எல்லாருக்கும் திரிஷாவை பிடிக்கும்; ஆனா அவருக்கு ரொம்ப பிடிச்ச நடிகைகள் யார் தெரியுமா?

இரண்டு தசாப்தங்களுக்கும் மேலாக திரையுலகில் கொடிகட்டிப் பறக்கும் திரிஷா, முன்னணி நடிகையாகவே தொடர்ந்து நடித்து வருகிறார். பல நடிகைகள் குணச்சித்திர வேடங்களுக்கு மாறினாலும், திரிஷா இன்னும் குறையாத அழகுடன் இருப்பதால் கதாநாயகியாகவே தனது வெற்றிப் பயணத்தைத் தொடர்கிறார்.

திரிஷாவிடம் தற்போது விடாமுயற்சி, தக் லைப், குட் பேட் அக்லி, விஸ்வம்பரா, எவிடன்ஸ் போன்ற திரைப் படங்கள் கைவசம் உள்ளன. சிறிய கதாபாத்திரங்களில் தொடங்கி முன்னணி நடிகையாக உயர்ந்த அவர், தமிழ் மற்றும் தெலுங்கு திரையுலகில் பல முன்னணி நடிகர்களுக்கு ஜோடியாக நடித்துள்ளார்.

தமிழில் அஜித், விஜய், சூர்யா, விக்ரம் போன்ற முன்னணி நடிகர்களுடனும், தெலுங்கில் மகேஷ் பாபு, பிரபாஸ், பாலகிருஷ்ணா, வெங்கடேஷ், சிரஞ்சீவி, பவன் கல்யாண் போன்ற முன்னணி நடிகர்களுடனும் திரிஷா நடித்துள்ளார். கில்லி, மங்காத்தா, 96 போன்ற பல வெற்றிப் படங்களில் திரிஷாவின் நடிப்பு ரசிகர்களை பெரிதும் கவர்ந்தது.

நடிகை திரிஷா தனக்கு மிகவும் பிடித்த நடிகைகள் யார் என்பது பற்றிய பேட்டி ஒன்றில் கூறி உள்ளது சமூக வலைத்தளங்களில் வைரலாகி வருகிறது. அதன்படி அந்த பேட்டியில், திரிஷா தனக்கு அனுஷ்கா, நித்யா மேனன், இவானா, சாய் பல்லவி ஆகியோர் மிகவும் பிடிக்கும் என்று கூறியுள்ளார். சென்னையில் பிறந்த திரிஷா, கல்லூரி நாட்களில் மாடலிங் துறையில் நுழைந்தார்.

சிறிய வேடங்களில் நடித்து திரைப்படங்களில் அறிமுகமான திரிஷா, 1999 இல் மிஸ் சென்னை பட்டத்தை வென்றார். 2001 இல் மிஸ் இந்தியா போட்டியில் அழகான புன்னகைக்கான விருதை வென்றார். அதன் பின் சினிமாவில் அறிமுகமான திரிஷா 20 ஆண்டுகளை கடந்தும் இன்று வரை சக்சஸ்புல் நாயகியாக வலம் வருகிறார்.