'விஜய்யின் பீஸ்ட்க்கு தடை '...தமிழ்நாடு முஸ்லீம் லீக் கட்சி கோரிக்கை..

குவைத் அரசை தொடர்ந்து விஜயின் பீஸ்ட் படத்தை தடை செய்யவேண்டும் என்று தமிழ்நாடு முஸ்லீம் லீக் கட்சி கோரிக்கை வைத்துள்ளது.

beast

லோகேஷ் கனகராஜின் மாஸ்டர் வெற்றியை அடுத்து நெல்சன் இயக்கத்தில் பீஸ்ட் படத்தில் நடித்து முடித்துள்ளார். இதில் பூஜா ஹெக்டே நாயகியாக நடித்துள்ளார்.

தமிழ் தெலுங்கு, மலையாளம், இந்தி, கன்னடம் ஆகிய 5 மொழிகளிலும் டப்பிங் செய்து பான் இந்தியா படமாக வரும் ஏப்ரல் 13-ம் தேதி தமிழ் புத்தாண்டு ஸ்பெஷலாக வெளி வர உள்ளது.

இரண்டு பாடல்கள் ஹிட்டை அடுத்து சமீபத்தில் படத்தின் ட்ரைலர் வெளியாகி ரசிகர்களை கவர்ந்து வருகிறது. இதில் ஆக்சன் காட்சிகள் தூள் பறந்துள்ளன. 

மேலும் செய்திகளுக்கு...Beast movie : விஜய்யின் ‘பீஸ்ட்’ படத்தை ரிலீஸ் செய்ய தடை - அரசின் அதிரடி அறிவிப்பால் ஷாக் ஆன ரசிகர்கள்

ட்ரைலர் படி வீரராகவனாக வரும் விஜய் தீவிரவாதிகளால் ஹேஜேக் செய்யப்பட்ட மாலில் மாட்டிக்கொள்ளும் மக்களை அதிரடியாக காப்பாற்றும் சோல்ஜராக வந்துள்ளார்.

இந்த ட்ரைலர் வெளியான கொஞ்ச நேரத்தில் பல சாதனைகளை படைத்து விட்டது. வலிமை ட்ரைலர் வெளியாகி 10 நிமிடத்தில் 1 மில்லியன் பார்வையாளர்களை பெற்றிருந்த நிலையில் பீஸ்ட் ட்ரைலர் 5 நிமிடத்தில் 1 மில்லியன் ரியல் டைம் பார்வையாளர்களை பெற்றது என தயாரிப்பு நிறுவனம் அறிவித்தது.

துப்பாக்கி போன்று தீவிரவாதிகளுடன் போராடும் இந்த படம் குறித்த விமர்சனங்கள் ட்ரைலர் வெளியான உடனேயே ஆரம்பித்து விட்டது.

beast trailer

அந்த வகையில் பீஸ்ட் படத்தில் இஸ்லாமியர்களை பயங்கரவாதிகள் போல் சித்தரிக்கும் காட்சிகள் இடம்பெற்றுதாக கூறி படத்தை குவைத்தில் திரையிட அந்நாட்டு அரசு தடை விதித்துள்ளது.

மேலும் செய்திகளுக்கு...தளபதி 66 நாயகி யார் தெரியுமா?..ஸ்ரீவள்ளியை கன்பார்ம் செய்த வம்சி..

இந்நிலையில் இதே கருத்தை வலியுறுத்தி தமிழ்நாடு முஸ்லீம் லீக் கட்சி பீஸ்ட் படத்திற்கு தடை விதிக்க வேண்டும் என தமிழக அரசுக்கு கோரிக்கை வைத்துள்ளனர்.