகளிலும் கில்லி படம் ரீ-ரிலீஸ் ஆகி பட்டைய கிளப்பி வருகிறது. இந்த நிலையில், அப்படத்தின் முதல் நாள் வசூல் நிலவரம் வெளியாகி உள்ளது. அதன்படி இப்படம் முதல் நாளில் ரூ.7 கோடிக்கு மேல் வசூலை வாரிக்குவித்துள்ளதாம். ரீ-ரிலீஸ் படங்களில் முதல் நாளில் அதிக வசூல் செய்த படமாக பவன் கல்யாணின் குஷி இருந்தது. தற்போது கில்லி அந்த சாதனையை முறியடித்து வரலாறு படைத்திருக்கிறது. இன்றும் விடுமுறை தினம் என்பதால் அப்படத்தின் வசூல் மேலும் உயரும் என எதிர்பார்க்கப்படுகிறது.
இதையும் படியுங்கள்...பல வருடங்களுக்கு பின் ரஜினியுடன் கை கோர்க்கும் நடிகர்! பட் இது வேற லெவல் காம்போ? சம்பவம் செய்ய போகும் லோகி!