நடிகர் பிரபுதேவாவுக்கு ரகசியமாக நடந்த 2வது திருமணம்?... மணப்பெண் பற்றி கசிந்த ரகசியம்...!

பிரபல நடிகரும், நடன இயக்குனருமான பிரபுதேவா... நயன்தாராவை பிரிந்த பின், தன்னுடைய முழு கவனத்தையும் திரையுலகில் செலுத்தி வந்த நிலையில், தற்போது இவருக்கு இரண்டாம் திருமணம் நடந்துள்ளதாக வெளியான தகவல், பரபரப்பை ஏற்படுத்தியுள்ளது.
 

ஒரு சாதாரண டான்ஸ் மாஸ்டராக திரையுலகில் காலடி எடுத்து வைத்து, பின்னர் நடிகர், இயக்குனர், தயாரிப்பாளர் என உச்சம் தொட்ட பிரபலமாக உயர்ந்தவர் பிரபுதேவா.

இவருடைய தனித்துவமான நடிப்புக்கு உலகம் முழுவதிலும் கோடிக்கணக்கான ரசிகர்கள் உள்ளனர். இவரது நடன அமைப்பில் உருவான ரவுடி பேபி பாடல் 100 மில்லியன் ரசிகர்களால் பார்க்கப்பட்டு, பல்வேறு சாதனைகளை செய்து வருவது குறிப்பிடத்தக்கது.

பிரவுதேவா கடந்த 1995 ஆம் ஆண்டு ரமலதா என்பவரை காதலித்து திருமணம் செய்து கொண்டார். இவர்களுக்கு 3 ஆண் குழந்தைகளும் இருந்தனர்.

இவர்களில் பிரபு தேவாவின் மூத்த மகன், விஷால் 12 வயதில் மூலையில் ஏற்பட்ட பிரச்சனை காரணமாக கடந்த 2010 ஆம் ஆண்டு உயிரிந்தார். இவரது மரணம் பிரபு தேவாவை மிகவும் பாதித்தது.
 

பின்னர் நடிகை நயன்தாரா - பிரபுதேவா இடையே காதல் மலர்ந்தது. இருவரும் ஒன்றாக பல இடங்களில் வலம் வந்தனர்.  விரைவில் இருவருக்கும் திருமணம் நடைபெற இருக்கிறது என்ற தகவல் ஊடகங்களில் கசிந்தது. இதை விரும்பாத ரமலதா மகளிர் அமைப்புகளை நாடி தனது தரப்பு நியாயத்தை கோரி இவர்களுடைய காதலுக்கு முட்டுக்கட்டை போட்டார்.

இதனால் கடந்த 2011 ஆம் ஆண்டு ரமலதாவை பிரவுதேவா விவாகரத்து செய்தார். அதே நேரத்தில் ஒரு சில பிரச்சனைகள் காரணமாக நயன்தாராவிடம் இருந்தும் தன்னுடைய காதலை முறித்து கொண்டார்.

நயன்தாரா - பிரபுதேவா காதல் முறிவு ஏற்பட்டு 9 வருடங்கள் ஆகும் நிலையில், தற்போது நயன்தாரா கடந்த 5 வருடமாக விக்னேஷ் சிவனை உருகி உருகி காதலித்து வருகிறார். நேற்றைய தினம் கூட நயன்தாரா பிறந்தநாளை விக்னேஷ் சிவன் பிரமாண்டமாக கொண்டாடி மகிழ்ந்த புகைப்படங்கள் வெளியாகியது.

இந்நிலையில் தற்போது பிரபு தேவா பிசியோதெரபி டாக்டர் ஒருவரை ரகசியமாக  திருமணம் செய்து கொண்டுள்ளதாக ஒரு தகவல் தீயாக சுற்றி வருகிறது.
 

இந்த திருமணம், பிரபு தேவாவின் பெற்றோர் சம்மதத்துடன், அவருடைய வீட்டிலேயே நடந்ததாகவும்,  இத்திருமணத்திற்கு அவருடைய நெருங்கிய நண்பர்கள் மற்றும் உறவினர்கள் மட்டுமே கலந்து கொண்டு வாழ்த்தியதாக கூறப்படுகிறது.

சல்மான் கான் படத்தை இயக்கி வரும் பிரபு தேவா மும்பையில் கடந்த சில மாதங்களாக தங்கி வந்தார். அப்போது அவருக்கு முதுகுவலி காரணமாக பிசியோதெரபி மருத்துவரிடம் சென்றதாகவும் அந்நேரத்தில் இருவருக்கும் இடையே காதல் மலர்ந்ததாகவும் கூறப்படுகிறது.

எனவே இந்த பெண்ணை தான் பிரபு தேவா தற்போது திருமணம் செய்து கொண்டுள்ளதாக, தகவல்கள் வெளியாகி இருந்தாலும்... இந்த தகவல் எந்த அளவிற்கு உண்மை என்பதை விரைவில் பிரபு தேவா அறிவிப்பார் என்றே எதிர்பார்க்கப்படுகிறது.

மேலும் சுவாரஸ்யமான செய்திகளுக்கு ஏசியாநெட்நியூஸ் தமிழ் வாட்ஸ்அப் சேனலை கிளிக் செய்து பின்தொடரவும்