ரஷ்யாவில் 'வலிமை' பட தயாரிப்பாளருடன் செம்ம கூலாக போஸ் கொடுத்த தல அஜித்..! வைரலாகும் லேட்டஸ்ட் போட்டோ..!

ரஷ்யாவில் படப்பிடிப்பை முடித்த அஜித், அந்த நாட்டில்  சுமார் 5 ஆயிரம் கிலோமீட்டர் பைக்கில் பயணம் செய்ய திட்டமிட்டுள்ளதாக ஏற்கனவே தகவல் வெளியான நிலையில், தற்போது அஜித்தை 'வலிமை' பட தயாரிப்பாளர் போனி கபூர் சந்தித்து எடுத்துக்கொண்ட புகைப்படம் வைரலாகி வருகிறது.  

இயக்குனர் எச்.வினோத் இயக்கத்தில் அஜித் நடித்த, 'நேர்கொண்ட பார்வை' படம் சூப்பர் டூப்பர் ஹிட் அடித்ததால், இந்த படத்தை தொடர்ந்து இவர் அஜித்துடன் இணைந்துள்ள இரண்டாவது படமான 'வலிமை' குறித்து, ரசிகர்கள் மத்தியில் ஏகப்பட்ட எதிர்பார்ப்புகள் நிலவி வருகிறது. 'நேர்கொண்ட பார்வை' படத்தை தயாரித்த பாலிவுட் தயாரிப்பாளர் போனி கபூர் தான் இந்த படத்தையும் தயாரித்து வருகிறார்.

இயக்குனர் எச்.வினோத் இயக்கத்தில் இரண்டாவது முறையாக நடிக்கும் அஜித், படத்தின் 90 சதவீத காட்சிகளை நடித்து முடித்துவிட்ட போதிலும்,  'வலிமை' படத்தின் இறுதிக்கட்ட படப்பிடிப்பு, அதாவது கடைசியாக எடுக்க உள்ள சண்டை காட்சி ஒன்றை மட்டும் படக்குழு, வெளிநாட்டில் படமாக்க முடிவு செய்த நிலையில், கொரோனா பிரச்சனை காரணமாக, அந்த குறிப்பிட்ட சண்டை காட்சியை எடுப்பது தாமதமாகிக்கொண்டே சென்றது. 

இந்நிலையில் படக்குழுவினர் கடந்த சில நாட்களுக்கு முன் ரஷ்யா சென்றனர். அங்கு பிரம்மாண் டமான சேஸிங் காட்சியை 10 நாட்கள் படக்குழு படமாக்கியது. அதை முடித்துவிட்டு படக்குழுவினர் அனைவரும் சென்னை திரும்பிய நிலையில், நடிகர் அஜித்குமார் மட்டும் இன்னும் ரஷ்யாவிலேயே தங்கி உள்ளார். இதற்கான காரணமும் மிகவும் சுவாரஸ்யமானது தான்.

பைக் ரைடிங் பிரியரான அஜித், ரஷ்யாவில் சில பைக் ரசர்களுடன் சேர்ந்து, சுமார் 5000 கிலோ மீட்டர் பைக் ரைடு செய்ய உள்ளதாக கூறப்பட்டது. மேலும் இதுகுறித்த சில புகைப்படங்களும் வெளியாகி வைரலானது. இது ஒருபுறம் இருக்க, தற்போது தல அஜித்தை 'வலிமை' பட தயாரிப்பாளர் போனி கபூர் ரஷ்யாவுக்கே சென்று சந்தித்துள்ளார்.

போனி கபூருடன் பைக் ரேஸிங் உடையில்... அஜித் எடுத்து கொண்ட புகைப்படம் தற்போது சமூக வலைத்தளங்களில் வைரலாகி வருகிறது.