விஜய் டிவி சீரியல்களை வாஷ் அவுட் பண்ணிய சன் டிவி தொடர்கள் - இந்த வார டாப் 10 TRP லிஸ்ட் இதோ

தமிழ்நாட்டில் சீரியல்கள் என்றாலே அது சன் டிவி தான் என்று இருந்த நிலையில், போகப் போக விஜய் டிவி, ஜீ தமிழ் போன்ற சேனல்களில் ஒளிபரப்பாகும் சீரியல்களுக்கும் ரசிகர்கள் மத்தியில் நல்ல வரவேற்பு கிடைக்கத் தொடங்கியது. ரசிகர்களின் வரவேற்பால் வாரத்தில் 5 நாட்கள் ஒளிபரப்பாகி வந்த சீரியல்கள் தற்போது 7 நாட்களும் ஒளிபரப்பப்படுகிறது. இந்த சீரியல்களின் வரவேற்பை தீர்மானிப்பது டிஆர்பி ரேட்டிங் தான். அந்த வகையில் இந்த ஆண்டின் 45-வது வாரத்திற்கான டாப் 10 டிஆர்பி பட்டியல் வெளியாகி உள்ளது.

இந்த பட்டியலில் கடந்த வாரம் 10வது இடத்தில் இருந்த பாண்டியன் ஸ்டோர்ஸ் 2 சீரியலை பின்னுக்கு தள்ளி உள்ள ஜீ தமிழின் சந்தியா ராகம் சீரியல், 5.59 டிஆர்பி புள்ளிகளுடன் 10ம் இடத்தை பிடித்திருக்கிறது. கடந்த வாரம் 9-ம் இடத்தில் இருந்த கார்த்திகை தீபம் சீரியல் இந்த வாரமும் 6.12 டிஆர்பி புள்ளிகளுடன் அதே இடத்தில் நீடிக்கிறது. இதற்கு அடுத்தபடியாக விஜய் டிவியின் சிறகடிக்க ஆசை சீரியல் உள்ளது. இந்த சீரியலுக்கு 6.45 டிஆர்பி புள்ளிகள் கிடைத்துள்ளது. டாப் 10ல் உள்ள ஒரே ஒரு விஜய் டிவி சீரியலும் இதுதான்.

இதையும் படியுங்கள்... குறையாத காதல்; கணவரோடு 'கயல்' சீரியல் நடிகை சைத்ரா பகிர்ந்த மகிழ்ச்சியான தகவல்! குவியும் வாழ்த்து!

கடந்த வாரம் சன் டிவியில் தொடங்கப்பட்ட ரஞ்சனி சீரியல் முதல் வாரமே சக்கைப்போடு போட்டு டிஆர்பி ரேட்டிங்கில் 7-ம் இடத்தை பிடித்துள்ளது. இந்த சீரியலுக்கு 6.87 டிஆர்பி புள்ளிகள் கிடைத்திருக்கிறது. கடந்த வாரம் 6-ம் இடத்தில் இருந்த சன் டிவியின் இராமாயணம் சீரியல் இந்த வாரமும் 8.22 டிஆர்பி புள்ளிகளுடன் அதே இடத்தை தக்கவைத்து உள்ளது. அடுத்ததாக பிக்பாஸ் பிரபலம் கேபி நடித்துள்ள மருமகள் சீரியல் 8.70 புள்ளிகளுடன் 5-ம் இடத்தில் உள்ளது.

கடந்த வாரம் 5-வது இடத்தில் இருந்த சன் டிவியின் சுந்தரி சீரியல், இந்த வாரம் ஒரு இடம் முன்னேறி 8.80 டிஆர்பி புள்ளிகளுடன் 4-ம் இடத்தை பிடித்திருக்கிறது. கடந்த வாரம் முதல் மூன்று இடங்களை பிடித்த சுந்தரி, மூன்று முடிச்சு மற்றும் சிங்கப்பெண்ணே ஆகிய சீரியல்கள் இந்த வாரமும் அதே இடங்களை தக்க வைத்து உள்ளன. இதில் 3ம் இடத்தில் உள்ள சிங்கப்பெண்ணேவுக்கு 9.06 புள்ளிகளும், 2ம் இடத்தில் உள்ள மூன்று முடிச்சு சீரியலுக்கு 9.57 புள்ளிகளும், முதலிடத்தில் உள்ள கயல் சீரியலுக்கு 10.02 புள்ளிகளும் கிடைத்துள்ளது.

இதையும் படியுங்கள்... த்ரிஷா முதல் கௌசல்யா வரை; காதல் தோல்வியால் திருமணமே வேண்டாம் என முடிவு செய்த 7 முன்னணி நடிகைகள்!