Parking OTT Release: ஹரிஷ் கல்யாண் நடிப்பில் வெளியான 'பார்க்கிங்' படத்தின் ஓடிடி ரிலீஸ் அறிவிப்பு!
நடிகர் ஹரிஷ் கல்யாண் நடிப்பில், அண்மையில் வெளியாகி ரசிகர்கள் மத்தியில் நல்ல வரவேற்பை பெற்ற, பார்க்கிங் திரைப்படத்தின் ஓடிடி ரிலீஸ் குறித்த தகவல் வெளியாகி உள்ளது.
தமிழில் தொடர்ந்து வலுவான கதைகளையும், கதாபாத்திரங்களையும், தேர்வு செய்து நடித்து வரும் இளம் நடிகர் ஹரிஷ் கல்யாண்... அறிமுக இயக்குனர் ராம்குமார் பாலகிருஷ்ணன் இயக்கத்தில் நடித்திருந்த திரைப்படம் 'பார்க்கிங்'.
டிசம்பர் 1-ஆம் தேதி, உலகம் முழுவதும் திரையரங்குகளில் வெளியான இந்த படம், வாடகை வீட்டில் கார் வைத்திருக்கும் அனைவரும் தங்களுடைய வாழ்க்கையில் எதிர்கொள்ளும் ஒரு யதார்த்தமான பிரச்சனையின் ஆழத்தை வெளிப்படுத்தும் விதத்தில் எடுக்கப்பட்டிருந்தது.
இந்த படத்தில் ஹரிஷ் கல்யாணுக்கு நிகரான கதாபாத்திரத்தில் நடிகர் எம் எஸ் பாஸ்கர் நடிப்பில் மிரட்டி இருந்தார். மேலும் ஹரிஷ் கல்யாண் ஜோடியாக இந்துஜா நடித்திருந்தார். இந்த படம் ரசிகர்கள் மத்தியில் நல்ல வரவேற்பை பெற்ற, பொழுது போக்கு திரைப்படமாக அமைந்தது.
இந்நிலையில் இந்த படம் வெளியாகி 28 நாட்களுக்கு மேல் ஆகும் நிலையில், தற்போது இப்படத்தின் ஓடிடி ரிலீஸ் குறித்த தகவலை படக்குழு அதிகாரப்பூர்வமாக அறிவித்துள்ளது. அதன்படி (டிசம்பர் 30) அதாவது நாளைய தினம், 'பார்க்கிங்' திரைப்படம் டிஸ்னி பிளஸ் ஹாட்ஸ்டார் ஓடிடி தளத்தில் வெளியாக உள்ளது. இந்த படத்திற்கு இசையமைப்பாளர் சாம் சி.எஸ்.இசையமைத்திருந்தார். ஜிஜு சன்னி ஒளிப்பதிவு செய்ய, பிலோமினா ராஜ் இப்படத்திற்கு படத்தொகுப்பு செய்திருந்தார். இந்த ஆண்டில் குறைந்த பட்ஜெட்டில் வெளியான, அறிமுக இயக்குனரின் சிறந்த வெற்றி படங்களில் இதுவும் ஒன்று என்பது குறிப்பிடத்தக்கது.
சேனலை கிளிக் செய்து பின்தொடரவும்
