புஷ்பா 2 ஹீரோ அல்லு அர்ஜுனின் 'சொத்து' மதிப்பு எவ்வளவு தெரியுமா?

தென்னிந்திய நடிகர்களில் அதிகம் சம்பளம் வாங்கிய நடிகர்களில் விஜயை பின்னுக்கு தள்ளியுள்ள, அல்லு அர்ஜுனின் சொத்து மதிப்பு அனைவரையும் ஆச்சரியப்படுத்தும். நடிகர் அல்லு அர்ஜுனின் சொத்துக்களில் ஆடம்பர வீடு, தனியார் ஜெட், உயர்தர கார்கள் மற்றும் பல்வேறு வணிக முதலீடுகள் இதில் அடங்கும்.

Pushpa 2 Hero Allu Arjun Net Worth

தெலுங்கு சூப்பர் ஸ்டார் அல்லு அர்ஜுன் நடித்து தற்போது வெளியாகி உள்ள புஷ்பா 2 தி ரூல் படம் உலகம் முழுவதும் வசூலை வாரிக் குவித்து வருகிறது. முதல் நாளில் உலகமெங்கும் ரூ.294 கோடி வசூல் செய்து புது சாதனையை இந்திய அளவில் படைத்துள்ளது. இந்த நிலையில் நடிகர் அல்லு அர்ஜுன் சொத்து மதிப்பு விவரங்கள் வெளியாகி உள்ளது. அல்லு அர்ஜுன் இந்திய திரைப்படத் துறையில் பணக்கார நடிகர்களில் ஒருவராக இருந்து வருகிறார். ஹெர்சிந்தகியின் அறிக்கையின்படி, அல்லு அர்ஜுனின் நிகர சொத்து மதிப்பு ரூ.460 கோடியாக உள்ளது.

Allu Arjun Properties

நடிகர் அல்லு அர்ஜுன் ஹைதராபாத்தில் உள்ள ஒரு ஆடம்பர வீட்டில் தனது குடும்பத்துடன் வசிக்கிறார்.  இந்த வீட்டின் மதிப்பு ரூ.100 கோடி என கூறப்படுகிறது. இதில் உடற்பயிற்சி கூடம், ஒரு நீச்சல் குளம், ஒரு ஹோம் தியேட்டர் மற்றும் அவரது குழந்தைகளுக்கான ஒரு பெரிய விளையாட்டு பகுதி ஆகியவை உள்ளது. அதேபோல நடிகர் அல்லு அர்ஜுனின் கேரேஜில் ரேஞ்ச் ரோவர் வோக், ஹம்மர் எச்2, ஜாகுவார் எக்ஸ்ஜேஎல், வால்வோ எக்ஸ்சி90 டி8 எக்ஸலன்ஸ் மற்றும் பல உள்ளன. 2022 இல், அல்லு அர்ஜுன் தனது தாத்தா அல்லு ராமலிங்கய்யாவுக்கு அஞ்சலி செலுத்தும் விதமாக ஹைதராபாத்தில் அல்லு ஸ்டுடியோவைத் தொடங்கினார்.

Allu Arjun Luxury Cars

ஸ்டுடியோ 10 ஏக்கர் பரப்பளவில் உள்ளது. அல்லு குடும்பத்திற்கு கீதா ஆர்ட்ஸ் என்ற திரைப்பட தயாரிப்பு நிறுவனமும் உள்ளது. கூடுதலாக, அவரது செல்வத்தில் பல சொத்துக்கள், ஒரு தனியார் ஜெட் மற்றும் உயர்தர கார்களின் பொறாமைப்படக்கூடிய தொகுப்பு ஆகியவை அடங்கும். டோலிவுட்டில் அதிக சம்பளம் வாங்கும் நடிகர்களில் அர்ஜுனும் ஒருவர். ட்ராக் டோலிவுட்டின் படி, சுகுமார் இயக்கிய அவரது மிகவும் எதிர்பார்க்கப்பட்ட இரண்டாம் பாகமான புஷ்பா 2 படத்திற்காக அவர் ரூ.300 கோடி  பெற்றுள்ளார். அல்லு ஸ்டுடியோ என்ற தயாரிப்பு நிறுவனத்தின் உரிமையாளரான இவர், கடந்த ஆண்டு ஹைதராபாத்தில் ஏஏஏ சினிமாஸ் என்ற மல்டிபிளக்ஸ் நிறுவனத்தைத் தொடங்கினார்.

Allu Arjun Assets

பிரபல அமெரிக்க விளையாட்டு பார் மற்றும் உணவக சங்கிலியான பஃபேலோ வைல்ட் விங்ஸின் ஹைதராபாத் உரிமையையும் அவர் வைத்திருக்கிறார். நடிகர் அல்லு அர்ஜுனை இன்ஸ்டாகிராமில் பின்பற்றும் பாலோவர்ஸ்களின் எண்ணிக்கை 26 மில்லியனுக்கும் அதிகமாக உள்ளது. இன்ஸ்டாகிராமில் பதிவிடும் ஒவ்வொரு விளம்பர பதிவுக்கும் நல்ல வருமானத்தை பெறுகிறார் என்றும் தெரிவிக்கப்பட்டுள்ளது.  மேலும் தி ஃபைனான்சியல் எக்ஸ்பிரஸ் செய்தியின்படி, அல்லு அர்ஜுன் பல பிராண்டுகளுக்கான அம்பாசிடராக இருக்கிறார்.

Allu Arjun Salary

ஒரு ஒப்பந்தத்திற்கு ரூ.6-7 கோடி வசூலிக்கிறார். நடிகர் அல்லு அர்ஜுனின் தந்தை அல்லு அரவிந்த், தெலுங்கு மற்றும் தமிழ் ஓடிடி தளமான ஆஹா, அர்ஜுன் பிராண்டின் முகமாக பணியாற்றுகிறார். மேலும், அவர் ஒரு ஹெல்த்கேர் நிறுவனத்தில் முதலீடு செய்துள்ளதாக டைம்ஸ் ஆஃப் இந்தியா செய்தி வெளியிட்டுள்ளது. தென்னிந்திய சினிமாவில் அதிகளவில் சம்பளம் வாங்கும் நடிகர்கள் பட்டியலில் நடிகர் விஜயை முந்தி தற்போது முதலிடத்தை பெற்றவராக அல்லு அர்ஜுன் உள்ளார் என்பது குறிப்பிடத்தக்கது.