எல்லாமே என் பொண்டாட்டி தான் பட இயக்குநர் வி சேகர் காலமானார்!
பொறந்த வீடா புகுந்த வீடா, காலம் மாறிப்போச்சு, எல்லாமே என் பொண்டாட்டி தான் உள்பட பல படங்களை இயக்குநர் வி சேகர் உடல் நலக் குறைவு காரணமாக சற்று முன் உயிரிழந்தார்.
இயக்குநர் வி சேகர்
இயக்குனர் கே பாக்கியராஜிடம் உதவி இயக்குனராக பணியாற்றிவர் இயக்குநர் வி சேகர். கடந்த 1990-ம் ஆண்டு வெளிவந்த நீங்களும் ஹீரோ தான் என்கிற படம் மூலம் இயக்குனராக அவதாரம் எடுத்தார். 18 படங்கள் இயக்கியுள்ள வி சேகர், சின்னத்திரையிலும் பொறந்த வீடா புகுந்த வீடா, என்கிற சீரியலை இயக்கி இருக்கிறார். சன் டிவியில் இந்த சீரியல் ஒளிபரப்பானது. கடைசியாக தன் மகனை ஹீரோவாக வைத்து சரவண பொய்கை என்கிற படத்தை இயக்கினார். ஆனால் அந்தப் படம் ரிலீஸ் ஆகவில்லை.
தமிழ் பட இயக்குநர் வி சேகர் மறைவு
குடும்பங்கள் கொண்டாடும் வகையில் ஜனரஞ்சகமான திரைப்படங்களை எடுத்து மக்கள் இயக்குனர் என பெயரெடுத்தார் வி சேகர். இவர் இயக்கிய விரலுக்கேத்த வீக்கம், வரவு எட்டனா செலவு பத்தனா, கூடி வாழ்ந்தால் கோடி நன்மை, காலம் மாறிப் போச்சு போன்ற திரைப்படங்கள் பிளாக்பஸ்டர் ஹிட்டாகின. இன்றளவும் கே டிவியில் வி சேகரின் படங்கள் ஒளிபரப்பானால், அதற்கென தனி ரசிகர் கூட்டமே இருக்கின்றது. காலம் கடந்தும் இவர் படங்கள் கொண்டாடப்பட்டு வருகிறது.
வி சேகர் காலமானர்
மக்கள் இயக்குனர் என பெயரெடுத்தவர். கடந்த சில தினங்களுக்கு முன்பு அவர் உடல்நிலை சரியில்லாமல் இருக்கிறார் என்கிற தகவல் வெளியான நிலையில் சற்று முன் அவர் உயிரிழந்துள்ளார். நான்கு நாட்களுக்கு முன்பு அவருக்கு இதயத்தில் அடைப்பு ஏற்பட்டது. உடனடியாக ராமச்சந்திரா மருத்துவமனைக்கு கொண்டு சேர்த்தனர். மூளைக்கு செல்ல வேண்டிய ரத்தம் செல்லாமல் இருப்பதால் விழி மூடிய நிலையிலேயே அவர் இருந்துள்ளார். மேலும் அவருக்கு அறுவை சிகிச்சையும் நடைபெற இருப்பதாக சொல்லப்பட்டது.
இயக்குநர் வி சேகர் மறைவு
இந்த நிலையில் தான் சிகிச்சை பலனின்றி சற்று முன் உயிரிழந்துள்ளார். அவரது மறைவு சினிமா வட்டாரத்தில் பெரும் அதிர்ச்சியை ஏற்படுத்தியது. வி சேகர் மறைவுக்கு சினிமா பிரபலங்கள் பலரும் இரங்கல் தெரிவித்து வருகின்றனர்.