விபத்தில் சிக்கி பலியான தீவிர ரசிகர்... வீட்டுக்கே சென்று கண்ணீர்மல்க அஞ்சலி செலுத்திய சூர்யா
நடிகர் சூர்யாவின் தீவிர ரசிகர் ஒருவர் சாலை விபத்தில் சிக்கி மரணமடைந்த நிலையில், அவரது இல்லத்திற்கு சென்று நடிகர் சூர்யா அஞ்சலி செலுத்தி உள்ளார்.
suriya fan died
அஜித், விஜய்யை தொடர்ந்து அதிகளவிலான மாஸான ரசிகர் பட்டாளத்தை கொண்டிருக்கும் நடிகர் என்றால் அது சூர்யா தான். தன் மீது அவர்கள் காட்டும் பாசத்தை பார்த்து நெகிழ்ந்து போன சூர்யா, அவர்களை எப்போது அன்பான ஃபேன்ஸ் என்று தான் அழைப்பார். அந்த அளவுக்கு ரசிகர்கள் மீது அக்கறை காட்டும் நடிகராக சூர்யா இருந்து வருகிறார். அடிக்கடி ரசிகர்களை சந்தித்து அவர்களுடன் ஆலோசனை மேற்கொள்வதையும் சூர்யா வழக்கமாக வைத்துள்ளார்.
Actor suriya
இதுதவிர ரசிகர்களுக்கு பல்வேறு உதவிகளையும் செய்து வருகிறார் சூர்யா. கடந்த ஜூலை மாதம் நடிகர் சூர்யாவின் பிறந்தநாளுக்காக பேனர் வைத்தபோது ஆந்திராவை சேர்ந்த அவரது ரசிகர்கள் இருவர் மின்சாரம் தாக்கி பலியான சம்பவம் அறிந்த சூர்யா சோகத்தில் மூழ்கிப்போனார். ரசிகர்களின் மறைவால் அவர் தன்னுடைய பிறந்தநாளையும் கொண்டாடவில்லை என கூறப்படுகிறது. அதுமட்டுமின்றி மறைந்த ரசிகர்களின் குடும்பத்தினரை செல்போனில் தொடர்பு கொண்டு அவர்களுக்கு எந்த உதவியையும் செய்ய தயாராக இருப்பதாக கூறியிருந்தார் சூர்யா.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
suriya fan died in road accident
இந்த நிலையில், தற்போது விபத்தில் மரணமடைந்த தன்னுடைய ரசிகரின் வீட்டுக்கு நேரில் சென்று ஆறுதல் கூறி இருக்கிறார் சூர்யா. சூர்யா நற்பணி இயக்கத்தைச் சேர்ந்தவர் அரவிந்த். 24 வயதாகும் இவர் கடந்த ஆகஸ்ட் மாதம் 24-ந் தேதி சாலை விபத்தில் உயிரிழந்தார். இதை அறிந்த சூர்யா மனமுடைந்து போனார்.
suriya diehard fan died
கங்குவா பட ஷூட்டிங்கில் பிசியாக இருந்ததால் அரவிந்தின் இறுதிச்சடங்கில் சூர்யாவால் கலந்துகொள்ள முடியாமல் போனது. இதனால் தற்போது சென்னை எண்ணூரில் உள்ள அரவிந்தின் வீட்டுக்கு நேரில் சென்று அஞ்சலி செலுத்தினார் சூர்யா. அப்போது அவரின் பெற்றோருக்கு சூர்யா ஆறுதல் கூறினார். இதுகுறித்த புகைப்படங்கள் இணையத்தில் வெளியாகி உள்ளன.
இதையும் படியுங்கள்... அசோக் செல்வன் திருமணத்தில் பாட்டுக் கச்சேரி நடத்திய சூர்யாவின் தங்கை பிருந்தா... வேறலெவல்ல பாடுறாங்களே!
சேனலை கிளிக் செய்து பின்தொடரவும்
