என்ன ஒரு தாராள மனசு; ஏழைகளுக்காக இலவச மருத்துவமனை கட்டும் பிரபாஸ்!
பாகுபலி நாயகன் பிரபாஸ் தன்னுடைய பெரியப்பா கிருஷ்ணம் ராஜுவின் கனவை நனவாக்கும் விதமாக இலவச மருத்துவமனை ஒன்றை கட்ட உள்ளாராம்.
Prabhas Build Free Hospital : பான் இந்திய ஹீரோவான பிரபாஸ், ரெபல் ஸ்டார் கிருஷ்ணம் ராஜு பெயர்களைச் சொன்னாலே அவர்களின் விருந்தோம்பல், கொடைத்தன்மை நினைவுக்கு வரும். சினிமாக்காரர்களை கேட்டாலும் முதலில் அவர்கள் அளிக்கும் விருந்து சாப்பாட்டைப் பற்றித்தான் சொல்வார்கள்.. அப்படியே ரெபல் ஸ்டார் கிருஷ்ணம்ராஜு போலவே பிரபாஸும் சேவைகளைச் செய்து வருகிறார். இப்போது பெரியப்பாவின் கனவை நிறைவேற்றப் போகிறார்.
இலவச மருத்துவமனை கட்டும் பிரபாஸ்
வலது கையால் செய்யும் உதவி இடது கைக்கு கூட தெரியாது. அதேபோல் பிரபாஸ் நடிகராக வளர்வதற்கு உறுதுணையாக இருந்த கிருஷ்ணம் ராஜுவும் சேவை காரியங்களில் எப்போதும் முன்னணியில் இருப்பார். அவருடைய நடிப்பு வாரிசாக இன்று பான் இந்திய ஸ்டாராக சினிமா ரசிகர்களை உற்சாகத்தில் ஆழ்த்துகிறார் பிரபாஸ். ஒரு பக்கம் படங்கள் நடித்துக்கொண்டே ஆபத்தில் இருப்பவர்களுக்கு உதவி செய்து பெரிய மனசுடன் இருக்கிறார். விரைவில் பிரபாஸ் ஆதரவுடன் ரெபல் ஸ்டார் கிருஷ்ணம்ராஜுவின் மனைவி ஷியாமளா தேவி இணைந்து ஒரு மருத்துவமனை கட்டி ஏழைகளுக்கு மருத்துவம் அளிக்க இருக்கிறார்களாம்.
இதையும் படியுங்கள்... பிரபல தொழிலதிபர் மகளுடன் பிரபாஸூக்கு திருமணமா? 45 வயதாகியும் திருமணம் செய்யாதது ஏன்?
பெரியப்பாவின் கனவை நனவாக்கும் பிரபாஸ்
விரைவில் ஒரு மருத்துவமனை கட்டி இந்தியாவில் எந்தப் பகுதியில் உள்ளவர்களும் வந்து இலவசமாக மருத்துவம் பெறும் வகையில் அனைத்து வசதிகளுடன் மருத்துவமனை அமைக்க இருப்பதாக ஷியாமளா தேவி கூறுகிறார். இதற்கு பிரபாஸ் ஆதரவு இருக்கும் என்றும் அவர் குறிப்பிட்டார். இது கிருஷ்ணம்ராஜுவின் ஆசை என்றும் அவர் கூறினார். பான் இந்திய ஸ்டார் பிரபாஸ் சேவை காரியங்களில் எப்போதும் முன்னணியில் இருப்பார். ஆறடிக்கு மேல் உயரம் உள்ள அவர் உதவி செய்வதிலும் தன்னுடைய பெரிய மனதை பல சந்தர்ப்பங்களில் நிரூபித்துள்ளார்.
பாரி வள்ளலாக வலம் வரும் பிரபாஸ்
அதுமட்டுமல்லாமல் ஷூட்டிங் சமயத்தில் தன்னுடைய கேரவன், ஊழியர்கள் செலவுகளை பிரபாஸே ஏற்றுக்கொள்வாராம். கடந்த ஆண்டு ஆந்திராவில் விஜயவாடா, ஹைதராபாத்தில் வெள்ளம் ஏற்பட்டபோது பிரபாஸ் தாராளமாக ரூ.2 கோடியை ஒவ்வொரு கோடி வீதம் இரண்டு தெலுங்கு மாநிலங்களுக்கும் கொடுத்த விஷயம் தெரிந்ததே. ஆனால் பிரபாஸ் செய்யும் சேவை காரியங்களுக்கு எப்போதும் கவனம் ஈர்க்க மாட்டார்.. விளம்பரம் என்றால் சுத்தமாக பிடிக்காது. எந்த உதவியாக இருந்தாலும் ரகசியமாக செய்து தன்னுடைய பெருந்தன்மையை காட்டுகிறார்.
இதையும் படியுங்கள்... பிரம்மராக்ஷஸாவாக மாறும் பிரபாஸ்: பிரசாந்த் வர்மாவின் கனவு திட்டம்!