ஜோ பைடன், கமலா ஹாரிஸ் உடன் விஜய்... போஸ்டர் அட்ராசிட்டியில் எல்லை தாண்டிய தளபதி ரசிகர்கள்...!

அதேபோல் எம்.ஜி.ஆரின் விதவிதமான கெட்டப்புகளில் விஜய்யை வைத்து, அரசியல் வாசகங்களுடன் விஜய் ஃபேன்ஸ் ஓட்டிய போஸ்டர்கள் அதிமுகவினரை செம்ம கடுப்பில் ஆழ்த்தியது. 

சூப்பர் ஸ்டார் ரஜினிகாந்த் அரசியல் கட்சி ஆரம்பிக்கும் முடிவை கைவிட்டதை அடுத்து தற்போது விஜய் ரசிகர்களின் அட்ராசிட்டி சூடு பிடித்துள்ளது. தளபதியை அரசியலுக்கு அழைத்து ஊர் முழுவதும் போஸ்டர் ஒட்டி வருகின்றனர். 
 

தற்போது மதுரையில் அரசியல் வாசகங்களுடன் விஜய் ரசிகர்கள் ஒட்டியுள்ள போஸ்டர் அனைவரது கவனத்தையும் ஈர்த்துள்ளது. விரைவில் அமெரிக்க அதிபராக பதவியேற்க உள்ள ஜோ பைடன், துணை அதிபராக பதவியேற்க உள்ள இந்திய வம்சாவளியைச் சேர்ந்த கமலா ஹாரிஸ் உடன் விஜய் இருப்பது போன்ற போஸ்டர்கள் ஒட்டப்பட்டுள்ளது. 

அதில் தளபதி வந்தால் தமிழ்நாடு அமெரிக்கா என்ற வாசகத்தையும் அச்சிட்டு, விஜய்யை வாண்டடாக அரசியலுக்கு அழைப்பு விடுத்துள்ளனர். அத்துடன் நேற்று ரசிகர் மன்றம்... இன்று மக்கள் மன்றம்... நாளை சட்டமன்றம்... 2026ல்  முதல் கையெழுத்து... என்ற வாசகமும் இடம் பெற்றுள்ளது.