பிறந்தநாள் கொண்டாடும் சாய் பல்லவிக்கு கமல் கொடுக்க உள்ள மிகப்பெரிய சர்ப்ரைஸ்- அட.. இது நம்ம லிஸ்ட்லயே இல்லையே!
Happy Birthday Sai Pallavi : இன்று பிறந்தநாள் காணும் நடிகை சாய் பல்லவிக்கு வாழ்த்துக்கள் குவிந்த வண்ணம் உள்ளன. இந்நிலையில், அவருக்கு நடிகர் கமல்ஹாசன் மிகப்பெரிய சர்ப்ரைஸ் ஒன்றை கொடுக்க உள்ளார்.
மலையாளத்தில் நிவின் பாலி நடிப்பில் கடந்த 2015-ம் ஆண்டு வெளியாகி பிளாக்பஸ்டர் ஹிட்டான பிரேமம் படம் மூலம் நடிகையாக அறிமுகமானார் சாய் பல்லவி. அல்போன்ஸ் புத்திரன் இயக்கிய இப்படத்தில் சாய் பல்லவி நடித்த மலர் டீச்சர் கதாபாத்திரம் பட்டிதொட்டி எங்கும் பாப்புலர் ஆனது. இதையடுத்து ஏ.எல்.விஜய் இயக்கிய தியா படம் மூலம் தமிழில் அறிமுகமானார் சாய் பல்லவி.
பின்னர் தனுஷ், சூர்யா போன்ற முன்னணி நடிகர்களுடன் ஜோடி சேர்ந்து நடித்தார். அந்த படங்களெல்லாம் தோல்வியை தழுவியதால் தமிழுக்கு முழுக்கு போட்டுவிட்டு டோலிவுட் பக்கம் சென்ற சாய் பல்லவிக்கு அங்கு தொட்டதெல்லாம் தங்கமாக அமைந்தது. அவர் நடித்த படங்கள் அனைத்தும் ஹிட் ஆனதால் அங்கு ராசியான நடிகையாக வலம் வருகிறார் சாய் பல்லவி.
தெலுங்கில் அவர் நடிப்பில் தற்போது விராட பருவம் என்கிற திரைப்படம் தயாராகி உள்ளது. நடிகை சாய் பல்லவி நக்சலைட்டாக நடித்துள்ள இப்படத்தில் பாகுபலி வில்லன் ராணா டகுபதி நாயகனாக நடித்துள்ளார். கொரோனா அச்சுறுத்தல் காரணமாக தாமதமாகி வந்த இப்படம் தற்போது ரிலீசுக்கு தயாராகி உள்ளது. இப்படம் வருகிற ஜூலை 1-ந் தேதி ரிலீசாக உள்ளது.
இன்று பிறந்தநாள் காணும் நடிகை சாய் பல்லவிக்கு வாழ்த்துக்கள் குவிந்த வண்ணம் உள்ளன. இந்நிலையில், அவருக்கு நடிகர் கமல்ஹாசன் மிகப்பெரிய சர்ப்ரைஸ் ஒன்றை கொடுக்க உள்ளார். அது என்னவென்றால், கமலின் ராஜ்கமல் பிலிம்ஸ் தயாரிப்பில் உருவாக உள்ள எஸ்.கே.21 திரைப்படத்தில் சிவகார்த்திகேயனுக்கு ஜோடியாக சாய் பல்லவி நடிக்க உள்ளார். இதற்கான அறிவிப்பு இன்று மாலை 6 மணிக்கு வெளியிடப்பட உள்ளது. இப்படத்தை ரங்கூன் பட இயக்குனர் ராஜ்குமார் பெரியசாமி இயக்க உள்ளார்.
இதையும் படியுங்கள்... பிறந்து 100 நாட்களுக்கு மேல் ஐசியூ-வில் சிகிச்சை! மகளின் புகைப்படத்தை வெளியிட்டு பிரியங்கா சோப்ரா உருக்கம்