- Home
- Cinema
- OTT Releases : பியார் பிரேமா கல்யாணம் முதல் சென்னை லவ் ஸ்டோரி வரை... இந்த வார ஓடிடி ரிலீஸ் என்னென்ன?
OTT Releases : பியார் பிரேமா கல்யாணம் முதல் சென்னை லவ் ஸ்டோரி வரை... இந்த வார ஓடிடி ரிலீஸ் என்னென்ன?
This week OTT Release Movies and Web Series : ஆகஸ்ட் 17ந் தேதி முதல் 21ந் தேதி வரை நெட்ஃபிளிக்ஸ், சோனி லிவ், ஜியோ ஹாட்ஸ்டார் போன்ற ஓடிடி தளங்களில் என்னென்ன படங்கள் மற்றும் வெப் சீரிஸ் ரிலீஸ் ஆகிறது என்பதை பார்க்கலாம்.
OTT Release Movies and Web Series
ஓடிடியில் விதவிதமான கதைகளை ரசிக்க விரும்புபவர்களுக்கு இந்த வாரம் ஏராளமான புது வரவுகள் காத்திருக்கின்றன. ஆகஸ்ட் 17 முதல் பல்வேறு ஸ்ட்ரீமிங் தளங்களில் திரைப்படங்கள், வெப் சீரிஸ்கள் மற்றும் டாக்குமென்டரிகள் என பல புதிய படைப்புகள் வெளியாகின்றன. சூப்பர்ஹீரோ ஆக்ஷன் முதல் க்ரைம் த்ரில்லர், ரொமான்ஸ், காமெடி, மெடிக்கல் டிராமா மற்றும் உண்மைச் சம்பவங்களை அடிப்படையாகக் கொண்ட டாக்குமென்டரி வரை பல ஜானர்களில் கண்டுகளிக்கலாம்.
இந்த வார ஓடிடி வெளியீடுகள்
பியார் பிரேமா கல்யாணம்
தமிழில் உருவாகியுள்ள ரொமான்டிக் காமெடி படமான ‘பியார் பிரேமா கல்யாணம்’-ல் சான்வி மேக்னா மற்றும் எலன் முக்கிய கதாபாத்திரங்களில் நடித்துள்ளனர். திருமணத்துக்குப் பிறகு புதிய வாழ்க்கைக்குள் அடியெடுத்து வைக்கும் கதாநாயகியின் விருப்பங்களும், கணவன் அதற்கு ஏற்ப எடுக்கும் முடிவுகளும் நகைச்சுவையுடன் சொல்லப்படுகின்றன. இப்படம் ஆகஸ்ட் 21 முதல் நெட்ஃபிளிக்ஸ்-ல் ஸ்ட்ரீமிங் ஆகிறது.
இட்ஸ் ஆல்வேஸ் சன்னி இன் ஃபிலடெல்ஃபியா சீசன் 18
நீண்ட காலமாக ரசிகர்களை சிரிக்க வைத்து வரும் பிரபல காமெடி தொடரான ‘இட்ஸ் ஆல்வேஸ் சன்னி இன் ஃபிலடெல்ஃபியா’-வின் 18வது சீசனும் இந்த வாரம் வருகிறது. பேடிஸ் ஹப்-ஐ சுற்றி நடைபெறும் வழக்கமான காமெடி குழப்பங்கள் புதிய சீசனிலும் தொடர்கின்றன. ஆகஸ்ட் 18 முதல் ஜியோஹாட்ஸ்டாரில் ஸ்ட்ரீமிங் ஆகிறது.
பிளெட் சாக்ரிஃபைஸ்
ஐந்து எபிசோட்களைக் கொண்ட ஸ்வீடிஷ் க்ரைம் த்ரில்லரான ‘பிளெட் சாக்ரிஃபைஸ்’ போலீஸ் விசாரணையை மையமாகக் கொண்டுள்ளது. சக அதிகாரிகள் தொடர்ச்சியாக கொலை செய்யப்படும் நிலையில், அந்த மர்மத்தின் பின்னணியை கண்டறிய ஒரு போலீஸ் அதிகாரி மேற்கொள்ளும் விசாரணையே கதையின் முக்கிய அம்சமாக இருக்கிறது. ஆகஸ்ட் 20 முதல் நெட்ஃபிளிக்ஸ்-ல் வெளியாகிறது.
ஓடிடியில் என்ன ஸ்பெஷல்?
சென்னை லவ் ஸ்டோரி
கிரண் அப்பவரம் மற்றும் ஸ்ரீ கௌரி பிரியா நடித்துள்ள தெலுங்கு ரொமான்டிக் டிராமாவான ‘சென்னை லவ் ஸ்டோரி’, திரையரங்கு வெளியீட்டைத் தொடர்ந்து ஓடிடியில் களமிறங்குகிறது. காதல், உறவுகள் மற்றும் உணர்வுகளை மையமாகக் கொண்ட இப்படத்தை ஆகஸ்ட் 21 முதல் சோனி லிவ்வில் பார்க்கலாம்.
ஃபேஸிங் எல் சாப்போ
க்ரைம் த்ரில்லர் மற்றும் உண்மைச் சம்பவங்களை விரும்புபவர்களுக்கு ‘ஃபேஸிங் எல் சாப்போ’ கவனம் ஈர்க்கும் படைப்பாக இருக்கும். ஒரு சாதாரண சம்பவத்தின் போது மெக்சிகோ போலீஸ் அதிகாரிகள் போதைப்பொருள் உலகின் முக்கியமான நபரான எல் சாப்போ-வை எதிர்கொள்ளும் சம்பவத்தை மையமாக வைத்து கதை உருவாக்கப்பட்டுள்ளது. ஸ்பானிஷ் மொழியில் உருவான இந்தத் தொடர் ஆகஸ்ட் 21 முதல் நெட்ஃபிளிக்ஸ்-ல் வெளியாகிறது.
எஸ்&எக்ஸ்
கொரியன் மெடிக்கல் டிராமா வகையைச் சேர்ந்த ‘எஸ்&எக்ஸ்’ தொடரும் இந்த வார ஓடிடி பட்டியலில் இடம்பெறுகிறது. தனிப்பட்ட பிரச்சனைகளை வெளியில் சொல்ல முடியாமல் தவிக்கும் நோயாளிகளுக்கு சிகிச்சை அளிக்கும் ஒரு செ*க்ஸ் தெரபிஸ்ட்டை மையமாக வைத்து கதை நகர்கிறது. ஆகஸ்ட் 20 முதல் நெட்ஃபிளிக்ஸ்-ல் தொடரை பார்க்கலாம்.
ஓடிடி ரிலீஸ் லிஸ்ட்
லாந்தர்ன்ஸ்
டிசி ரசிகர்கள் ஆவலுடன் எதிர்பார்க்கும் ‘லாந்தர்ன்ஸ்’ சீரிஸ் இந்த வாரம் வெளியாகிறது. புதிய டிசி யூனிவர்ஸின் ஒரு பகுதியாக உருவாகியுள்ள இந்த சூப்பர்ஹீரோ கதையில் க்ரீன் லாந்தர்ன் கதாபாத்திரத்தை மையமாக வைத்து கதை நகர்கிறது. ஆகஸ்ட் 17 முதல் ஜியோஹாட்ஸ்டார் தளத்தில் இதைக் காணலாம்.
டேக் ஏ ஹைக்
அட்வென்ச்சர் ரியாலிட்டி ஷோக்களை ரசிப்பவர்களுக்காக வருகிறது ‘டேக் ஏ ஹைக்’. பிரபல தயாரிப்பாளர் நா யங் சோக் வழங்கும் இந்த நிகழ்ச்சியில் மலையேற்றத்தில் பெரிய ஆர்வம் இல்லாத நான்கு பிரபலங்கள் சவாலான பயணத்தில் ஈடுபடுகின்றனர். தென் கொரியாவின் பனிப்பொழிவு நிறைந்த மலைப்பகுதிகளில் அவர்களுக்கு வழங்கப்படும் சவால்கள் நிகழ்ச்சியின் முக்கிய ஹைலைட்டாக இருக்கும். ஆகஸ்ட் 18 முதல் நெட்ஃபிளிக்ஸ்-ல் பார்க்கலாம்.
சோம்பூ: லாஸ்ட் & ஃபர்காட்டன்
உண்மைச் சம்பவங்களை அடிப்படையாகக் கொண்ட டாக்குமென்டரிகளை விரும்புபவர்களுக்கு ‘சோம்பூ: லாஸ்ட் & ஃபர்காட்டன்’ முக்கியமான தேர்வாக இருக்கும். தாய்லாந்தின் முக்தஹான் மாகாணத்தில் சில ஆண்டுகளுக்கு முன்பு உயிரிழந்த நிலையில் கண்டெடுக்கப்பட்ட சிறுமி நோங் சோம்பூ தொடர்பான வழக்கை மையமாக வைத்து இந்த டாக்குமென்டரி உருவாக்கப்பட்டுள்ளது. ஆகஸ்ட் 20 முதல் நெட்ஃபிளிக்ஸ்-ல் வெளியாகிறது.
ஃப்ரீஃபால்: எ ரெக்கனிங் ஃபார் போயிங்
விமானத் துறை தொடர்பான ஆவணப்படங்களை எதிர்பார்ப்பவர்களுக்கு ‘ஃப்ரீஃபால்: எ ரெக்கனிங் ஃபார் போயிங்’ வருகிறது. போயிங் நிறுவனத்தைச் சுற்றி எழுந்த பாதுகாப்பு குற்றச்சாட்டுகள், 737 மேக்ஸ் விபத்துகள் உள்ளிட்ட விவகாரங்களுடன் தொடர்புடைய விசாரணைகளை இந்த டாக்குமென்டரி அலசுகிறது. நிறுவனத்தின் முன்னாள் ஊழியர் ஜான் பார்னெட்டின் மரணத்தைச் சுற்றியுள்ள கேள்விகளும் இதில் இடம்பெறுகின்றன. ஆகஸ்ட் 19 முதல் நெட்ஃபிளிக்ஸ்-ல் இதைப் பார்க்கலாம்
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
