நீ ஒரு ஆர்டிஸ்ட்னு நிரூபிச்சுட்ட... வினோத ஆடையில் ஆக்டோபஸ் ஆக மாறிய நடிகை உர்பி ஜாவத்... ஷாக் ஆன ரசிகர்கள்

சினிமா நடிகைகள் என்றாலே அவர்கள் தங்களை அழகுபடுத்திக் கொள்ள வித்யாசமான ஆடைகளை அணிவதுண்டு. ஆனால் அதில் ஒருபடி மேலே போய், இதுபோன்றெல்லாம் ஆடைகளை அணிய முடியுமா என பலரையும் தன்னுடைய வினோதமான ஆடைகளால் அசர வைக்கும் ஒரு நடிகை இருக்கிறார். அவர் தான் உர்பி ஜாவத். இவரை பட்டிதொட்டியெங்கும் பேமஸ் ஆக்கியது இவரின் வினோதமான ஆடைகள் தான்.

பிக்பாஸ் ஓடிடி நிகழ்ச்சியில் கலந்துகொண்டதன் மூலம் புகழ் வெளிச்சம் பெற்ற உர்பி ஜாவத், அந்நிகழ்ச்சியில் ஒரு வாரத்திலேயே எலிமினேட் ஆன பின்னர் சினிமாவில் பட வாய்ப்புகள் குவியும் என ஆவலோடு காத்திருந்தார். ஆனால் அவருக்கு ஏமாற்றமே மிஞ்சியது இதனால் சின்னததிரை பக்கம் சென்ற அவர், அங்கு சீரியல்களில் நடிக்கத் தொடங்கினார். சீரியலில் நடித்தாலும் மாடலிங்கில் முழு கவனம் செலுத்தி வந்தார்.

இதையும் படியுங்கள்... கார்த்தி - அரவிந்த்சாமி நடித்துள்ள 'மெய்யழகன்' படத்தில் இருந்து வெளியான புகைப்படங்கள்!

ஏதேனும் விழாக்களில் உர்பி ஜாவத் கலந்துகொண்டால், அவர் அணிந்து வரும் உடையை போட்டோ எடுக்க கூட்டம் குவியும், அந்த அளவுக்கு வித்தியாசமான மற்றும் வினோதமான ஆடைகளை அணிந்து வந்து அசர வைத்து வரும் உர்பி ஜாவத் தற்போது மேலும் ஒரு விசித்திர ஆடையால் இணையத்தில் பேசு பொருளாக மாறி இருக்கிறார்.

அதன்படி ஆக்டோபஸ் போல உடையணிந்து வந்த உர்பி ஜாவத், ஆக்டோபஸிற்கு கால்கள் நெலிவது போல், அந்த உடையில் மோட்டார் செட் செய்து சுற்றி உள்ள கால் போன்ற அமைப்புகள் நகர்வது போன்று வைத்திருக்கிறார். இதைப்பார்த்த ரசிகர்கள், உங்கள் திறமைக்கு நீங்கள் இங்க இருக்க வேண்டிய ஆளே இல்லை. வெளிநாட்டில் இதுபோன்ற திறமைக்கு அங்கீகாரம் கிடைக்கும், ஆனால் இங்கு கோமாளித்தனமாக தான் பார்ப்பார்கள் என்று கமெண்ட்டில் அட்வைஸ் கொடுத்து வருகின்றனர்.

இதையும் படியுங்கள்... பாசமிகு தங்கையின் திருமணத்தை ஜாம் ஜாம்னு நடத்திய அஜித் குமார் - பலரும் பார்த்திடாத Rare கிளிக்ஸ்