ராதிகா விலகிய நிலையில் சித்தி 2 சீரியலில் புதிதாக இணைந்த நடிகர்! இந்த ட்விஸ்டை யாரும் எதிர்பார்க்க மாட்டாங்க?

நடிகை ராதிகா நடித்து வந்த 'சித்தி 2 ' சீரியலில் இருந்து விலகிய நிலையில், தற்போது புதிய நடிகர் ஒருவர் இணைத்துள்ளார். இது குறித்த புரோமோ தற்போது வெளியாகியுள்ளது.
 

ராடன் என்ற பெயரில் தயாரிப்பு நிறுவனம் ஒன்றை நடத்தி வரும் ராதிகா, அதில் பல சீரியல்களை தயாரித்து வருகிறார். குறிப்பாக வெள்ளித்திரையில் பிசியாக நடித்து வரும் நிலையிலும் சித்தி, அண்ணாமலை, அரசி, வாணி ராணி, செல்லமே, தாமரை, செல்வி, சித்தி 2 என வரிசையாக சூப்பர் ஹிட் சீரியல்களை தயாரித்தும் நடித்தும் வந்தார்.
 

வழக்கமாக கண்ணை கசக்கி கொண்டு இருக்கும் சீரியல்களைப் போல் இல்லாமல் தைரியமான பெண்ணாக ராதிகா நடிக்கும் கதாபாத்திரத்தை பார்க்கவே தனி ரசிகர்கள் பட்டாளம் உண்டு. பெண்கள் மட்டுமே சீரியல் பார்ப்பார்கள் என்ற கதையையே சித்தி தொடர் மாற்றியது. பிரைம் டைமில் சன் தொலைக்காட்சியில் வெளியான சித்தி சீரியலுக்கு ஆண்கள் பட்டாளமும் அடிமையாக இருந்ததை மறந்துவிட முடியாது. 

இந்நிலையில் இவர் தனது கணவரும், சமத்துவ மக்கள் கட்சி தலைவருமான சரத்குமாரின் சமத்துவ மக்கள் கட்சியில் மாநில மகளிர் அணி செயலாளராக பதவி வகிக்கும் ராதிகா, மெல்ல மெல்ல சின்னத்திரையில் இருந்து விலகி முழு நேர அரசியலில் ஈடுபட உள்ளதாக அறிவித்தார். சமீபத்தில் கணவருடன் சூறாவளி பிரச்சாரமும் மேற்கொண்டார்.

சமீபத்தில் அந்த சீரியலில் இருந்து விலகிய ராதிகா புன்னகையோடு... தன்னுடைய குழுவினரிடம் இருந்து விடைபெற்ற புகைப்படங்களையும் சமூக வலைத்தளத்தில் பதிவு செய்திருந்தார். ரசிகர்களும் ராதிகாவை மிஸ் பண்ணுவதாக தங்களுடைய கருத்தை தெரிவித்து வந்தனர். 
 

ராதிகாவும் சத்தமே இல்லாமல்  தன்னுடன் நடித்து வரும் நடிகைகளுக்கும் வாழ்த்துக்களை தெரிவித்து விட்டு சீரியல் நடிப்புக்கு முழுக்கு போட்டார்.

நடிகை ராதிகாவுக்கு பதில் இந்த சீரியலில் யார் நடிக்கிறார் என்கிற தகவல், தற்போது வரை... வெளியாகாத நிலையில், இந்த சீரியலில் தற்போது புதிய நடிகர் ஒருவர் இணைத்துள்ளார். ஏற்கனவே இது குறித்த சில அறிவிப்புகளும் வெளியானது.

ஆனால் 'சித்தி 2 ' சீரியலில் நிகழ்ந்துள்ள ட்விஸ்டை யாரும் எதிர்பார்த்திருக்க மாட்டார்கள். காரணம், வெண்பாவிற்கு ஜோடியாக இந்த சீரியலில் நடித்து வரும் கவின், இரட்டை வேடத்தில் நடிக்க உள்ளார். 

இது குறித்த புரோமோ ஒன்றும் வெளியாகியுள்ளது. ஆனால் இவரது வருகை 'சித்தி 2 ' சீரியலை எந்த அளவிற்கு விறுவிறுப்பாக்கும் என்பதை பொறுத்திருந்து தான் பார்க்கவேண்டும்.

மேலும் சுவாரஸ்யமான செய்திகளுக்கு ஏசியாநெட்நியூஸ் தமிழ் வாட்ஸ்அப் சேனலை கிளிக் செய்து பின்தொடரவும்