செல்வராகவன் இயக்கத்தில் தல அஜித், தனுஷ் காம்பினேஷன்.. வெறித்தனம் - பிரபல நடிகர் பகிர்ந்த சீக்ரெட்!
கடந்த 2003ம் ஆண்டு வெளியான பாய்ஸ் திரைப்படத்தின் மூலம் திரையுலகில் அறிமுகமான பல நடிகர்களில் ஒருவர்தான் பரத். கடந்த 20 ஆண்டுகளாக தன்னுடைய நேர்த்தியான நடிப்பால் பல நல்ல திரைப்படங்களை கொடுத்த அவர், இறுதியாக லவ் என்ற திரைப்படத்தில் நடித்திருந்தார், இது அவருடைய ஐம்பதாவது திரைப்படம் என்பது குறிப்பிடத்தக்கது.
Follow20 ஆண்டுகளில், 50 திரைப்படங்களில் நடித்திருந்தாலும் தனது சினிமா வாழ்க்கையில் பல ஏற்ற இறக்கங்களை சந்தித்து வந்தவர் பரத் என்பது அனைவரும் அறிந்ததே. லவ் திரைப்பட செய்தியாளர் சந்திப்பில் அவர் பேசும்பொழுது, தன்னை இத்தனை ஆண்டுகளாக கைவிடாமல் உத்வேகம் அளித்து வந்த தனது ரசிகர்களுக்கும் பத்திரிகை நண்பர்களுக்கும் இருகரம் கூப்பி வணக்கம் செலுத்துவதாக கண்கலங்கி பேசியது குறிப்பிடத்தக்கது.
தற்பொழுது தமிழ் மற்றும் மலையாளம் ஆகிய இரு மொழிகளிலும் நடித்தவரும் பரத் அண்மையில் ஒரு தனியார் நிறுவனத்திற்கு அளித்த பேட்டியில் ஒரு சுவாரசியமான தகவலை பகிர்ந்துள்ளார். சில ஆண்டுகளுக்கு முன்பு செல்வ ராகவனுடைய இயக்கத்தில் தல அஜித் மற்றும் தனுஷ் நடிப்பில் உருவாக இருந்த ஒரு திரைப்படத்தில் அவரும் நடிக்க ஒப்பந்தமானதாக அவர் கூறியுள்ளார்.
ஆனால் சில காலங்களுக்கு பிறகு அந்த படம் அடுத்த கட்டத்திற்கு நகராமல் சென்றது என்றும் அந்த படம் தனக்கு கிடைத்திருந்தால் தன்னுடைய சினிமா வாழ்க்கையில் அது ஒரு மாபெரும் வெற்றியாக அமைந்திருக்கும் என்றும் அவர் கூறினார். மேலும் தல அஜித் மற்றும் தனுஷ் அவர்களுடன் இணைந்து நடிக்கும் வாய்ப்பு தனக்கு கிடைத்திருக்கும் என்றும் கூறியுள்ளார் நடிகர் பரத்.
என் தந்தையை வீரப்பன் கடத்துனப்போ... சூப்பர்ஸ்டார் செஞ்ச உதவி இருக்கே - ஷிவ ராஜ்குமார் எமோஷனல் பேச்சு
சேனலை கிளிக் செய்து பின்தொடரவும்
