மாரிமுத்து மறைவால் எதிர்நீச்சல் தொடருக்கு சிக்கல்... அடுத்த ஆதி குணசேகரன் யார்?

எதிர்நீச்சல் சீரியலில் ஆதி குணசேகரனாக நடித்து வந்த மாரிமுத்து திடீரென மாரடைப்பு ஏற்பட்டு மரணமடைந்து உள்ளதால், அந்த சீரியலுக்கு சிக்கல் ஏற்பட்டுள்ளது.

Marimuthu

சின்னத்திரையில் தொலைக்காட்சி தொடர்களுக்கு என்றைக்குமே மவுசு குறைந்ததில்லை. முன்பெல்லாம் பெண்கள் மட்டுமே அதிகளவில் பார்த்து வந்த சீரியல்களை தற்போது ஆண்களும் அதிகம் விரும்பி பார்க்க தொடங்கி உள்ளனர். அந்த அளவுக்கு விறுவிறுப்பான கதைக்களத்துடன் சீரியல்கள் ஒளிபரப்பாகி வருகின்றன. அந்த வகையில், தற்போது டிஆர்பி-யில் சக்கைப்போடு போட்டு வரும் சீரியல் என்றால் அது எதிர்நீச்சல் தான்.

Ethirneechal serial Marimuthu

திருச்செல்வம் இயக்கும் இந்த சீரியல் சன் டிவியில் ஒளிபரப்பாகி வருகிறது. கடந்த ஆண்டு தொடங்கப்பட்ட இந்த சீரியல் 500 எபிசோடுகளை தாண்டி வெற்றிகரமாக ஒளிபரப்பாகி வருகிறது. இந்த சீரியலில் வெற்றிக்கு முக்கிய காரணமாக திகழ்ந்தவர் மாரிமுத்து. இதில் ஆதி குணசேகரன் என்கிற வில்லத்தனமான கேரக்டரில் நடித்து வருகிறார் மாரிமுத்து. அவரின் நடிப்பும், அவர் பேசும் வசனங்களும் தான் இந்நிகழ்ச்சியை மிகப்பெரிய அளவில் ஹிட் ஆக்கியது என்றே சொல்லலாம்.

இதையும் படியுங்கள்... Breaking : அச்சச்சோ... எதிர்நீச்சல் சீரியல் நடிகர் மாரிமுத்து காலமானார் - அதிர்ச்சியில் ரசிகர்கள்

Athi gunasekaran Marimuthu

எதிர்நீச்சல் சீரியலில் தற்போது பரபரப்பாக நகர்ந்து வருகிறது. அதில் அப்பத்தாவிடம் இருக்கும் சொத்தை எப்படியாவது வாங்கிவிட வேண்டும் என்கிற முனைப்போடு ஆதி குணசேகரன் கேரக்டர் பல்வேறு சூழ்ச்சிகளை செய்து வருவது போல் திரைக்கதை நகர்ந்து வருகிறது. இந்த நிலையில், ஆதி குணசேகரனாக நடிக்கும் மாரிமுத்து இன்று காலை திடீரென மாரடைப்பால் காலமாகி உள்ளார். அவரின் மறைவால் ஒட்டுமொத்த திரையுலகமே சோகத்தில் மூழ்கி உள்ளது.

Ethirneechal Marimuthu

இது ஒருபுறம் இருக்க எதிர்நீச்சல் தொடரின் முதுகெலும்பாக இருந்த ஆதி குணசேகரன் கேரக்டரில் இனி மாரிமுத்து நடிக்க முடியாது என்பதால், அந்த சீரியலுக்கும் சிக்கல் ஏற்பட்டுள்ளது. அடுத்த ஆதி குணசேகரன் யார் என்பதும் புரியாத புதிராக உள்ளது. இனி அந்த கேரக்டரில் வேறு எந்த நடிகர் நடித்தாலும் மாரிமுத்து அளவுக்கு நடிக்கவே முடியாது என்பது மட்டும் நிதர்சனமான உண்மை. அடுத்த ஆதி குணசேகரனுக்கான தேடுதல் வேட்டையை விரைவில் எதிர்நீச்சல் டீம் தொடங்க உள்ளதாக கூறப்படுகிறது.

இதையும் படியுங்கள்... சீரியலையே மிஞ்சும் அளவுக்கு... நிஜ வாழ்க்கையிலும் எதிர்நீச்சல் மாரிமுத்துவுக்கு வந்த மிகப்பெரிய சிக்கல்