ஜம்முனு பறந்து செல்ல... சொந்தமாக விமானம் வைத்திருக்கும் தென்னிந்திய பிரபலங்கள் யார்.. யார்? முழு லிஸ்ட் இதோ
தென்னிந்திய திரையுலகை சேர்ந்த நடிகர், நடிகைகள் யார் யாரிடம் சொந்தமாக விமானம் இருக்கிறது என்பது பற்றியும் அவற்றின் மதிப்பு பற்றியும் இந்த தொகுப்பில் பார்க்கலாம்.
South Indian Actors Having Private Jet
சினிமா பிரபலங்கள் பெரும்பாலும் ஆடம்பர வாழ்க்கையை தான் விரும்புவார்கள். அவர்களுக்கு படங்களில் நடிப்பதன் மூலம் கோடிக்கணக்கில் சம்பளம் வாரி வழங்கப்படுகிறது. அந்த பணத்தை ரியல் எஸ்டேட்டில் முதலீடு செய்வது, பிசினஸ் தொடங்குவது, புது புது கார் வாங்குவது என செலவிடுவார்கள். சிலரோ அந்த பணத்தில் சொந்தமாக விமானமே வாங்கி வைத்திருக்கிறார். அப்படி தனி விமானம் வைத்திருக்கும் தென்னிந்திய பிரபலங்கள் யார் யார் என்பதை இந்த தொகுப்பில் பார்க்கலாம்.
Mahesh Babu
தெலுங்கு திரையுலகில் முன்னணி நடிகராக வலம் வருபவர் மகேஷ் பாபு. இவரும் சொந்தமாக தனி விமானம் ஒன்றை வைத்திருக்கிறார். குடும்பத்தினருடன் சுற்றுலா செல்லவும், தொழில் ரீதியிலான பயணங்களை மேற்கொள்ளவும் அவர் இந்த விமானத்தை பயன்படுத்தி வருகிறார்.
Prabhas
பாக்ஸ் ஆபிஸ் பாகுபலி என ரசிகர்களால் செல்லமாக அழைக்கப்படும் நடிகர் பிரபாஸும் சொந்தமாக தனி விமானம் வைத்திருக்கிறார். பான் இந்தியா நடிகராக வலம் வரும் பிரபாஸ், பல்வேறு மாநிலங்களில் நடைபெறும் ஷூட்டிங்கில் பங்கேற்பதற்காக இந்த விமானத்தை பயன்படுத்தி வருகிறாராம்.
Nagarjuna
தெலுங்கு திரையுலகில் உள்ள பணக்கார நடிகர்களுள் ஒருவர் தான் நாகார்ஜுனா. இவருக்கு சினிமாவை தாண்டி ஏராளமான பிசினஸ் உள்ளது. இவரிடமும் பிரைவேட் ஜெட் உள்ளது. இந்த விமானத்தை நாகார்ஜுனா மட்டுமின்றி அவரது மகன்களான நாகசைதன்யா மற்றும் அகில் ஆகியோரும் பயன்படுத்துகின்றனர்.
இதையும் படியுங்கள்... குஷி ஜோதிகா போல் மாறிய ஜோவிகா! சேலையில் இடுப்பழகை காட்டி.. கவர்ச்சி கோதாவில் இறங்கிய வனிதா மகள் - போட்டோஸ் இதோ
Ramcharan
டோலிவுட்டில் பிசியான நடிகராக வலம் வருபவர் ராம் சரண். ராஜமவுலியின் ஆர்.ஆர்.ஆர் படத்தில் நடித்த பின்னர் இவரது மார்க்கெட் ஜெட் வேகத்தில் உயர்ந்துவிட்டது. இவரிடமும் தனி விமானம் உள்ளது. தன்னுடைய மனைவி உடன் பயணிக்க அவர் இந்த விமானத்தை பயன்படுத்துகிறார். அவரது தந்தை சிரஞ்சீவியும் இந்த விமானத்தில் பயணிப்பதுண்டு.
Nayanthara
தென்னிந்திய திரையுலகில் லேடி சூப்பர்ஸ்டாராக வலம் வரும் நடிகை நயன்தாராவும் தனி விமானம் ஒன்றை வைத்திருக்கிறார். அவர் தன்னுடைய காதல் கணவன் விக்னேஷ் சிவன் மற்றும் மகன்கள் உயிர், உலக் ஆகியோருடன் பயணிக்க இந்த விமானத்தை பயன்படுத்தி வருகிறார். அதன் மதிப்பு ரூ.10 கோடிக்கு மேல் இருக்குமாம்.
Junior NTR
ராஜமவுலி இயக்கிய ஆர்.ஆர்.ஆர் படத்தில் கொமரம் பீம் ஆக நடித்து அனைவரையும் மிரள வைத்தவர் ஜூனியர் என்.டி.ஆர். இவருக்கும் சொந்தமாக தனி விமானம் உள்ளது. குடும்பத்தினருடன் பயணம் மேற்கொள்ள அவர் இந்த தனி விமானத்தை பயன்படுத்தி வருகிறார். அதன் மதிப்பு ரூ.8 கோடி இருக்கும் என கூறப்படுகிறது.
Allu Arjun
புஷ்பா படம் மூலம் பான் இந்தியா ஸ்டார் ஆக உயர்ந்திருப்பவர் அல்லு அர்ஜுன். அவரும் சொந்தமாக பிரைவேட் ஜெட் வைத்திருக்கிறார். அவர் 6 இருக்கைகள் கொண்ட இந்த விமானத்தை அண்மையில் தான் வாங்கினார். இதில் பேமிலியோடு ஜாலியாக பயணம் மேற்கொள்ள பயன்படுத்தி வருகிறார் அல்லு அர்ஜுன்.
இதையும் படியுங்கள்... நானும் குக் வித் கோமாளியில் இருந்து விலகுகிறேன்! வெங்கடேஷ் பட்-ஐ தொடர்ந்து அதிர்ச்சி கொடுத்த மற்றுமொரு பிரபலம்
சேனலை கிளிக் செய்து பின்தொடரவும்
