ரக்‌ஷா பந்தன் ஸ்பெஷல்... ரியல் லைஃப் பாசமலர்களுடன் கோலிவுட் பிரபலங்கள் எடுத்த அரிய புகைப்படங்கள் இதோ

உடன்பிறப்புகளுக்கு இடையேயான நேசத்தையும், பாசத்தையும் பகிரக்கூடிய பண்டிகை தான் ரக்‌ஷா பந்தான். அந்த பண்டிகை இன்று நாடு முழுவதும் கோலாகலமாக கொண்டாடப்பட்டு வருகிறது. இந்த நிலையில், தமிழ் சினிமா பிரபலங்களின் உடன்பிறப்புகள் பற்றியும், அவர்களின் அரிய புகைப்படங்களையும் இந்த தொகுப்பில் பார்க்கலாம்.

நடிகர் தனுஷுக்கு செல்வராகவன் என்கிற அண்ணன் இருக்கிறார் என்பது அனைவரும் அறிந்தது. இவர்கள் இருவரும் சினிமாவில் ஹீரோவாகவும், இயக்குனராகவும் கலக்கிக் கொண்டிருக்கின்றனர். இவர்களுக்கு விமல கீதா, கார்த்திகா தேவி என இரு சகோதரிகளும் உள்ளனர். அவர்கள் இருவருமே திருமணமாகி செட்டிலாகிவிட்டனர். அவர்களோடு தனுஷ் எடுத்த அழகிய புகைப்படம் தான் இது.

நடிகர் சிம்பு பேமிலியே சினிமாவில் பணியாற்றி உள்ளது. சிம்புவின் தந்தை டி.ராஜேந்தர் இயக்குனராக ஜொலித்தார். அதேபோல் அவரது சகோதரர் குரலரசன் ஓரிரு படங்களுக்கு இசையமைத்தார். ஆனால் சிம்புவின் குடும்பத்தில் இருந்து சினிமா பக்கம் தலைகாட்டாத ஒருவர் என்றால் அவரது சகோதரி இலக்கியா தான். அவருக்கு திருமணமாகி ஒரு ஆண் குழந்தையும் உள்ளது.

நடிகர் சிவகார்த்திகேயன் சினிமாவில் பாப்புலராக இருந்தாலும் அவரது குடும்பத்தினர் பற்றி பலரும் அறிந்திருக்க வாய்ப்பில்லை. சிவகார்த்திகேயனுக்கு கெளரி என்ற சகோதரியும் உள்ளார். இவருக்கு திருமணம் ஆகிவிட்டது. இவர் தற்போது மருத்துவராக பணியாற்றி வருகின்றார்.

நடிகர் விஜயகுமாரின் மகன் அருண் விஜய்க்கு மொத்தம் 5 தங்கைகள். இதில் பிரீத்தா, ஸ்ரீதேவி, வனிதா ஆகியோர் மட்டுமே சினிமாவில் நடித்திருக்கின்றனர். எஞ்சியுள்ள அனிதா மற்றும் கவிதா ஆகிய இருவரும் திருமணமாகி செட்டிலாகி விட்டனர். அதேபோல் பிரீத்தா, ஸ்ரீதேவி இருவரும் திருமணத்துக்கு பின் நடிப்பதில்லை. வனிதா குடும்ப பிரச்சனை காரணமாக பிரிந்துவிட்டதால் அவர் மட்டும் நடித்து வருகிறார்.

நடிகரும், இசையமைப்பாளருமான ஜிவி பிரகாஷ் குமாருக்கு இப்படி ஒரு தங்கையா என தன் நடிப்பால் பலரையும் ஆச்சர்யப்பட வைத்தவர் தான் பவானி ஸ்ரீ. இவர் வெற்றிமாறன் இயக்கிய விடுதலை படத்தில் நடிகர் சூரிக்கு ஜோடியாக நடித்திருந்தார் என்பது குறிப்பிடத்தக்கது.

இதையும் படியுங்கள்... ரக்ஷா பந்தன் 2023: ரக்ஷாபந்தனன்று சகோதரிக்கு ராசிப்படி பரிசளியுங்கள்... அவர்கள் மகிழ்வார்கள்..!!

சுரேஷ் மேனன் - மேனகா ஜோடியின் மகளான கீர்த்தி சுரேஷ் தற்போது பான் இந்தியா அளவில் கலக்கிக் கொண்டிருக்கிறார். இவருக்கு ரேவதி என்கிற தங்கை உள்ளார். அவருக்கு திருமணமாகிவிட்டது. நடிகை கீர்த்தி சுரேஷ் தன் தங்கை ரேவதி உடன் எடுத்த அழகிய செல்பி புகைப்படம் தான் இது.

பிரேமம் என்கிற மலையாள படம் மூலம் அறிமுகமாகி தற்போது தமிழ், தெலுங்கில் முன்னணி நடிகையாக வலம் வந்து கொண்டிருப்பவர் சாய் பல்லவி. அவருக்கு பூஜா என்கிற தங்கையும் உள்ளார். இதில் ஆச்சர்யம் என்னவென்றால் இருவரும் ஒரே முக ஜாடையில் இருப்பார்கள்.

கோலிவுட்டில் பிசியான நடிகையாக வலம் வருபவர் ஐஸ்வர்யா ராஜேஷ். இவருக்கு மணிகண்டா என்கிற சகோதரர் உள்ளார். இவர் சீரியல்களில் நடித்துள்ளதோடு, கடந்தாண்டு நடந்த பிக்பாஸ் சீசன் 6 நிகழ்ச்சியில் போட்டியாளராகவும் கலந்துகொண்டார்.

நடிகர் அஜித்தின் மனைவியும் நடிகையுமான ஷாலினிக்கு ஷாமிலி என்கிற தங்கையும், ரிச்சர்ட் என்கிற சகோதரரும் உள்ளனர். இதில் ஷாமிலி சிறுவயதில் படங்களில் நடித்தார். ரிச்சர்ட் தற்போது ஹீரோவாக நடித்து வருகிறார். அவர்கள் மூவரும் எடுத்துக்கொண்ட அழகிய புகைப்படம் தான் இது.

இதையும் படியுங்கள்... ரக்ஷாபந்தன் அன்று தவறுதலாக இந்த பரிசை உங்கள் சகோதரிக்கு கொடுக்காதீர்கள்..உறவு மோசமடையும்...