Anitha Vijayakumar: ஜாம் ஜாம்னு நடந்து முடிந்த மகளின் திருமணம்; தோழிகளோடு Goaவில் சில் பண்ணிய அனிதா விஜயகுமார்

நடிகர் விஜய்குமாரின் பேமிலி மிகவும் பெருசு என்பது அனைவரும் அறிந்ததே. அவரின் இரண்டு மனைவிகளுக்கும் தலா மூன்று பிள்ளைகள். அதில் மூத்த மனைவி முத்துக்கண்ணுக்கு பிறந்தவர்கள் தான் கவிதா, அனிதா, அருண் விஜய். இரண்டாவது மனைவி மஞ்சுளாவுக்கு வனிதா, ப்ரீத்தா, ஸ்ரீதேவி ஆகிய மூன்று மகள்கள் உள்ளனர்.

விஜயகுமாரின் வாரிசுகளில் அனிதா தவிர மற்ற அனைவருமே சினிமாவில் நடித்துள்ளனர். அனிதாவுக்கு சினிமாவில் ஆர்வம் இல்லாததால் மருத்துவம் படித்து டாக்டராக பணியாற்றி வருகிறார். அனிதா விஜயகுமாருக்கு ஒரு மகன், ஒரு மகள் உள்ளனர். இதில் அவரது மகள் தியாவுக்கு அண்மையில் திருமணம் நடந்து முடிந்தது.

மகளின் திருமணத்தை படு கிராண்டாக நடத்தி முடித்துள்ளார் அனிதா விஜயகுமார். கடந்த பிப்ரவரி மாதம் தியாவின் திருமணம் நடந்து முடிந்தது. நடிகை நயன்தாரா திருமணம் செய்துகொண்ட மகாபலிபுரத்தில் உள்ள நட்சத்திர விடுதியில் தான் தியாவின் திருமணமும் நடைபெற்றது. இதில் ரஜினிகாந்த் உள்பட திரைப்பிரபலங்களும் கலந்துகொண்டனர்.

இதையும் படியுங்கள்... அன்று பண்பலை தொகுப்பாளர்.. இன்று தமிழகத்தின் டாப் Anchor - மா.கா.பா ஆனந்தின் Net Worth எவ்வளவு தெரியுமா?

திருமணம் முடிந்தாலும் திருமண கொண்டாட்டங்கள் இன்னும் முடிந்தபாடில்லை. மகளின் திருமணத்திற்காக உழைத்த உறவினர்களுக்கு அண்மையில் பைவ் ஸ்டார் ஓட்டலில் வைத்து ராஜ விருந்து கொடுத்திருந்தார் அனிதா விஜயகுமார். இதுகுறித்த புகைப்படங்களும் வெளியாகி வைரலாகி இருந்தன.

விருந்து முடிந்த கையோடு, ஜாலியாக தன்னுடைய தோழிகளுடன் கோவா ட்ரிப் சென்றிருக்கிறார் அனிதா விஜயகுமார். புதுமணப்பெண் தியாவும் இந்த ட்ரிப்பில் கலந்துகொண்டு பார்ட்டி கொண்டாடி இருக்கிறார். இந்த கோவா ட்ரிப்பின் போது எடுத்த புகைப்படங்களை அருண் விஜய் மனைவி ஆர்த்தி தன்னுடைய இன்ஸ்டாகிராம் பக்கத்தில் பதிவிட்டு உள்ளார்.

இதையும் படியுங்கள்... Aishwarya Shankar: முதல் பத்திரிகை முதல்வருக்கு... மகளின் இரண்டாவது திருமண வேலைகளை தடபுடலாக தொடங்கிய ஷங்கர்