ஸ்ருதி முதல் நஸ்ரியா வரை; Netflix விவகாரத்தில் நயன்தாராவுக்கு ஆதரவாக நிற்கும் தனுஷ் பட நாயகிகள்!

கடந்த 2015ம் ஆண்டு தனுஷ் தயாரிப்பில், பிரபல நடிகர் விஜய் சேதுபதி நடிப்பில் விக்னேஷ் சிவன் இயக்கத்தில் வெளியான திரைப்படம் தான் "நானும் ரவுடி தான்". இந்த திரைப்படத்தில் நாயகியாக நடித்து அசத்தியிருந்தார் லேடி சூப்பர் ஸ்டார் நயன்தாரா. இந்த திரைப்படத்தின் மூலம் தான் நயன்தாரா மற்றும் விக்னேஷ் சிவன் இடையே காதல் மலர்ந்தது கிட்டத்தட்ட ஏழு ஆண்டுகள் கழித்து அது திருமணத்தில் சென்று முடிந்தது என்பது குறிப்பிடத்தக்கது.

அமரன் படத்திற்கு எதிர்ப்பா? திரையரங்கின் மீதி பெட்ரோல் குண்டு வீசப்பட்டதால் பரபரப்பு!

இந்த சூழலில் இப்படத்தில் வந்த ஒரு பாடலை Netflix வழியாக வெளியாக உள்ள தங்களுடைய தொடர் ஒன்றில் பயன்படுத்த நயன்தாரா முயன்ற பொழுது, வெறும் 3 வினாடி காட்சிக்கு சுமார் 10 கோடி ரூபாய் தனுஷ் தரப்பில் இருந்து கேட்கப்பட்டதாக கூறப்படுகிறது. மேலும் அது சம்பந்தமாக தனுஷிடமிருந்து நயன்தாராவிற்கு ஒரு நோட்டீஸ் ஒன்றும் வந்துள்ளது குறிப்பிடத்தக்கது. இதுகுறித்து இப்போது இன்ஸ்டாகிராம் மற்றும் ட்விட்டர் தளத்தில் நடிகை நயன்தாரா தனுசுக்கு எதிராக ஒரு அறிக்கையை வெளியிட்டு இருக்கிறார்.

அதுமட்டுமல்ல "வாழு வாழ விடு" என்கின்ற வசனத்தோடு அவருடைய கணவர் விக்னேஷ் சிவனும் தனுஷை எதிர்த்து ஒரு பதிவினை வெளியிட்டு இருப்பது குறிப்பிடத்தக்கது. தன் மீது உள்ள வன்மத்தின் காரணமாகத் தான் இப்படி ஒரு நோட்டீசை, அதுவும் சுமார் 10 கோடி ரூபாய் நஷ்ட ஈடு கேட்டு நடிகர் தனுஷ் நோட்டீஸ் அனுப்பி இருப்பதாக நயன்தாரா குற்றம் சாட்டி இருக்கிறார். மேலும் நயன்தாரா முன்வைத்த அனைத்து கேள்விகளுக்கும் தனுஷ் தரப்பில் இருந்து விரைவில் பதில் கிடைக்கும் என்று அவருடைய (தனுஷ்) வக்கீல் ஒரு அறிக்கையை இப்பொது வெளியிட்டு இருக்கிறார். இந்நிலையில் நயன்தாராவின் பதிவினை லைக் செய்ததன் மூலம் பல முன்னணி நடிகைகள் சிலர் நயன்தாராவிற்கு ஆதரவாகவும், இந்த விஷயத்தில் தனுஷுக்கு எதிராகவும் குரல் கொடுக்க தொடங்கி இருக்கின்றனர்.

இன்ஸ்டாகிராமில் நடிகை நயன்தாரா நடிகர் தனுஷுக்கு எதிராக வெளியிட்ட அந்த பதிவை பிரபல நடிகை சுருதிஹாசன், பிரபல நடிகை அனுபமா, நடிகை ஐஸ்வர்யா ராஜேஷ் மற்றும் நடிகை நஸ்ரியா நிசாம் உள்ளிட்டவர்கள் லைக் செய்து தங்களுடைய ஆதரவுகளை தெரிவித்து இருக்கிறார்கள். இந்த நான்கு பேருமே இதற்கு முன்னதாக நடிகர் தனுஷ் உடன் நாயகியாக தமிழ் திரைப்படங்களில் நடித்திருப்பது குறிப்பிடத்தக்கது. அதேசமயம் என்ன தான் தனுஷ் மீது குற்றச்சாட்டுகளை நயன்தாரா முன் வைத்தாலும் தன்னுடைய முயற்சியால் முயன்று முன்னேறிய ஒருவரை, அவருடைய தந்தை மற்றும் அண்ணனின் ஆதரவால் வளர்ந்தவர் என்று குறிப்பிடுவது ஏற்புடையது அல்ல என்றும் நடிகர் தனுஷின் ரசிகர்கள் நயன்தாராவுக்கு எதிராக கருத்து தெரிவித்து வருகின்றனர்.

வேட்டையனிடம் இருந்து விலகி சிவாவிடம் சிக்கிய கங்குவா; அமரன் படத்தின் 16 நாள் வசூல் எவ்வளவு?