14 வருஷத்துக்கு முன்னாடி பார்த்த 'பருத்தி வீரன்' முத்தழகாகவே மீண்டும் மாறிய பிரியாமணி! வைரலாகும் போட்டோஸ்!

நடிகை பிரியா மணி, பல சூப்பர் ஹிட் படங்களில் நடித்திருந்தாலும்... அனைவருக்குமே முதலில் நினைவுக்கு வருவது பருத்தி வீரன் முத்தழகு கதாபாத்திரம் தான். இந்த படம் வெளியாகி சுமார் 14 வருடங்கள் ஆகும் நிலையில், மீண்டும் அச்சு அசல் முத்தழகாக மாறி விதவிதமாக போஸ் கொடுத்துள்ளார் பிரியாமணி. இந்த புகைப்படங்கள் தற்போது ரசிகர்கள் மத்தியில் வைரலாக பார்க்கப்பட்டு வருகிறது.

தமிழ் சினிமாவில் கியூட் ஏஞ்சலாக... "கண்களால் கைது செய்" என்ற படத்தின் மூலம் அறிமுகமானவர் பிரியாமணி. முதல் படத்தில் அழகிய பொம்மை போல் நடித்து ரசிகர்களை கவர்ந்தார்.

இந்த படத்திற்கு பின் வரிசையாக அடுத்தடுத்து, சில தமிழ் படங்களில் நடித்தாலும், இவருக்கு மிகப்பெரிய வெற்றிப்படமாக அமைந்தது, நடிகர் கார்த்திக்கு ஜோடியாக நடித்த 'பருத்திவீரன்' திரைப்படம் தான்.

முத்தழகி, என்கிற கதாபாத்திரத்திற்கு உயிர் கொடுத்திருந்தது இவரது எதார்த்தமான நடிப்பு. எனவே இப்படத்திற்காக இவருக்கு தேசிய விருதும் கிடைத்தது.

மீண்டும் தமிழ், தெலுங்கு படங்களில் பிஸியான பிரியாமணி சரியான கதையை தேர்வு செய்து நடிக்காததால்... மீண்டும் திரையுலகில் சரிவை சந்தித்தார். ஒரு கட்டத்தில் திரைப்பட வாய்ப்புகள் இல்லாமல் போக, முஸ்தப்பா ராஜ் என்பவரை 2017 ஆம் ஆண்டு திருமணம் செய்து கொண்டார்.

பின்னர் அவ்வப்போது சில படங்களில் தலை காட்டி வந்தாலும், நடன நிகழ்ச்சிகளில் நடுவராக பங்கேற்பதில் அதிக ஆர்வம் காட்டினார்.

நீண்ட இடைவெளிக்கு பின், சமீபத்தில் ஓடிடி தளத்தில் வெளியான அசுரன் பட ரீமேக், இவருக்கு சிறந்த படமாக அமைத்துள்ளது. இந்த படத்தில் இவரது நடிப்பை பார்த்து பலர் பாராட்டி வருகிறார்கள்.

என்னதான் இந்த படத்தின் குடும்ப பாங்கான கதாபாத்திரத்தில் நடித்தாலும், இன்ஸ்டாகிராமில் உடல் எடையை குறைத்து... செம்ம ஹாட் புகைப்படங்களை வெளியிட்டு வந்தார் பிரியாமணி.

அந்த வகையில் தற்போது 14 வருடத்திற்கு முன் பார்த்த முத்தழகாகவே மாறி, போஸ் கொடுத்துள்ளார். இவரது லேட்டஸ்ட் பாவாடை தாவணி புகைப்படம், ரசிகர்களால் அதிகம் பார்க்கப்பட்டு லைக்குகளை குவித்து வருகிறது.