எப்படி இவங்க மட்டும் எல்லா ட்ரெஸ்லயும் க்யூட்டா இருக்காங்க... ஸ்ரீ தேவி விஜயகுமாரின் நியூ போட்டோஸ் இதோ.

பிரபல நட்சத்திர தம்பதி விஜயகுமார் தம்பதியின் கடைசி மகள் தான் ஸ்ரீ தேவி விஜயகுமார். இவர் தமிழில் பல படங்களில் குழந்தை நட்சத்திரமாக நடித்துள்ளார். சத்யராஜ் – குஷ்பு நடிப்பில் வெளியான ரிக்ஷா மாமா படத்தின் மூலம் குழந்தை நட்சத்திரமாக அறிமுகமானர். தனது முதல் படத்திலேயே ஸ்ரீ தேவி, அடுத்தடுத்து பல படங்களில் குழந்தை நட்சத்திரமாக நடித்தார். 

2002-ம் ஆண்டு வெளியான ஈஸ்வர் படத்தின் மூலம் தெலுங்கு திரையுலகில் அறிமுகமானார் ஸ்ரீதேவி. பின்னர் அதே ஆண்டு தமிழில் வெளியான காதல் வைரஸ் படத்தின் மூலம் தமிழிலும் அறிமுகமானார்.

இந்த படத்திற்கு போதிய வரவேற்பு கிடைக்காத நிலையில் அதே ஆண்டு வெளியான பிரியமான தோழி படத்தில் மாதவனுக்கு தோழியாக நடித்தார் ஸ்ரீதேவி. இந்த படத்தில் நடித்ததன் மூலம் அவருக்கு நல்ல வரவேற்பு கிடைத்தது. 

இதை தொடர்ந்து ஜீவாவுக்கு ஜோடியாக தித்திக்குதே படத்தில் ஸ்ரீதேவி நடித்தார். இந்த படத்திற்காக சிறந்த நடிகைக்கான பிலிம்பேர் விருது அவருக்கு கிடைத்தது. இதை தொடர்ந்து தெலுங்கு படங்களில் பிசியானார் ஸ்ரீ தேவி.ன்றனர்.  

தமிழில் தனுஷுக்கு ஜோடியாக ஸ்ரீ தேவி நடித்த தேவதையை கண்டேன் படம் தான் ஸ்ரீ தேவியின் கடைசி படம். எனினும் தொடர்ந்து தெலுங்கில் பல ஹிட் படங்களில் நடித்ததன் மூலம் முன்னணி நடிகையாக மாறினார். 

தெலுங்கு , கன்னடம் மொழிகளில் மாறி மாறி நடித்து வந்த ஸ்ரீ தேவி தமிழில் 4 படங்களில் மட்டுமே ஹீரோயினாக நடித்தார். எனினும் தனக்கென தனி ரசிக பட்டாளத்தை கொண்டிருந்தார். 

இதனிடையே ராகுல் என்பவரை திருமணம் செய்து கொண்ட ஸ்ரீதேவி திரைப்படங்களில் நடிப்பதில் இருந்து ஒதுங்கி இருந்தார். பின்னர் 10 ஆண்டு இடைவெளிக்கு பிறகு தொலைக்காட்சியில் நடுவராக வர தொடங்கினார்.

தெலுங்கு தொலைக்காட்சிகளில் பல்வேறு நிகழ்ச்சிகளுக்கு நடுவராக வந்த அவர், தற்போது விஜய் டிவியில் ஒளிபரப்பாகி வரும் ஜோடி ஆர் யூ ரெடி டான்ஸ் நிகழ்ச்சியின் 3 நடுவர்களில் ஒருவராக வருகிறார்.

சமூக வலைதளங்களில் ஆக்டிவாக இருக்கும் அவர் அவ்வப்போது தனது புகைப்படங்களை பதிவிட்டு வருகிறார். தற்போது 38 வயதாகும் ஸ்ரீதேவி இளமை மங்காமல் வசீகர தோற்றத்துடன் ரசிகர்களை ஈர்த்து வருகிறார்.

அந்த வகையில் தற்போது ரெட் கலர் கோட் சூட்டில் இருக்கும் மார்டன் போட்டோக்களை தனது இன்ஸ்டா பக்கத்தில் பதிவிட்டுள்ளார். அவரின் புகைப்படத்தை பார்த்த ரசிகர்கள் எப்படி இவங்க மட்டும் எந்த டிரெஸ் போட்டாலும் க்யூட்டா இருக்காங்க என்று கமெண்ட் செய்து வருகின்றனர்.