June Release Movies : ஜூன் மாதம் தியேட்டர்களை ஆக்கிரமிக்க வரும் புதுப்படங்கள் என்னென்ன? ஜனநாயகனும் இம்மாதம் ரிலீஸ் ஆகுதா?

June Release Movies : ஜூன் மாதம் நடிகர் ராம்சரண் நடிப்பில் உருவான பெத்தி என்கிற பான் இந்தியா படம் உள்பட ஏராளமான படங்கள் ரிலீஸ் ஆக உள்ளன. அதைப்பற்றி விரிவாக பார்க்கலாம்.

Image Credit : X

Theatre Release Movies

சினிமா பிரியர்களுக்கு ஜூன் மாசம் ஒரு செம ட்ரீட் காத்துக்கிட்டு இருக்கு. கிராமத்துக் கதை, ரிவெஞ்ச், ஹாரர் காமெடின்னு பல ஜானர்கள்ல புதுப் படங்கள் இந்த மாதம் தியேட்டர்களை கலக்கப் போகுது. முதல்ல, தெலுங்கு நடிகர் ராம் சரண் நடிச்ச 'பெத்தி' படம் ஜூன் 4-ஆம் தேதி ரிலீஸ் ஆகுது. அடுத்து, நஸ்லென் ஹீரோவா நடிச்ச 'மோலிவுட் டைம்ஸ்' படம் ஜூன் 5-ஆம் தேதி வருது. இதை அபினவ் சுந்தர் நாயக் இயக்கியிருக்கார். அதே ஜூன் 5-ஆம் தேதி, ரொம்ப நாள் கழிச்சு ஜெயராமும் ஊர்வசியும் சேர்ந்து நடிச்ச 'பரிமளா & கோ' தமிழ் படமும், 'ஸ்கேரி மூவி' என்ற ஆங்கிலப் படமும் ரிலீஸ் ஆகுது. சமந்தா நடித்த மா இண்டி பங்காரம் படமும் வருகிற ஜூன் 19ந் தேதி ரிலீஸ் ஆகிறது.

Image Credit : PR Team

அனந்தன் காடு

நடிகர் ஆர்யா நடிச்ச 'அனந்தன் காடு' படம் ஜூன் 25-ஆம் தேதி ரிலீஸ் ஆகப்போகுது. இது இல்லாம, ஷாஜி கைலாஸ் - ஜோஜு ஜார்ஜ் கூட்டணியோட 'வரவு' படமும் ஜூன் மாசத்துலதான் ரிலீஸ். இப்போ 'அனந்தன் காடு' படத்தைப் பத்தி கொஞ்சம் விரிவாப் பார்க்கலாம். பலராலும் பாராட்டப்பட்ட 'டியான்' படத்துக்குப் பிறகு, முரளி கோபி கதை எழுத, ஜி.என். கிருஷ்ணகுமார் இந்தப் படத்தை இயக்கியிருக்கார். நம்ம தமிழ் நடிகர் ஆர்யாதான் இதுல ஹீரோ. ஒரு தமிழ் பேசும் கதாபாத்திரத்துல அவர் நடிக்கிறார். சூப்பர்ஹிட்டான ‘மார்க் ஆண்டனி’ படத்துக்குப் பிறகு, மினிஸ்டுடியோ சார்பா எஸ். வினோத் குமார் தயாரிக்கிற 14-வது படம் இது.

Image Credit : Facebook

பான் இந்தியா ரிலீஸ்

இன்னொரு ஸ்பெஷல் என்னன்னா, 'காந்தாரா' படத்தோட இரண்டு பாகங்களுக்கும் மியூசிக் போட்ட பி. அஜனீஷ் லோக்நாத், இந்தப் படம் மூலமா முதல் முறையா மலையாள சினிமாவுக்கு வர்றார். படத்துல பெரிய நட்சத்திரப் பட்டாளமே இருக்கு. இந்திரன்ஸ், முரளி கோபி, 'புஷ்பா' புகழ் சுனில், அப்பானி சரத், நிகிலா விமல், தேவ் மோகன், சாகர் சூர்யா, ரெஜினா கசெண்ட்ரா, சாந்தி பாலச்சந்திரன், அஜய், கன்னட நடிகர் அச்யுத் குமார்னு நிறைய பேர் நடிச்சிருக்காங்க. தமிழ், மலையாளம்னு ரெண்டு மொழிகள்ல வர்ற இந்த பிரம்மாண்ட பட்ஜெட் படத்துல, பல மொழி நடிகர்களும் ஒண்ணா சேர்ந்திருக்காங்க.

Image Credit : instagram

ஜன நாயகன் ரிலீஸ் ஆகுமா?

இதுதவிர நடிகர் விஜய் நடித்த ஜன நாயகன் படமும் இம்மாதம் திரைக்கு வர வாய்ப்பு உள்ளதாக கூறப்படுகிறது. இந்த ஆண்டு பொங்கல் பண்டிகைக்கே ரிலீஸ் ஆவதாக இருந்த இப்படம் சென்சார் பிரச்சனை காரணமாக இன்று வரை ரிலீஸ் ஆகாமல் முடங்கிப் போய் உள்ளது. ஜனநாயகன் படத்தை எச்.வினோத் இயக்கி உள்ளார். கேவிஎன் நிறுவனம் தயாரித்துள்ள ஜன நாயகன் திரைப்படம் வருகிற ஜூன் 19ந் தேதி திரைக்கு கொண்டுவரப்பட வாய்ப்பு இருப்பதாக தகவல்கள் தெரிவிக்கின்றன. ஆனால் படக்குழு இதனை உறுதிபடுத்தவில்லை. இப்படத்தில் விஜய்க்கு ஜோடியாக பூஜா ஹெக்டே நடித்துள்ளார். விஜய் நடித்த கடைசி படம் இதுவாகும். இப்படத்தில் நடித்து முடித்ததும் முழுநேர அரசியல்வாதியாக மாறிய விஜய், நடந்து முடிந்த சட்டமன்ற தேர்தலிலும் போட்டியிட்டு முதல்வர் ஆனார் என்பது குறிப்பிடத்தக்கது.