Lokesh Kanagaraj Net worth: 6 படங்களிலேயே பல கோடிக்கு அதிபதியான லோகேஷ் கனகராஜ்!
Lokesh Kanagaraj Networth in Tamil : இயக்குநர் லோகேஷ் கனகராஜ் குறுகிய காலத்திலேயே பல கோடிக்கு அதிபதியாக மாறிய கதையைப் பற்றி இந்த தொகுப்பில் நாம் பார்க்கலாம்.
இயக்குநர் லோகேஷ் கனகராஜ்
Lokesh Kanagaraj Networth in Tamil : இயக்குநர் லோகேஷ் கனகராஜ் மட்டுமே குறுகிய காலத்திலேயே மாஸ் ஹீரோக்களான விஜய், கமல் ஹாசன் மற்றும் ரஜினிகாந்த் படங்களை இயக்கும் வாய்ப்பை பெற்றார். அதுமட்டுமின்றி குறுகிய காலத்திலேயே பல கோடிக்கும் அதிபதியாகவும் வளர்ந்துவிட்டார். அதைப் பற்றி இந்த தொகுப்பில் நாம் பார்க்கலாம்.
லோகேஷ் கனகராஜ் பிறந்த ஊர்
கோயம்புத்தூரில் கிணத்துக்கடவு என்ற ஊரில் பிறந்து வளர்ந்தவர் இயக்குநர் லோகேஷ் கனகராஜ். கடந்த 2016 ஆம் ஆண்டு 'அவியல்' என்ற ஆந்தாலஜி குறும்படம் மூலமாக வாழ்க்கையை தொடங்கினார். இந்த குறும்படம் கொடுத்த வரவேற்பு தான் அவரை ஒரு இயக்குநராக அறிமுகம் செய்ய தூண்டியது. அப்படி அவர் இயக்குநராக அறிமுகமான முதல் படம் தான் மாநகரம். 2017 ஆம் ஆண்டு த்ரில்லர் கதையை மையப்படுத்திய படமாக வெளியானது. இந்தப் படத்தில் சந்தீப் கிஷான், ரெஜினா கஸாண்ட்ரா, முனீஷ்காந்த், சார்லி, ஸ்ரீ என்று ஏராளமான பிரபலங்கள் நடித்திருந்தனர்.
இயக்குநர் லோகேஷ் கனகராஜ் முதல் படம்
இந்தப் படத்திற்கு பிறகு கார்த்தி நடிப்பில் 2019ஆம் ஆண்டு வெளியான 'கைதி' படத்தை இயக்கினார். முழுக்க முழுக்க இரவில் எடுக்கப்பட்ட இந்த திரைப்படத்தில், பாடல் - ஹீரோயின் என எந்த ஒரு கமர்ஷியல் விஷயங்களும் இல்லாமல் முழுக்க முழுக்க ஆக்ஷன் கதையை மையமாக வைத்து படத்தை எடுத்து கொடுத்து சாதனை படைத்தார். அதுமட்டுமின்றி ரசிகர்களின் அன்பையும், பாராட்டையும் பெற்றார்.
லோகேஷ் கனகராஜ் இயக்கிய படங்கள்
இந்தக் கதை கொடுத்த வரவேற்புக்கு பிறகு அடுத்தடுத்த லெவலுக்கு சென்றார் லோகேஷ் கனகராஜ். அப்படித்தான் தளபதி விஜய்யின் மாஸ்டர் படத்தை இயக்கினார். விஜய்க்கு பிறகு விஜய் சேதுபதி மற்றும் கமல் ஹாசன் நடித்த விக்ரம் படத்தை இயக்கி ஹிட் கொடுத்தார். பிறகு மீண்டும் விஜய்யின் லியோ படத்தை இயக்கிய நிலையில், இவர் நடித்த படங்கள் அனைத்துமே இவருக்கு வெற்றி படமாக அமைந்தது.
லோகேஷ் கனகராஜ் நிகர சொத்து மதிப்பு
தற்போது லோகேஷ் கனகராஜ் இயக்கத்தில் ரஜினிகாந்த் நடிப்பில் உருவாகி வரும் கூலி படத்தை இயக்கி வருகிறார். ஆக்ஷன் கதையை மையப்படுத்திய இந்தப் படத்தை சன் பிக்சர்ஸ் நிறுவனம் தயாரித்து வருகிறது. அனிருத் இசையமைத்துள்ளார். இந்தப் படத்தில் ரஜினிகாந்த் உடன் இணைந்து நாகர்ஜூனா, உபேந்திரா, சத்யராஜ், ஸ்ருதி ஹாசன், ரெபே மோனிகா ஜான், மோனிஷா பிளெசி, ஜூனியர் எம்ஜிஆர் ஆகியோர் பலர் நடித்துள்ளனர். மேலும், பூஜா ஹெக்டே மற்றும் ஆமீர் கான் இருவரும் சிறப்பு தோற்றத்தில் நடித்துள்ளனர்.
லோகேஷ் கனகராஜ் சம்பளம்
கூலி படம் வரும் ஆகஸ்ட் 14ஆம் தேதி திரைக்கு வர இருக்கிறது. இப்படி குறுகிய காலத்திலேயே விஜய், கமல் ஹாசன் மற்றும் ரஜினிகாந்த் என்று மாஸ் ஹீரோக்களை வைத்து படம் இயக்கிய இயக்குநர் லோகேஷ் கனகராஜ் ஒவ்வொரு படத்திற்கும் ரூ.50 கோடி வரையில் சம்பளம் பெற்று வருகிறாராம்.
லொகேஷ் கனகராஜ் சொகுசு கார்கள்
இந்த நிலையில் தான் அவருடைய சொத்து மதிப்பு பற்றிய தகவல் வெளியாகி உள்ளது. அதன்படி இவரது சொத்து மதிப்பு ரூ.100 கோடி முதல் 125 கோடி வரை இருக்கும் என கூறப்படுகிறது. சென்னையில் சொந்த வீடு வைத்துள்ள லோகேஷ் கனகராஜ் Lexus மற்றும் BMW உள்பட ஒரு சில ஆடம்பர சொகுசு கார்களையும் வைத்திருக்கிறார் என்றும் கூறப்படுகிறது. இனி வரும் காலங்களில் அஜித், சூர்யா, தனுஷ், சிவகார்த்திகேயன் ஆகியோரை வைத்து படங்கள் இயக்குவார் என்று எதிர்பார்க்கப்படுகிறது.