ஹய்யோடா அவ பார்த்த பார்வை! ஹனிமூனில் கிறிஸ்துமஸ் கொண்டாடிய ரம்யா பாண்டியன்!

டம்மி டப்பாசு படம் மூலம் நடிகையாக அறிமுகமானவர் ரம்யா பாண்டியன். இதையடுத்து ராஜு முருகன் இயக்கிய ஜோக்கர் படம் மூலம் கவனம் ஈர்த்த இவருக்கு பெயரையும் புகழையும் பெற்றுத் தந்தது அவரின் மொட்டை மாடி போட்டோஷூட் தான். அந்த போட்டோஷூட்டால் ஒரே நாளில் பேமஸ் ஆகிவிட்டார் ரம்யா.

ரம்யா பாண்டியனால் மொட்டைமாடி போட்டோஷூட் டிரெண்டும் ஆனது. இதையடுத்து விஜய் டிவியில் ஒளிபரப்பான குக் வித் கோமாளி நிகழ்ச்சியில் போட்டியாளராக கலந்துகொண்ட அவர், அதில் தன் சமையல் திறமையை வெளிப்படுத்தி அசத்தினார். அந்நிகழ்ச்சியில் பைனல் வரை சென்றார் ரம்யா.

குக் வித் கோமாளி முடிந்த கையோடு, ரம்யா பாண்டியனுக்கு பிக் பாஸ் நிகழ்ச்சியில் கலந்துகொள்ள வாய்ப்பு வந்தது. அதை ஏற்று பிக் பாஸ் சீசன் 4 நிகழ்ச்சியில் போட்டியாளராக கலந்துகொண்டார். அதுமட்டுமின்றி சிம்பு தொகுத்து வழங்கிய பிக் பாஸ் அல்டிமேட் நிகழ்ச்சியிலும் போட்டியாளராக வந்த ரம்யா, டைட்டில் வெல்லும் வாய்ப்பை நூலிழையில் நழுவ விட்டார்.

பிக் பாஸுக்கு பின் சினிமாவில் ஒரு ரவுண்டு வரலாம் என எதிர்பார்த்து காத்திருந்த ரம்யா பாண்டியனுக்கு ஏமாற்றமே மிஞ்சியது. அவருக்கு எதிர்பார்த்த பட வாய்ப்புகள் கிடைக்காததால், மீண்டும் கவர்ச்சி ரூட்டுக்கு திரும்பி விதவிதமாக போட்டோஷூட் நடத்தினார். அதுவும் அவருக்கு கைகொடுக்கவில்லை.

இதையும் படியுங்கள்... கணவரோடு திருசெந்தூர் போன ரம்யா பாண்டியன்.! எதிர்பாராமல் கிடைத்த பிரபலத்தின் வாழ்த்து!

இதையடுத்து யோகா பயிற்சியில் இறங்கிய ரம்யா, ரிஷிகேஷில் உள்ள ஆசிரமத்தில் தங்கி பயிற்சி மேற்கொண்டார். அப்போது அங்கு பயிற்சியாளராக பணியாற்றும் லோவெல் தவான் மீது காதல் ஏற்பட்டுள்ளது. சில மாதங்கள் இருவரும் ரகசியமாக காதலித்து வந்த நிலையில், கடந்த நவம்பர் மாதம் அவர்கள் இருவரும் திருமணம் செய்துகொண்டனர்.

ரிஷிகேஷில் கங்கை நதிக்கரை ஓரம் நடைபெற்ற ரம்யா பாண்டியன் - லோவெல் தவான் திருமணத்தில் உறவினர்கள் கலந்துகொண்டனர். பின்னர் சென்னையில் நடைபெற்ற பிரம்மாண்டமான திருமண வரவேற்பு நிகழ்ச்சியில் திரைப்பிரபலங்கள் கலந்துகொண்டு வாழ்த்தினர்.

திருமணம் முடிந்த கையோடு, தன் காதல் கணவருடன் தாய்லாந்துக்கு ஹனிமுன் சென்ற ரம்யா பாண்டியன், அங்கு தன் கணவருடன் சேர்ந்து கிறிஸ்துமஸ் பண்டிகையை கொண்டாடி இருக்கிறார். கிறிஸ்துமஸ் கொண்டாட்டத்தின் போது எடுத்த புகைப்படங்களையும் இன்ஸ்டாவில் பதிவிட்டுள்ளார் ரம்யா.

அதில் இருவரும் ரொமாண்டிக் போஸ் கொடுத்துள்ளனர். நடிகை ரம்யா பாண்டியன் திருமணத்துக்கு பின் தன் கணவருடன் நடத்திய முதல் போட்டோஷூட் இதுவாகும். ரம்யா பாண்டியன் தன் இன்ஸ்டா பக்கத்தில் பதிவிட்டுள்ள இந்த கிறிஸ்துமஸ் ஸ்பெஷல் புகைப்படங்களுக்கு லைக்குகளும் குவிந்த வண்ணம் உள்ளன.

இதையும் படியுங்கள்... ரம்யா பாண்டியன் வெட்டிங் ரிசப்ஷனில் ஒன்று திரண்ட பிக்பாஸ் பிரபலங்கள்! வைரல் போட்டோஸ்!