சோகமான முகம்... கண்கள் வீங்கி அழுது கொண்டிருக்கும் புகைப்படத்தை வெளியிட்டு அதிர்ச்சி கொடுத்த பிக்பாஸ் ரைசா!

பிரபல மாடலும், நடிகையுமான பிக்பாஸ் ரைசா தன்னுடைய இன்ஸ்டாகிராம் பக்கத்தில் கண்கள் சிவந்து அழுது கொண்டிருக்கும் புகைப்படங்கள் சிலவற்றை வெளியிட்டு, போட்டுள்ள பதிவு ரசிகர்கள் மத்தியில் அதிர்ச்சியையும்,  குழப்பத்தையும் ஏற்படுத்தி உள்ளது. 

தனுஷை வைத்து சௌந்தர்யா ரஜினிகாந்த் இயக்கிய, வேலையில்லா பட்டதாரி 2 படத்தில் கஜோலுக்கு பிஏ-வாக ஒரு சிறு கதாபாத்திரத்தில் நடித்திருந்தவர் பிக்பாஸ் ரைசா.

இப்படம் வெளியாவதற்கு முன்பே பிக்பாஸ் சீசன் 1 நிகழ்ச்சியில் கலந்து கொண்டு, ரசிகர்கள் மத்தியில் பிரபலமானார் ரைசா. பின்னர் இப்படம் வெளியாகி ரைசாவின் கதாபாத்திரம் கவனம் பெற்றது. இப்படத்தில் துணை கதாபாத்திரத்தில் மட்டுமே இவர் நடித்திருந்த நிலையில், பிக்பாஸ் வீட்டை விட்டு வெளியேறிய பின்னர், ரைசாவுக்கு  ஹீரோயினாக நடிக்கும் வாய்ப்பு கிடைத்தது.

அந்த வகையில், யுவன் ஷங்கர் ராஜா...  தயாரிப்பில் வெளியான 'யார் பிரேமா காதல்' திரைப்படத்தில் ஹரிஷ் கல்யாணிக்கு ஜோடியாக நடித்திருந்தார். இப்படம் ரசிகர்கள் மத்தியில் நல்ல வரவேற்பை பெற்று பாக்ஸ் ஆபிஸிலும் கலெக்ஷனை அள்ளியது.

தற்போது மாடலிங்கை தொடர்ந்து, அடுத்தடுத்த படங்களில் பிஸியாக நடித்து வரும் ரைசா, அவ்வப்போது தன்னுடைய சமூக வலைதளத்தில் ரசிகர்களை கவரும் விதமாக தூக்கலான கவர்ச்சியில், புகைப்படங்கள் வெளியிடுவதை வழக்கமாக வைத்துள்ளார்.

சமீபத்தில் கூட கடற்கரையில், பிகினி உடை போஸ், மற்றும் மோனோகினி உடையில் நெட்டட் டாப் அணிந்து இவர் பகிர்ந்த புகைப்படம் வேறு லெவலுக்கு பார்க்கப்பட்டது. இதைத்தொடர்ந்து தற்போது பிக்பாஸ் ரைசா தன்னுடைய சமூக வலைதளத்தில் கண்கள் சிவந்து அழுது கொண்டிருக்கும் ஒரு சில புகைப்படங்களை பதிவிட்டுள்ளார். இந்த புகைப்படங்களை பார்த்து ரைசாவின் ரசிகர்கள் அதிர்ச்சியடைந்துள்ளனர்.

மேலும் இந்த புகைப்படங்களுக்கு, "யாரும் தனியாக இல்லை நாம் அனைவரும் படிப்படியாக அதை கண்டுபிடித்து வருகிறோம் என பதிவிட்டுள்ளார்" இந்த பதிவு ரசிகர்களை சற்று குழப்பமடையவும் செய்துள்ளது. எனவே பலரும் ரைசா என்ன சொல்ல வருகிறார்? என்பதை தெளிவாக புரிந்து கொள்ள முடியாமல் பாசிட்டிவாக சொல்ல முயற்சி செய்கிறீர்களா? அல்லது நெகட்டிவ் மனநிலையில் இருக்கிறீர்களா என்று கேள்வி எழுப்பி வருகின்றனர்.

அதே நேரம் உங்களின் சோகத்திற்கு எது காரணமாக இருந்தாலும், எல்லாம் விரைவில் சரியாகும் என சிலர் ஆறுதல் வார்த்தைகளையும் தெரிவித்து வருகின்றனர். திரையுலகில் பிசியாக நடித்து வரும் ரைசா தற்போது கருங்காப்பியம், லவ், தி செஸ், அலைஸ், காதலிக்க யாரும் இல்லை, போன்ற படங்களில் நடித்து முடித்துள்ளார். இன்னும் சில படங்களில் இவரை நடிக்க வைக்க பேச்சுவார்த்தையும் நடந்து வருவது குறிப்பிடத்தக்கது.