பொங்கல் தினத்தில் ஜனநாயகனுக்கு விடிவுகாலம்..? 15ம் தேதி விசாரிக்கிறது உச்சநீதிமன்றம்
விஜய்யின் கடைசி திரைப்படமான ஜனநாயகன் திரைப்படத்திற்கு தனிக்கைச் சான்றிதழ் வழங்குவது தொடர்பாக படக்குழு தரப்பில் தாக்கல் செய்த மனுவை உச்சநீதிமன்றம் வருகின்ற 15ம் தேதி விசாரிக்க உள்ளது.
விஜய்க்கு எதிராக முரண்டு பிடிக்கும் தணிக்கை வாரியம்..?
தமிழக வெற்றி கழகத்தின் தலைவரும், தமிழ் சினிமாவின் முன்னணி நடிகருமான விஜய்யின் கடைசி திரைப்படமான ஜனநாயகன் படப்பிடிப்பு பணிகள் அனைத்தும் நிறைவு பெற்று பொங்கல் விடுமுறையை முன்னிட்டு ஜனவரி 9ம் தேதி வெளியாகும் என்று அறிவித்தது. படம் வெளியீட்டுக்கான பணிகள் அனைத்தும் முழுவீச்சில் நடைபெற்ற நிலையில் ரசிகர்களுக்கு ஷாக் கொடுக்கும் விதமாக தணிக்கைச் சான்றிதழை வழங்காமல் தணிக்கை வாரியம் அடம் பிடித்து வருகிறது.
U/A சான்றிதழ்..
தணிக்கை வாரியத்தின் நடவடிக்கையை எதிர்த்து தயாரிப்பு நிறுவனம் தரப்பில் சென்னை உயர்நீதிமன்ற தனி நீதிபதி அமர்வில் முறையிடப்பட்டது. வழக்கை விசாரித்த நீதிபதி, படத்தை நிறுத்தி வைத்ததில் உள்நோக்கம் இருப்பது போல் தோன்றுகிறது. ஆகவே படத்திற்கு வழங்க முடிவு செய்யப்பட்ட U/A சான்றிதழை உடனடியாக வழங்க வேண்டும் என தனி நீதிபதி உத்தரவிட்டார்.
ஒத்திவைக்கப்பட்ட ஜனநாயகன்..
ஆனால் தனி நீதிபதியின் உத்தரவுக்கு எதிராக தணிக்கை வாரியமானது உயாநீதிமன்ற தலைமை நீதிபதி அமர்வில் மேல்முறையீடு செய்தது. வழக்கை விசாரித்த நீதிபதி தனி நீதிபதியின் உத்தரவை நிறுத்தி வைப்பதாகவும், அடுத்தக்கட்ட விசாரணை பொங்கல் பண்டிகைக்கு பின்னர். அதாவர் 20ம் தேதி விசாரிக்கப்படும் என்று உத்தரவிட்டார். இதனால் படம் வெளியாவது தொடர்ந்து தடைபட்டது.
தை பிறந்தால் வழி பிறக்கும்..?
இந்த நிலையில் படத்திற்கு உடனடியாக தணிக்கை சான்றிதழ் வழங்க உத்தரவிட வேண்டும் என்று படக்குழு உச்சநீதிமன்றத்தில் முறையிட்டுள்ளது. மேலும் படம் தொடர்பான வழக்கில் தணிக்கை வாரியத்தைக் கேட்காமல் நீதிமன்றம் எந்த உத்தரவையும் பிறப்பிக்கக் கூடாது என்று படக்குழுவுக்கு செக் வைத்துள்ளது. இதனிடையே இந்த வழக்கு தொடர்பான விசாரணை பொங்கல் திருநாளான வருகின்ற 15ம் தேதி விசாரிக்கப்படும் என்று தெரிவித்துள்ளது.
பல்ப் வாங்கிய பராசக்தி
இதனிடையே பொங்கல் பண்டிகைக்கு ரிலீசான பராசக்தி உட்பட எந்த படமும் மக்களிடம் பெரிய வரவேற்பைப் பெறாததால் உச்சநீதிமன்றம் படத்தை வெளியிட அனுமதிக்கும் பட்சத்தில் வெளியீட்டு பணிகளை விரைவுபடுத்து ரசிகர்களின் தேவையை பயன்படுத்திக் கொள்ளும் என்று எதிர்பார்க்கப்படுகிறது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
