Thalapathy 66 : பீஸ்ட் படக்குழு செய்ததை அப்படியே காப்பி அடிக்கும் தளபதி 66 படக்குழு
Thalapathy 66 : தளபதி 66 படத்தை அடுத்தாண்டு பொங்கல் பண்டிகைக்கு வெளியிட உள்ளனர். இப்படம் குறித்த அப்டேட் வருகிற ஜூன் 22-ந் தேதி நடிகர் விஜய்யின் பிறந்தநாளன்று வெளியாக உள்ளது.
நடிகர் விஜய் நடிப்பில் தற்போது தளபதி 66 திரைப்படம் தயாராகி வருகிறது. வம்சி இயக்கும் இப்படத்தில் நடிகர் விஜய்க்கு ஜோடியாக ராஷ்மிகா மந்தனா நடிக்கிறார். மேலும் பிரகாஷ் ராஜ், பிரபு, சரத்குமார், சம்யுக்தா, சங்கீதா, ஷியாம் என மிகப்பெரிய நட்சத்திர பட்டாளமே இப்படத்தில் நடித்து வருகிறது.
டோலிவுட்டில் முன்னணி தயாரிப்பாளராக வலம் வரும் தில் ராஜு இப்படத்தை பிரம்மாண்ட பொருட்செலவில் தயாரிக்கிறார். தமன் இப்படத்திற்கு இசையமைக்கிறார். இப்படத்தின் படப்பிடிப்பு விறுவிறுப்பாக நடைபெற்று வருகிறது. குடும்ப செண்டிமெண்ட் நிறைந்த படமாக இது தயாராகி வருகிறது.
தளபதி 66 படத்தை அடுத்தாண்டு பொங்கல் பண்டிகைக்கு வெளியிட உள்ளனர். இப்படம் குறித்த அப்டேட் வருகிற ஜூன் 22-ந் தேதி நடிகர் விஜய்யின் பிறந்தநாளன்று வெளியாக உள்ளது. அன்றைய தினம் இப்படத்தின் தலைப்பு மற்றும் பர்ஸ்ட் லுக் போஸ்டர் வெளியிடப்பட வாய்ப்புள்ளதாக கூறப்படுகிறது.
சமீபத்திய தகவல்படி பீஸ்ட் படக்குழு செய்ததைப் போல் தளபதி 66 படக்குழுவும் செய்ய உள்ளதாம். அது என்னவெனில் கடந்தாண்டி நடிகர் விஜய்யின் பிறந்தநாளை முன்னிட்டு ஜூன் 21-ந் தேதி மாலை 6 மணிக்கு பர்ஸ்ட் லுக் போஸ்டரும் ஜூன் 22-ந் தேதி நள்ளிரவு 12 மணிக்கு செகண்ட் லுக் போஸ்டரும் வெளியிட்டனர். இந்த ஆண்டு தளபதி 66 படக்குழு அதே ஃபார்முலாவை பின்பற்ற உள்ளதாம்.
இதையும் படியுங்கள்... Sivakarthikeyan : தீபாவளி ரேஸில் இணையும் சிவகார்த்திகேயன் படம்... கார்த்திக்கு போட்டியாக களமிறங்குகிறார்
சேனலை கிளிக் செய்து பின்தொடரவும்
