பிரபாஸ் எடுத்த சிறந்த முடிவு இந்த படத்தை நிராகரித்தது: ஏன் தெரியுமா?
Prabhas Rejecting Shakti Movie: பிரபாஸ் சினிமா வாழ்க்கையில் சூப்பர் ஹிட் படங்களை தவறவிட்டுள்ளார். அதில் சிம்ஹாத்ரி, கிக் போன்ற படங்கள் உள்ளன. ஆனால் இந்த படத்தை நிராகரித்தது நல்ல முடிவு என ரசிகர்கள் கூறுகின்றனர். அது என்ன படம் என்று பார்க்கலாம்.
பிரபாஸ் படங்கள்
பிரபாஸ் தற்போது தொடர்ச்சியாக பான்-இந்தியா படங்களில் பிஸியாக இருக்கிறார். ராஜா சாப், ஃபௌஜி, ஸ்பிரிட் படங்களில் நடித்து வருகிறார். அதன்பிறகு கல்கி படத்தின் இரண்டாம் பாகத்தில் நடிக்க உள்ளார். பாகுபலிக்கு முன்பு ஆரியா, சிம்ஹாத்ரி, கிக் போன்ற பல படங்களை பிரபாஸ் நிராகரித்துள்ளார். இந்த படங்களை பார்க்கும் போது ரசிகர்கள் வருத்தப்படுவதுண்டு.
பிரபாஸ் எடுத்த நல்ல முடிவு
ஆனால் ஒரு படத்தை நிராகரித்ததன் மூலம் பிரபாஸ் தனது சினிமா வாழ்க்கையில் சிறந்த முடிவை எடுத்ததாக ரசிகர்கள் கூறுகின்றனர். அது ஜூனியர் என்.டி.ஆர், மெஹர் ரமேஷ் கூட்டணியில் வெளியான 'சக்தி' படம்தான். இந்த படத்தின் ரிசல்ட் பற்றி சொல்லத் தேவையில்லை.
அந்த படத்தை நிராகரித்த பிரபாஸ்
சக்தி பீடங்களை மையமாக வைத்து மெஹர் ரமேஷ் முதலில் பிரபாஸிடம் தான் கதை கூறியுள்ளார். பில்லா பட ஐடியாவுடன் சக்தி கதையையும் பிரபாஸிடம் விவரித்தார். சக்தி கதை பிரபாஸுக்கு அவ்வளவாகப் பிடிக்கவில்லை. அதனால் பாதுகாப்பாக பில்லாவைத் தேர்ந்தெடுத்தார். பில்லா டீசன்ட் ஹிட் ஆனது. குறிப்பாக பிரபாஸின் ஸ்டைலான நடிப்பு பாராட்டப்பட்டது.
தாரக்கின் வாழ்க்கையில் மிகப்பெரிய பேரழிவு
பில்லா படத்தை சிறப்பாக இயக்கியதால், மெஹர் ரமேஷை ஜூனியர் என்.டி.ஆர் கண்மூடித்தனமாக நம்பினார். சக்தி பீடங்கள் பின்னணியில் உருவான இப்படம், என்.டி.ஆர் கேரியரில் மிகப்பெரிய தோல்விப் படமாக அமைந்தது. இது தாரக் கேரியலில் ஒரு கரும்புள்ளியாக மாறியது.
தொடர் தோல்விகளில் மெஹர் ரமேஷ்
இப்படத்திற்குப் பிறகு தயாரிப்பாளர் அஸ்வினி தத் ஏழு ஆண்டுகள் சினிமாவிலிருந்து விலகியிருந்தார். பிரபாஸ் பல ஹிட் படங்களை நிராகரித்தாலும், இந்த ஒரு படத்தை தவிர்த்தது நல்ல முடிவு என ரசிகர்கள் கருதுகின்றனர். பில்லாவிற்குப் பிறகு மெஹர் ரமேஷுக்கு ஒரு ஹிட் கூட கிடைக்கவில்லை. சக்தி, ஷேடோ, போலா ஷங்கர் படங்கள் படுதோல்வி அடைந்தன.