அப்போ திரிஷா... இப்போ இவரா! ஒரே அபார்ட்மெண்ட்டில் விஜய் - ரம்பா; இது நம்ம லிஸ்ட்லயே இல்லையே!

தமிழ் சினிமாவில் முன்னணி மாஸ் நடிகராக வலம் வருபவர் தளபதி விஜய். தற்போது ஒரு படத்துக்கு ரூ.200 கோடிக்கு மேல் சம்பளம் வாங்கும் விஜய், விரைவில் சினிமாவை விட்டு விலக உள்ளார். தற்போது கோட் படத்தில் நடித்து முடித்துள்ள அவர் தளபதி 69 படத்துடன் நடிப்புக்கு முழுக்கு போட்டு முழு நேர அரசியலில் ஈடுபட உள்ளார். இதற்காக தமிழக வெற்றிக் கழகம் என்கிற அரசியல் கட்சியை ஆரம்பித்து அதனை படிப்படியாக கட்டமைத்து வருகிறார்.

2026-ம் ஆண்டு நடைபெற உள்ள சட்டமன்ற தேர்தலில் தமிழக வெற்றிக் கழகம் மிகப்பெரிய தாக்கத்தை ஏற்படுத்தும் என எதிர்பார்க்கப்படுகிறது. இப்படி சினிமா, அரசியல் என இரண்டிலும் விஜய் பிசியாக இருந்தாலும் அவரைப் பற்றிய கிசுகிசுக்களும் சமீப காலமாக அதிகரித்த வண்ணம் உள்ளன. குறிப்பாக நடிகர் விஜய்யின் பிறந்தநாளுக்கு வாழ்த்து தெரிவித்து நடிகை திரிஷா போட்ட பதிவால் இருவரைப் பற்றியும் பல்வேறு கிசுகிசுக்கள் உலா வந்தன.

இதையும் படியுங்கள்... 90களில் விஜய், அஜித்துடன் போட்டி போட்டு நடித்த இந்த நடிகைகளை எல்லாம் ஞாபகம் இருக்கா?

இப்படி இருக்கையில் நடிகர் விஜய்யின் அபார்ட்மெண்ட் அருகே நடிகை ஒருவர் வீடு வாங்கி இருக்கும் தகவல் தான் தற்போது கோலிவுட்டில் ஹாட் டாப்பிக் ஆக உள்ளது. அந்த நடிகை வேறுயாருமில்லை பல படங்களில் விஜய்க்கு ஜோடியாக நடித்த நடிகை ரம்பா தான். அவர் தான் விஜய் வீடு வாங்கிய அதே அபார்ட்மெண்ட்டில் வீடு வாங்கி குடியேறி இருக்கிறாராம். இதனால் தான் அண்மையில் விஜய்யை குடும்பத்துடன் சென்று ரம்பா சந்தித்ததாக கூறப்படுகிறது.

கடந்த ஆண்டு நடிகர் விஜய் வசித்து வரும் நீலாங்கரை பகுதியில் அவரின் வீடு அருகே நடிகை திரிஷா வீடு வாங்கியதாக செய்தி வெளியாகி பரபரப்பாக பேசப்பட்ட நிலையில், தற்போது விஜய்யும் ரம்பாவும் ஒரே அபார்ட்மெண்ட்டில் வீடு வாங்கிய தகவல் காட்டுத்தீ போல் பரவி வருகிறது. நடிகை ரம்பாவின் கணவர் மேஜிக் ஹோம் என்கிற ஃபர்னிச்சர் நிறுவனத்தை நடத்தி வருவதாகவும் அதை இங்கு இருந்து கவனித்துக் கொள்ளவே அவர் சென்னையில் புது வீடு வாங்கி இருப்பதாக கூறப்படுகிறது. இணையத்தில் பரவி வரும் இந்த செய்தி எந்த அளவு உண்மை என தெரியவில்லை. 

இதையும் படியுங்கள்... cinema cut outs | விண்ணை தொடும் கட்அவுட் யாரு வச்சிருக்கா தெரியுமா? விஜய், அஜித்தை மிஞ்சிய கன்னட ஹீரோ!