இதென்னடா பகல் கொள்ளையா இருக்கு... குஷி புரமோஷனில் சமந்தா அருகில் உட்காரவே இத்தனை லட்சமா?

சமந்தா, விஜய் தேவரகொண்டா நடிப்பில் உருவாகி உள்ள திரைப்படம் குஷி. இப்படம் வருகிற செப்டம்பர் 1-ந் தேதி திரையரங்குகளில் ரிலீஸ் ஆக உள்ளது. குஷி படத்தின் ரிலீஸ் நெருங்கி வருவதால் அப்படத்தின் புரமோஷன் பணிகளும் முழுவீச்சில் நடைபெற்று வருகின்றன. நடிகர் விஜய் தேவரகொண்டா இந்தியா முழுவதும் சுற்றுப்பயணம் மேற்கொண்டு புரமோஷன் பணிகளை மேற்கொண்டு வருகிறார். அதேபோல் நடிகை சமந்தா அமெரிக்காவில் அப்படத்தை புரமோட் செய்து வருகின்றார்.

ஒரு படத்தின் புரமோஷன் நிகழ்ச்சி என்றால் நடிகர், நடிகைகள் எந்தவித சம்பளமும் வாங்காமால் தங்கள் படத்தை புரமோட் செய்வது தான் வழக்கம். ஆனால் அமெரிக்காவில் நடைபெற இருக்கும் குஷி பட புரமோஷன் நிகழ்ச்சிக்காக நடிகை சமந்தா பெரும் தொகையை சம்பளமாக வாங்கி இருப்பதாக டோலிவுட் வட்டாரத்தில் தகவல் பரவி வருகிறது. அதுவும் சில மணி நேரம் மட்டுமே நடக்க உள்ள அந்நிகழ்ச்சிக்காக நடிகை சமந்தா ரூ.30 லட்சம் சம்பளமாக வாங்கி இருக்கிறாராம்.

இதையும் படியுங்கள்... பிக்பாஸில் ரேகா நாயர் மட்டுமில்ல... பயில்வானும் இருக்காராம்பா? அலப்பறை கிளப்ப தயாரான விஜய் டிவி

இந்த புரமோஷன் நிகழ்ச்சியில் சமந்தாவின் ரசிகர்கள் கலந்துகொள்ள அழைப்பு விடுக்கப்பட்டு இருந்தது. அதுவும் ஓசியாக அல்ல, காசு கொடுத்தால் தான் ரசிகர்களுக்கு எண்ட்ரி என்று அறிவித்தனர். அதன்படி இந்நிகழ்ச்சிக்கான எண்ட்ரி டிக்கெட் குறைந்தபட்சம் ரூ.12 ஆயிரத்தில் இருந்து, அதிகபட்சம் ரூ.2 லட்சம் வரை விற்பனை செய்யப்பட்டு உள்ளதாம். சமந்தா வாங்கிய பெரும் தொகையே இந்த டிக்கெட் விலை அதிகரிப்புக்கு காரணமாக கூறப்படுகிறது.

ரூ.2 லட்சம் கொடுத்து அந்நிகழ்ச்சியில் கலந்துகொள்பவர்களுக்கு என்ன ஸ்பெஷல் என்றால், அந்த நபர் சமந்தாவின் அருகில் அமர்ந்து அந்நிகழ்ச்சியை கண்டுகளிக்கலாம். இதில் ஆச்சர்யம் என்னவென்றால், அந்நிகழ்ச்சிக்கான டிக்கெட்டுகள் அனைத்தும் சில நிமிடங்களில் விற்று தீர்த்துவிட்டன. இதைப் பார்த்த நெட்டிசன்கள் சமந்தாவின் அருகில் அமரவே 2 லட்சமா என ஷாக் ஆகிப்போய் உள்ளனர். இந்நிகழ்ச்சி ஆகஸ்ட் 25-ந் தேதி டல்லாஸில் நடைபெற உள்ளது.

இதையும் படியுங்கள்... வெற்றிமாறன் சொன்ன கிரிக்கெட் கதை.. மிஸ் ஆனதால் வருத்தப்படும் நடிகர் - மறுபடியும் உருவாக வாய்ப்பு இருக்கா?