பொங்கல் ரேஸில் பராசக்தியை ஓட ஓட விரட்டிய நயன்தாரா படம்... ஒரே நாளில் வாரிசுருட்டிய வசூல் இத்தனை கோடியா?

பொங்கல் பண்டிகையை ஒட்டி ரிலீஸ் ஆன சிவகார்த்திகேயனின் பராசக்தி படம் 3 நாள் முக்கி முக்கி வசூலித்ததை நயன்தாரா படம் ஒரே நாளில் வாரிசுருட்டி இருக்கிறது. அதைப்பற்றி இங்கே பார்க்கலாம்.

Image Credit : X

Nayanthara Movie Beat Parasakthi in Box Office

பொங்கல் பண்டிகை திரையுலகினருக்கு சற்று முன்னதாகவே தொடங்கிவிட்டது. ஜனவரி 9-ந் தேதி முதலே பொங்கலுக்கான புதுப்படங்கள் ரிலீஸ் ஆகத் தொடங்கிவிட்டன. அந்த வகையில் ஜனவரி 9ந் தேதி பிரபாஸின் ராஜா சாப் திரைப்படமும், ஜனவரி 10ந் தேதி சிவகார்த்திகேயன் நடித்த பராசக்தி திரைப்படமும் ரிலீஸ் ஆகின. இதில் பிரபாஸ் திரைப்படம் படு மோசமான விமர்சனங்களை பெற்று வருகிறது. அதேபோல் அதற்கு போட்டியாக ரிலீஸ் ஆன பராசக்தி திரைப்படம் கலவையான விமர்சனங்களை பெற்று வருகிறது. இதனால் பொங்கல் ரேஸில் முதல் வெற்றியை ருசிக்க போவது யார் என்கிற எதிர்பார்ப்பு இருந்தது.

Image Credit : instagram

வசூல் சாதனை படைத்த நயன்தாரா படம்

அந்த எதிர்பார்ப்பை நேற்று ரிலீஸ் ஆன நயன்தாராவின் மன சங்கர வர பிரசாத் காரு திரைப்படம் பூர்த்தி செய்துள்ளது. இப்படத்தில் சிரஞ்சீவிக்கு ஜோடியாக நடித்துள்ளார் நயன்தாரா. இப்படம் வசூலிலும் மாபெரும் சாதனை படைத்துள்ளது. அதன்படி சிவகார்த்திகேயன் நடித்த பராசக்தி திரைப்படம் ரிலீஸ் ஆகி மூன்று நாட்கள் ஆகியும் இன்னும் 75 கோடி கூட வசூலிக்கவில்லை. ஆனால் நயன்தாரா நடித்த மன சங்கர வர பிரசாத் காரு திரைப்படம் திரைக்கு வந்த முதல் நாளிலேயே உலகளவில் ரூ.84 கோடி வசூலை வாரிசுருட்டி, இந்த பொங்கல் ரேஸில் முதல் வின்னராக மாறி இருக்கிறது.

Image Credit : Instagram/ShineScreens

நயன்தாரா படத்தின் பட்ஜெட்

மன சங்கர வர பிரசாத் காரு படத்தில் சிரஞ்சீவி சங்கரவர பிரசாத் என்ற முக்கிய கதாபாத்திரத்தில் நடித்திருக்கிறார். மேலும், வெங்கடேஷ், வெங்கட் கவுடா போன்றோர் கேமியோ ரோலில் நடித்துள்ளார். நடிகை நயன்தாரா சசிரேகா என்ற கதாபாத்திரத்தில் நடித்துள்ளார். இவர்களுடன் கேத்ரின் தெரசா, ஜரீனா வஹாப், ஹர்ஷ வர்தன், அபினவ் கோமதம் ஆகியோரும் நடித்துள்ளனர். மன சங்கர வர பிரசாத் காரு ஒரு தெலுங்கு ஆக்சன் காமெடி திரைப்படம். இப்படத்தை அனில் ரவிபுடி இயக்கி உள்ளார். இப்படம் சுமார் ரூ.150 கோடி பட்ஜெட்டில் தயாராகி உள்ளது.

Image Credit : facebook.com/AnilRavipudiOfficial

யார் இந்த அனில் ரவிபுடி?

இந்த அனில் ரவிபுடி வேறுயாருமில்லை, தெலுங்கில் சூப்பர் டூப்பர் ஹிட் அடித்த பகவந்த் கேசரி திரைப்படத்தின் இயக்குநர் தான். இவர் இயக்கிய பகவந்த் கேசரி திரைப்படம் தான் தற்போது விஜய்யின் கடைசி திரைப்படமான ஜனநாயகனாக ரீமேக் செய்யப்பட்டு இருக்கிறது. விஜய் தன்னுடைய கடைசி படத்தை அனில் ரவிபுடியிடம் தான் இயக்குமாறு கூறி இருந்தார். ஆனால் அவருக்கு ரீமேக் படங்களில் விருப்பம் இல்லாததால் நோ சொல்லிவிட்டார். இதையடுத்தே ஜனநாயகன் படத்தை இயக்கும் வாய்ப்பு எச்.வினோத்துக்கு சென்றது.