நெல்சனை கழட்டிவிட்டு.. ரஜினியின் ‘தலைவர் 171’ படத்துக்காக மீண்டும் இணைந்த ஜெயிலர் கூட்டணி- வெளியானது அறிவிப்பு
ஜெயிலர் படத்தின் வெற்றியை தொடர்ந்து நடிகர் ரஜினிகாந்த் நடிப்பில் உருவாக உள்ள தலைவர் 171 படத்தை சன் பிக்சர்ஸ் நிறுவனம் தயாரிக்க உள்ளதாக அறிவித்துள்ளது.
Jailer movie team
72 வயதிலும் தமிழ் சினிமாவில் நம்பர் 1 நடிகராக வலம் வருபவர் ரஜினிகாந்த். அண்ணாத்த படத்தின் தோல்வியால் துவண்டு இருந்த ரஜினிகாந்த், ஜெயிலர் திரைப்படம் மூலம் தரமான கம்பேக் கொடுத்துள்ளார். சன் பிக்சர்ஸ் சார்பில் கலாநிதி மாறன் தயாரித்த இப்படத்தை நெல்சன் இயக்கி இருந்தார். மிகுந்த எதிர்பார்ப்புக்கு மத்தியில் கடந்த ஆகஸ்ட் 10-ந் தேதி திரைக்கு வந்த இப்படம், தமிழ்நாடு மட்டுமின்றி ஆந்திரா, கர்நாடகா, கேரளா என அனைத்து மாநிலங்களிலும் சக்கைப்போடு போட்டது.
Rajinikanth, kalanithi maran
ஜெயிலர் படத்திற்கு கூடுதல் பலம் சேர்க்கும் வகையில் ரஜினியுடன் கன்னட நடிகர் ஷிவ ராஜ்குமார், மலையாள நடிகர் மோகன்லால், இந்தி நடிகர் ஜாக்கி ஷெராப் ஆகியோர் நடித்திருந்தனர். அவர்களின் கேமியோ ரோல் படத்திற்கு மிகப்பெரிய பூஸ்ட் ஆக அமைந்தது. ஜெயிலர் படம் மூலம் நன்கு லாபம் பார்த்த சன் பிக்சர்ஸ் நிறுவனம், படக்குழுவுக்கு பரிசுகளை வாரி வழங்கியது. அதன்படி அனிருத், நெல்சன் மற்றும் ரஜினிகாந்துக்கு கார் ஒன்றை பரிசாக வழங்கி இன்ப அதிர்ச்சி கொடுத்தார் கலாநிதி மாறன்.
இதையும் படியுங்கள்... என்னாச்சு? லியோ படத்தில் இருந்து லோகேஷ் விலகிட்டாரா? குழப்பத்தில் ரசிகர்கள்..
thalaivar 171
இதையடுத்து ஜெயிலர் படத்தின் சக்சஸ் மீட்டில் அப்படத்தில் பணியாற்றிய தொழில்நுட்ப கலைஞர்கள் சுமார் 300 பேருக்கு தங்க காசை பரிசாக வழங்கி அவர்களுக்கு பிரியாணி விருந்தும் கொடுத்தார். இப்படி ஜெயிலர் படத்தின் வெற்றியே இன்னும் முழுமையாக கொண்டாடி முடிக்கப்படாத நிலையில், ரஜினி உடனான தங்களது அடுத்த படம் குறித்த அறிவிப்பை வெளியிட்டு சர்ப்ரைஸ் கொடுத்துள்ளார் கலாநிதி மாறன்.
Rajinikanth, Lokesh Kanagaraj
அதன்படி ரஜினியின் 171-வது திரைப்படத்தை லோகேஷ் கனகராஜ் இயக்க உள்ளதாகவும், இப்படத்தை சன் பிக்சர்ஸ் நிறுவனம் தயாரிக்க உள்ளதாகவும் அறிவிக்கப்பட்டு உள்ளது. மேலும் இப்படத்திற்கு அனிருத் இசையமைப்பார் என்றும், ஸ்டண்ட் பணிகளை அன்பறிவு மேற்கொள்வார்கள் எனவும் குறிப்பிட்டுள்ளனர். நெல்சனுக்கு பதிலாக லோகேஷ் கனகராஜை களமிறக்கி ஜெயிலர் படக்குழு மீண்டும் இணைந்துள்ளதால் இப்படத்தின் மீதான எதிர்பார்ப்பு எகிறி உள்ளது.
இதையும் படியுங்கள்... ஜெயிலர் படத்தின் அதிரிபுதியான வெற்றியால் மளமளவென உயர்ந்த சன் டிவி பங்குகள்... ஆத்தாடி ஒரே மாதத்தில் இவ்வளவா?