Parking Day 1 Collection: நயனுடன் மோதிய ஹரிஷ் கல்யாணின் 'பார்க்கிங்' பட முதல் நாள் பாக்ஸ் ஆபீஸ் வசூல் விவரம்!
கார் வைத்திருக்கும் பலர் தங்களுடைய வாழ்க்கையில் சந்திக்கும் சராசரி ஒரு பிரச்சனையை மையப்படுத்தி எடுக்கப்பட்டிருக்கும், 'பார்க்கிங்' திரைப்படத்தின் முதல் நாள் வசூல் குறித்த தகவல் வெளியாகி உள்ளது.
இயக்குனர் ராம்குமார் பாலகிருஷ்ணன் இயக்கத்தில், ஹரிஷ் கல்யாண் ஹீரோவாக நடித்த வெளியாகி உள்ள திரைப்படம் 'பார்க்கிங்'. இந்த படத்தில் இந்துஜா ரவிச்சந்திரன், ஹரிஷ் கல்யாணுக்கு ஜோடியாக நடித்துள்ளார். எம் எஸ் பாஸ்கர் முக்கிய கதாபாத்திரத்தில் நடித்துள்ள இப்படத்தில், ரமா பிரதான நாதன், இளவரசு, உள்ளிட்ட பலர் நடித்துள்ளனர்.
ஐடி துறையில் பணியாற்றும் ஹீரோ ஹரிஷ் கல்யாண், தன்னுடைய மனைவி இந்துஜா கர்ப்பமாவதால் அவரை மருத்துவமனை மற்றும் வெளியிடங்களுக்கு வண்டியில் அழைத்து செல்ல முடியாது என்பதால், கார் ஒன்றை வாங்குகிறார். இதற்குப் பின்பு தான் பிரச்சனையை துவங்குகிறது... ஹரிஷ் கல்யாண் வாடகைக்கு இருக்கும் வீட்டின் கீழே வசிக்கும் எம் எஸ் பாஸ்கர் தன்னுடைய காரை வீட்டில் இருக்கும் பார்க்கிங் ஏரியாவில் பார்க் செய்ய, ஹரிஷ் கல்யாண் தன்னுடைய காரை வெளியில் நிறுத்த நேர்கிறது.
எந்த இடத்தில் காரை நிறுத்தினாலும் பிரச்சனை வர, எம் எஸ் பாஸ்கருக்கு கார் நிறுத்தும் இடத்தில் தன்னுடைய காரை ஹரிஷ் கல்யாண் நிறுத்துகிறார். இதனால் இருவருக்கும் இடையே ஈகோ பிரச்சனை ஏற்படுகிறது. இதனால் ஏற்படும் சண்டையை மையப்படுத்தி விறுவிறுப்பான கதைக்களத்துடன் இப்படம் எடுக்கப்பட்டுள்ளது.
பெரிதாக எந்த ஒரு ட்விஸ்ட் அண்ட் டர்ன்ஸும் இல்லாமல் சீட் நுனியில் அமர வைத்து படத்தை அணுவணுவாக ரசிக்க வைக்கிறார் இயக்குனர் ராம்குமார் பாலகிருஷ்ணன். ஹரிஷ் கல்யாண் மற்றும் எம் எஸ் பாஸ்கரின் ஆக்ரோஷமான நடிப்பு அபாரம் என ரசிகர்கள் தெரிவித்து வருகின்றனர். அதேபோல் பிலோமின் ராஜின் படத்தொகுப்பு, ஜிஜூ சன்னியின் ஒளிப்பதிவு மற்றும் சாம் CS இசை படத்திற்கு வலு சேர்த்துள்ளது.
நயன்தாராவின் அன்னபூரணி படத்தின் விமர்சனத்தையே பீட் செய்யும் அளவுக்கு ரசிகர்கள் மத்தியில் பாராட்டுகளை பெற்று வருகிறது. இந்நிலையில் இப்படம் முதல் நாளில் உலக அளவில் சுமார் 45 முதல் 50 லட்சம் வரை வசூல் செய்துள்ளதாக கூறப்படுகிறது. படத்திற்கு தொடர்ந்து பாசிட்டிவ் விமர்சனங்கள் கிடைத்து வருவதால், அடுத்தடுத்த நாட்களில் இப்படத்தின் வசூல் அதிகரிக்க கூடும் என கூறுகின்றனர் திரையரங்க உரிமையாளர்கள்.
ஏசியாநெட் தமிழ் செய்திகளை உடனுக்கு உடன் Whatsapp Channel-லில் பெறுவதற்கு கீழே கொடுக்கப்பட்டு இருக்கும் லிங்குடன் இணைந்து இருக்கவும்.
Click this link: https://whatsapp.com/channel/0029Va9TFCWB4hdYZOoYCK2D
சேனலை கிளிக் செய்து பின்தொடரவும்
