விவேகம், வித்தியாசம், விடாமுயற்சி... வைரலாகும் விஷாலின் வேற லெவல் காமன் டிபி..!
ன்று தன்னுடைய 44 ஆவது பிறந்தநாளை கொண்டாடும் விஷாலுக்கும் அசத்தலான காமன் டிபி வெளியிடப்பட்டுள்ளது. மேலும் நேற்று முதலே விஷாலின் ரசிகர்கள் மற்றும் பிரபலங்கள் விஷாலுக்கு தங்களுடைய பிறந்தநாள் வாழ்த்துக்களை தெரிவித்து வருகிறார்கள்.
சமீபகாலமாக, பிறந்தநாள் கொண்டாடும் பிரபலங்களுக்கு அவர்களது பிறந்தநாளை சிறப்பிக்கும் விதமாக திரையுலகினர் மற்றும் ரசிகர்கள் காமன் டிபி வெளியிட்டு பிறந்தநாள் கொண்டாடுவதை வழக்கமாக வைத்துள்ளனர். அந்த வகையில் இன்று தன்னுடைய 44 ஆவது பிறந்தநாளை கொண்டாடும் விஷாலுக்கும் அசத்தலான காமன் டிபி வெளியிடப்பட்டுள்ளது. மேலும் நேற்று முதலே விஷாலின் ரசிகர்கள் மற்றும் பிரபலங்கள் விஷாலுக்கு தங்களுடைய பிறந்தநாள் வாழ்த்துக்களை தெரிவித்து வருகிறார்கள்.
விஷால் கடந்து வந்த பாதை:
விஷால் ஒரு நடிகராக மாறுவார் என்பது அவருக்கே தெரியாது, காரணம் திரையுலகில் ஒரு இயக்குனராகும் கனவோடு தான் காலடி எடுத்து வைத்தார். அந்த வகையில் நடிகர் அர்ஜுன், எழுதி, இயக்கி, தயாரித்து நடித்த, வேதம் படத்தில் துணை இயக்குனராக பணியாற்றினார்.
நடிகர் அவதாரம்:
இதை தொடர்ந்து சில திரைப்படங்களில் துணை இயக்குனராக பணியாற்றிய இவரை, நடிகராக மாற்றிய பெருமை இயக்குனர் காந்தி கிருஷ்ணாவை தான் சேரும். தான் தேடும் கதாபாத்திரத்திற்கான அம்சங்கள் விஷாலிடம் இருந்ததால், துணிந்து அவரை ஹீரோவாக நடிக்க வைத்தார். ஆக்ஷன் - திரில்லர் ஜர்னரில் எடுக்கப்பட்ட இப்படம் சூப்பர் ஹிட் வெற்றி பெற்றதோடு, விஷாலையும் பிரபலமடைய செய்தது.
அடுத்தடுத்த வெற்றி:
இதை தொடர்ந்து இயக்குனர் லிங்கு சாமி இயக்கத்தில் விஷால் நடித்த சண்டை கோழி திரைப்படமும் வேற லெவல் ஹிட்டடித்தது. பின்னர் திமிரு, சிவப்பதிகாரம், தாமிரபரணி, மலைக்கோட்டை என திரைப்படங்களை தேர்வு செய்து நடித்து வெற்றி கொடுத்தார்.
நடிப்பில் வித்யாசம் காட்டிய விஷால்:
தொடர்ந்து ஆக்ஷன் படங்களையே தேர்வு செய்து நடித்து வந்த இவரை, வித்தியாசப்படுத்தி காட்டிய திரைப்படம் என்றால் அது 'அவன் இவன்' மற்றும் 'துப்பறிவாளன்' திரைப்படங்கள் தான். இவ்விரு படங்களிலுமே இவரது நடிப்பு மிகப்பெரிய வரவேற்பை பெற்றது.
நடிகர் சங்கம் மற்றும் தயாரிப்பாளர் சங்கம்:
நடிப்பில் நிலையான இடத்தை பிடித்த பின்னர், நடிகர் சங்கம் மற்றும் தயாரிப்பாளர் சங்கத்திலும் கலக்கியவர் விஷால். நடிகர் சங்க செயலாளராகவும், தயாரிப்பாளர் சங்க தலைவராகவும் இருந்த இவரது பதவி காலம் முடிந்த நிலையில் தற்போது மீண்டும் நடிப்பில் தன்னுடைய முழு கவனத்தை செலுத்தி வருகிறார்.
vishal
அறக்கட்டளை மூலம் உதவி:
தன்னுடைய அம்மா பெயரில் விஷால் நடத்தி வரும் தேவி அறக்கட்டளை மூலம், தொடர்ந்து உதவிகள் செய்து வரும் விஷால், இன்று தன்னுடைய பிறந்தநாளை முன்னிட்டும் பல்வேறு உதவிகளை செய்து வருகிறார். இவருக்கு ரசிகர்கள் மற்றும் பிரபலங்களும் காமன் டிபி வெளியிட்டு தொடர்ந்து தங்களது வாழ்த்துக்களை தெரிவித்து வருகிறார்கள் என்பது குறிப்பிடத்தக்கது.