சொர்க்கவாசல் கதை என்னுடையது; வெடித்த சர்ச்சை! வைரலாகும் RJ பாலாஜி பேசிய வீடியோ!

சூர்யா மற்றும் நடிகர் கார்த்தியின் உறவினர் தான் பிரபல தயாரிப்பாளர் எஸ்.ஆர் பிரபு. இவருடைய தலைமையில் இயங்கி வருவது தான் பிரபல திரைப்பட தயாரிப்பு நிறுவனமான "ட்ரீம் வாரியார் பிக்சர்ஸ்" நிறுவனம். இந்த நிறுவனத்தின் சார்பில் நாளை நவம்பர் மாதம் 29ஆம் தேதி உலக அளவில் வெளியாக இருக்கிறது பிரபல நடிகர் ஆர்.ஜே பாலாஜியின் "சொர்க்கவாசல்" என்கின்ற திரைப்படம். முற்றிலும் மாறுபட்ட ஒரு கதை அம்சத்தில் சிறைக்குள் நடக்கும் பல விறுவிறுப்பான உண்மை கலந்த சம்பவங்களின் கோர்வையாக இந்த திரைப்படம் அமைய பெற்று இருக்கிறது. 

ஒரு நடிகராக இந்த திரைப்படத்தில் ஆர்.ஜே பாலாஜியின் நடிப்பு மிகப்பெரிய அளவில் பேசப்படும் என்று பெரிய அளவில் எதிர்பார்க்கப்படுகிறது. சித்தார்த் விஸ்வநாதன் என்கின்றவர் இந்த திரைப்படத்தை இயக்கியிருக்கிறார். ஏற்கனவே இப்படத்தின் ட்ரெய்லர் வெளியாகி மக்கள் மத்தியில் மிகப்பெரிய வரவேற்பை பெற்றது.

அண்ணன் சூர்யாவுக்கு போட்டியாக நடிப்பிலும் தூள் கிளப்பிய பிருந்தா! வைரலாகும் போட்டோஸ்!

தன்னுடைய பயணத்தை பண்பலை தொகுப்பாளராக தொடங்கியவர் தான் ஆர்.ஜி பாலாஜி. கடந்த 2013ம் ஆண்டு பிரபல நடிகர் சிவகார்த்திகேயன் நடிப்பில் வெளியான "எதிர்நீச்சல்" என்கின்ற திரைப்படத்தின் மூலம் இவர் கலை உலகில் நடிகராக அறிமுகமானார். தொடர்ச்சியாக பல திரைப்படங்களில் சிறு சிறு கதாபாத்திரங்கள் ஏற்று நடித்து வந்த இவருக்கு, கடந்த 2015ம் ஆண்டு பிரபல நடிகர் விஜய் சேதுபதி நடிப்பில் வெளியான "நானும் ரவுடி தான்" என்கின்ற திரைப்படம் மிகப்பெரிய வரவேற்பை கொடுத்தது. சைமா விருதுகளும் இந்த திரைப்படத்தில் நடித்ததற்காக ஆர்.ஜே பாலாஜிக்கு கிடைத்தது குறிப்பிடத்தக்கது. கடந்த 11 ஆண்டுகளாக தமிழ் திரையுலகில் நல்ல பல படங்களில் நடித்து மக்களின் அபிமான நாயகனாக இவர் மாறியுள்ளார்.

இந்த சூழலில் நாளை நவம்பர் 29ம் தேதி ஆர்.ஜே பாலாஜியின் "சொர்க்கவாசல்" என்கின்ற திரைப்படம் வெளியாகவுள்ளது. இந்த திரைப்படத்தை சித்தார்த் விஸ்வநாத் இயக்க, ட்ரீம் வாரியர்ஸ் நிறுவனம் தயாரித்து வழங்கி இருக்கிறது. மிகவும் அருமையான ஒரு கதைகளத்தில் இப்படத்தில் ஆர்.ஜே பாலாஜி நேர்த்தியாக நடித்திருப்பதாக பலரும் கருத்து தெரிவித்து வரும் இந்த நிலையில், "நாளைய இயக்குனர்" என்கின்ற நிகழ்ச்சியின் மூலம் புகழ்பெற்ற இயக்குனர் கிருஷ்ணகுமார் பரபரப்பு குற்றச்சாட்டு ஒன்றை முன் வைத்திருக்கிறார். 

அதாவது சைதாப்பேட்டை கிளைச் சிறையில் பல கைதிகளிடம் இருந்து தான் பெற்ற கருத்துக்களை கொண்டு "கிளைச்சிறை" என்னும் தலைப்பில் ஒரு கதையாகத் தான் எழுதியதாகவும். அதை ஒரு முழு ஸ்கிரிப்டாக பிரபல ட்ரீம் வாரியர் நிறுவனத்திடம் கொடுத்த பொழுது, சில நாட்கள் கழித்து இப்படம் தங்களுக்கு உகந்ததாக இல்லை என்று மெயில் மூலம் தனக்கு ரிப்ளை வந்ததாக கூறியிருக்கிறார் கிருஷ்ணகுமார். மேலும் பல்வேறு ஆதாரங்களை வெளியிட்டு, இப்போது டீம் வாரியர் நிறுவனம் மற்றும் ஆர்.ஜே பாலாஜி மீது குற்றம் சாட்டியுள்ளார். 

இந்த சூழலில் சில மாதங்களுக்கு முன்பாக பிரபல நிறுவனம் ஒன்றுக்கு அளித்த பேட்டியில் பேசிக் கொண்டிருந்த ஆர்.ஜே பாலாஜி "மூக்குத்தி அம்மன் திரைப்படம் பிரபல ஹிந்தி திரைப்படத்தின் காபி தான். சில மாற்றங்களை செய்து தான் அந்த திரைப்படத்தை நான் எடுத்தேன்" என்று வெளிப்படையாகவே அவர் கூறிய வீடியோவை, இப்பொழுது இணையவாசிகள் வைரல் ஆக்கி வருகின்றனர். மேலும் அப்போ, சொர்க்கவாசல் திரைப்படமும் அப்படி ஒரு காப்பியடிக்கப்பட்ட கதையா? என்ற கேள்வியை முன்வைத்து வருகின்றனர்.

TRPயில் சன் டிவிக்கு ஷாக் கொடுத்த விஜய் டிவி! இந்த வார டாப் 10 சீரியல் லிஸ்ட்டில் ட்விஸ்ட்