CWC 5: குக் மட்டுமில்ல கோமாளிகளும் புதுசுதான்.. 5வது சீசனில் அதிரடியாக களமிறங்கும் புது கோமாளிகள் யார்.. யார்?

புதுமைகள் நிறைத்த குக் வித் கோமாளி சீசன் 5

விஜய் டிவியில் ஒளிபரப்பாகும் ரியாலிட்டி ஷோக்களில் மிகவும் பாப்புலர் ஆனது குக் வித் கோமாளி நிகழ்ச்சி தான். இந்நிகழ்ச்சி இதுவரை நான்கு சீசன்கள் வெற்றிகரமாக முடிந்துள்ள நிலையில், ஐந்தாவது சீசன் வருகிற ஏப்ரல் 27-ந் தேதி தொடங்க உள்ளது. முந்தைய சீசன்களைப் போல் அல்லாமல் இம்முறை பல்வேறு புதுமைகளுடன் அமர்களமாக ஆரம்பமாக உள்ளது குக் வித் கோமாளி நிகழ்ச்சி. இதனால் ரசிகர்களிடையே எதிர்பார்ப்பு எகிறி உள்ளது.

வெங்கடேஷ் பட்டுக்கு பதில் மாதம்பட்டி ரங்கராஜ்

குக் வித் கோமாளி நிகழ்ச்சியில் கடந்த நான்கு சீசன்களாக வெங்கடேஷ் பட் மற்றும் செஃப் தாமு ஆகியோர் நடுவர்களாக இருந்தனர். ஆனால் இம்முறை வெங்கடேஷ் பட் இந்நிகழ்ச்சியில் இருந்து விலகிவிட்டதால் அவருக்கு பதிலாக புதிய நடுவராக மாதம்பட்டி ரங்கராஜை களமிறக்கி உள்ளனர். கேட்டரிங் துறையில் கிங் ஆக இருக்கும் மாதம்பட்டி ரங்கராஜ், சினிமாவிலும் மெஹந்தி சர்க்கஸ், பெண்குயின் போன்ற படங்களில் நடித்திருக்கிறார்.

இதையும் படியுங்கள்.... Kayal: அட்ராசக்க 'கயல்' சீரியலில் இவ்வளவு நாள் ரசிகர்கள் எதிர்பார்த்த விஷயம் நடக்க போகிறது! எகிற போகும் TRP!

குக் வித கோமாளி சீசன் 5 போட்டியாளர்கள் லிஸ்ட்

அதேபோல் இம்முறைய சமையல் திறமையை வெளிப்படுத்த களமிறங்கும் குக்குகள் குறித்த விவரமும் கசிந்துள்ளது. அந்த வகையில் நடிகை திவ்யா துரைசாமி, இசையமைப்பாளர் ஸ்ரீகாந்த் தேவா, விஜய் டிவி தொகுப்பாளினி பிரியங்கா தேஷ்பாண்டே, சீரியல் நடிகர் வசந்த், நடிகை ஷாலின் சோயா மற்றும் சமையல் கலைஞர் கிருஷ்ணா மெக்கன்ஸி உள்ளிட்ட எட்டு போட்டியாளர்களை களமிறக்கி உள்ளதாக முதற்கட்ட தகவல்கள் தெரிவிக்கின்றன.

புது கோமாளிகள் யார்... யார்?

இந்நிலையில். இந்த சீசனில் புது குக்குகளை போல், கோமாளிகளையும் புதிதாக களமிறக்கி உள்ளனர். அந்த வகையில், புகழ், சுனிதா, குரேஷி, சரத் போன்ற பழைய கோமாளிகள் இருந்தாலும், அவர்களுடன் சேர்ந்து காமெடி கலாட்டா செய்ய கேமி, அன்ஷிதா, வினோத், ஷப்னம், நாஞ்சில் விஜயன், ‘என்னம்மா’ ராமர் போன்ற புது கோமாளிகளை களமிறக்கி உள்ளனர். இதனால் இந்த சீசன் ஃபன் ஓவர்லோடடாக இருக்கும் என எதிர்பார்க்கப்படுகிறது.

இதையும் படியுங்கள்.... அட இது அதுல்ல; ஜீ தமிழ் சீரியலை பட்டி டிங்கரிங் பார்த்து எடுக்கப்படுகிறதா மல்லி சீரியல்? கலாய்க்கும் ரசிகர்கள்