விஜய்யுடன் துபாய்க்கு சீக்ரெட் டிரிப் போன ராஷ்மிகா... புகைப்படம் லீக் ஆனதால் ஷாக் ஆன வாரிசு நடிகை

நடிகை ராஷ்மிகா மந்தனா நடிப்பில் கடைசியாக வாரிசு படம் ரிலீஸ் ஆனது. இப்படத்தில் நடிகர் விஜய்க்கு ஜோடியாக நடித்திருந்தார் ராஷ்மிகா. இதில் அவருக்கு பெரிய அளவு ஸ்கோப் இல்லாமல் இருந்தாலும், விஜய்யுடன் நடிக்க வேண்டும் என்பதற்காகவே இப்படத்தில் நடித்ததாக சமீபத்திய பேட்டியிலும் ராஷ்மிகா தெரிவித்திருந்தார்.

இதையடுத்து ராஷ்மிகா நடித்த மிஷன் மஜ்னு என்கிற பாலிவுட் படமும் கடந்த மாதம் ரிலீஸ் ஆனது. இப்படத்தில் பாலிவுட் நடிகர் சித்தார்த் மல்கோத்ராவுக்கு ஜோடியாக நடித்திருந்தார் ராஷ்மிகா. இப்படம் நேரடியாக நெட்பிளிக்ஸ் ஓடிடி தளத்தில் ரிலீஸ் ஆனது. இப்படம் 10 நாளில் 19.2 மில்லியன் பார்வைகளைப் பெற்று சாதனை படைத்துள்ளது.

இதையும் படியுங்கள்... உடல்நலம் குறித்து ரசிகர்களுக்கு குட் நியூஸ் சொல்லி... பிச்சைக்காரன் 2 அப்டேட்டையும் வெளியிட்ட விஜய் ஆண்டனி

இதையடுத்து அனிமல், புஷ்பா 2 போன்ற படங்களை கைவசம் வைத்துள்ள ராஷ்மிகா, சமீபத்தில் துபாய்க்கு சுற்றுலா சென்றுள்ளார். அதுவும் தெலுங்கு நடிகர் விஜய் தேவரகொண்டாவுடன் தான் ராஷ்மிகா துபாய்க்கு சென்றிருக்கிறார். இந்த சீக்ரெட் டிரிப்பின் போது துபாயில் இருவரும் ஜோடியாக சுற்றியபோது எடுத்த புகைப்படம் லீக் ஆகி வைரலாகி வருகிறது.

ஏற்கனவே விஜய் தேவரகொண்டாவும், ராஷ்மிகாவும் காதலித்து வருவதாக தொடர்ந்து செய்திகள் வலம் வருகின்றன. அண்மையில் இருவரும் மாலத்தீவுக்கு சென்ற புகைப்படங்கள் வெளியாகிய நிலையில், தற்போது இருவரும் துபாயில் ஜோடியாக சுற்றும் புகைப்படங்கள் வெளியாகி வைரலாகி வருகின்றன. இவர்கள் இருவரும் கீதா கோவிந்தம், டியர் காம்ரேட் போன்ற படங்களில் ஜோடியாக நடித்திருந்தனர் என்பது குறிப்பிடத்தக்கது. 

இதையும் படியுங்கள்... பாரதி கண்ணம்மா சீரியலை தொடர்ந்து... இந்த விஜய் டிவி தொடரும் முடிவுக்கு வருகிறதா? வெளியான புது அப்டேட்!