Atlee : அல்லு அர்ஜுன் படத்துக்காக சூப்பர்ஸ்டார் பாணியில் டீல் பேசி... அட்லீ போட்ட கண்டிஷன் - ஆடிப்போன டோலிவுட்

கோலிவுட்டில் ராஜா ராணி படம் மூலம் இயக்குனராக அறிமுகமானவர் அட்லீ. முதல் படத்திலேயே பிளாக்பஸ்டர் வெற்றியை ருசித்த அட்லீக்கு அடுத்தடுத்து விஜய்யின் தெறி, மெர்சல், பிகில் போன்ற மூன்று மாஸ் படங்களை இயக்கும் வாய்ப்பு கிடைத்தது. இந்த மூன்று படங்களும் மாஸ் ஹிட் அடித்ததை தொடர்ந்து ஜவான் என்கிற பிரம்மாண்ட பட வாய்ப்பு அட்லீயை தேடி வந்தது. அப்படத்தின் மூலம் பாலிவுட்டில் இயக்குனராக அறிமுகமானார் அட்லீ.

அதுவும் பாலிவுட் திரையுலகின் பாட்ஷா என்றழைக்கப்படும் ஷாருக்கான் தான் அப்படத்தில் ஹீரோவாக நடித்திருந்தார். அப்படத்திற்காக சுமார் 3 ஆண்டுகள் கடினமாக உழைத்து பக்கா கமர்ஷியல் படமாக ஜவான் படத்தை எடுத்தார் அட்லீ. அவரின் மேக்கிங் ஸ்டைல் பார்த்து பாலிவுட்டே மிரண்டு போனது. ஜவான் படத்தை இந்தி திரையுலகினரும், ரசிகர்களும் தலையில் தூக்கி வைத்து கொண்டாடினர். இதனால் அப்படம் பாக்ஸ் ஆபிஸில் ரூ.1000 கோடிக்கு மேல் வசூலை வாரிக்குவித்தது.

இதையும் படியுங்கள்... Thug Life : துல்கருக்கு பதில் சிம்பு... ஜெயம் ரவிக்கு பதில் இவரா? தக் லைஃப் பட வாய்ப்பை தட்டிதூக்கிய மாஸ் ஹீரோ

ஜவான் படத்தின் வெற்றிக்கு பின்னர் இயக்குனர் அட்லீ கால்ஷீட்டுக்காக பாலிவுட்டே காத்திருக்க, அவரோ, அடுத்ததாக டோலிவுட் பக்கம் சென்றுவிட்டார். தெலுங்கில் மாஸ் நடிகராக வலம் வரும் அல்லு அர்ஜுவை வைத்து தான் தன் அடுத்த படத்தை இயக்க உள்ளார் அட்லீ. அப்படத்திற்கான ஆரம்பக்கட்ட பணிகள் விறுவிறுப்பாக நடைபெற்று வருகிறது. இந்த நிலையில், இயக்குனர் அட்லீ போட்ட கண்டிஷன் குறித்து டோலிவுட்டில் ஒரு தகவல் உலா வருகிறது.

ஜவான் படத்தின் வெற்றிக்கு பின்னர் இயக்குனர் அட்லீ தன் சம்பளத்தை ரூ.60 கோடியாக உயர்த்திவிட்டதாக ஏற்கனவே தகவல் வெளியான நிலையில், அதோடு தனக்கு படத்தில் வசூலில் இருந்து குறிப்பிட்ட ஷேர் கொடுக்க வேண்டும் என்றும் கண்டிஷன் போட்டுள்ளாராம். வழக்கமாக ஹீரோக்கள் தான் இப்படி ஷேர் கேட்பார்கள். அண்மையில் ஜெயிலர் படத்துக்காக ரஜினிகாந்தும் ஷேர் வாங்கி இருந்தார். தற்போது அதே பாணியில் டீல் பேசி டோலிவுட்டை அதிரவிட்டுள்ளார் அட்லீ.

இதையும் படியுங்கள்... Thalaivar 171 Title : ஆஹா இது வில்லங்கமான டைட்டில் ஆச்சே... லீக்கானது ரஜினியின் ‘தலைவர் 171’ பட தலைப்பு?