அப்பா வயது நடிகருக்கு ஜோடியாகிறாரா ஸ்ருதிஹாசன்? இக்கட்டில் மாட்டி விட்ட இயக்குனர்!
நடிகை ஸ்ருதி ஹாசனை 61 வயது நடிகருக்கு ஜோடியாக நடிக்க வைக்க பேச்சு வார்த்தை நடந்து வருவதாக தகவல் வெளியாகியுள்ளது.
தமிழ், தெலுங்கு சினிமாவில் முன்னணி நாயகியாக வலம் வரும் ஸ்ருதி ஹாசன் சமீபத்தில் தன்னுடைய 35வது பிறந்தநாளை கொண்டாடி மகிழ்ந்தார்.
தமிழ் சினிமாவில், இவர் நடித்த படங்களுக்கு சுமாரான வரவேற்பு மட்டுமே கிடைத்தாலும், தெலுங்கில் இவர் நடித்தால் படங்கள் சூப்பர் ஹிட் ஆகிவிடுகிறது.
தமிழில் ராசி இல்லாத நடிகைகள் என ஒதுக்கப்பட்ட பலரை எப்படி தெலுங்கு சினிமா வளர்த்து விட்டுள்ளதோ, அதே போல் தெலுங்கில் இவருக்கு தனி ரசிகர்கள் கூட்டமே உள்ளது.
சமீபத்தில் கூட, பவன் கல்யாணுக்கு ஜோடியாக ஸ்ருதி நடித்திருந்த பிங்க் படத்தின் ரீமேக்கான 'வக்கீல் சாப்' திரைப்படம் தாறுமாறாக ஹிட் அடித்தது.
இதையடுத்து தற்போது 61 வயது நடிகர் பாலகிருஷ்ணாவுக்கு ஜோடியாக நடிக்க ஸ்ருதிஹாசனை அணுகியுள்ளதாக தகவல் வெளியாகியுள்ளது.
இவருடன் ஜோடி சேர்ந்த நடிகைகள் திரிஷா உட்பட பலர் தெலுங்கில் தங்களது கேரியரை இழந்துள்ளனர். அதே நேரத்தில் அவரது படத்தில் நடிக்க முடியாது என கூறினால் பாலகிருஷ்ணாவின் கோபத்திற்கு ஆளாகும் நிலை வரும்.
ஸ்ருதியை இந்த இக்கட்டில் மாட்டி விட்டவர் இயக்குனர் கோபிசந்த் மாலினேனி. இந்த வாய்ப்பை, ஸ்ருதி ஏற்பாரா? அல்லது மறுப்பாரா? என்பதையும் பொறுத்திருந்து தான் பார்க்க வேண்டும்.
சேனலை கிளிக் செய்து பின்தொடரவும்
