"ஒவ்வொரு ரசிகனுக்கும் இருக்கும் கனவு" சூப்பர் ஸ்டாருடன் மாஸ் போஸ் கொடுக்கும் புகழ் - வைரலாகும் கிளிக்ஸ்!

KPY Pugazh : பிரபல சின்னத்திரை மற்றும் வெள்ளித்திரை நடிகர் புகழ், ரஜினிகாந்தோடு எடுத்துக்கொண்ட புகைப்படங்களை வெளியிட்டுள்ளார்.

Pugazh with rajini

கடலூரில் பிறந்து, சின்னத்திரை நாடகங்களில் நடிக்க தொடங்கி, இன்று வெள்ளித் துறையில் ஜொலித்துக் கொண்டிருக்கும் நட்சத்திரம் தான் நடிகர் புகழ். வெள்ளித்திரை நடிகர் நடிகைகளுக்கு இருக்கும் அதே அளவிலான வரவேற்பு, சின்னத்திரை நடிகர்களுக்கும் ஆரம்ப காலம் தொட்டே இருந்து வருகிறது. இந்த சூழலில் சினிமா மீது கொண்ட ஆசையின் காரணமாக சென்னைக்கு பயணித்து, பிரபல காமெடி நடிகர் செந்தில் பாலாஜியின் அரவணைப்பால் விஜய் டிவியில் பணியாற்ற தொடங்கியவர் தான் புகழ். 

கடந்த 2017ம் ஆண்டு விஜய் தொலைக்காட்சியில் ஒளிபரப்பான "சிரிப்புடா" என்ற ரியாலிட்டி ஷோவில் தான் முதல் முறையாக அவர் போட்டியாளராக பங்கேற்றார். அந்த நிகழ்ச்சி இவருக்கு சின்னத்திரை ரசிகர்கள் மத்தியில் ஒரு நல்ல அங்கீகாரத்தை கொடுத்தது. அதன் பிறகு தொடர்ச்சியாக வெளியான கலக்கப்போவது யாரு நிகழ்ச்சியின் ஆறாவது சீசனிலும் இவர் போட்டியாளராக பங்கேற்றார். நடிகர் புகழ் பற்றி அதிக அளவில் பிறருக்கு தெரிய காரணமாக இருந்தது இந்த நிகழ்ச்சி தான்.

Actor Pugazh with rajini

அதன் பிறகு "கலக்கப்போவது யாரு சாம்பியன்ஸ்" நிகழ்ச்சியிலும் பங்கேற்று ரசிகர்களின் ஏகோபித்த ஆதரவை பெற்ற புகழுக்கு கிடைத்த மிகச் சிறப்பான வாய்ப்பு தான் கடந்த 2019ம் ஆண்டு ஒளிபரப்பாக தொடங்கிய "குக் வித் கோமாளி" என்ற நிகழ்ச்சி. உண்மையில் இந்த நிகழ்ச்சி அவருக்கு தந்த வரவேற்பு என்பது வேறு ஒரு பரிமாணத்தில் இருந்தது என்றே கூறலாம். 

அதன் பிறகு ஸ்டார் நடிகராக மாறிய புகழ் மெல்ல மெல்ல திரை துறையிலும் தனது பயணத்தை தொடங்கினார். கடந்த 2019 ஆம் ஆண்டு தமிழில் வெளியான பிரபல நடிகர் வைபவின் "சிக்சர்" என்ற திரைப்படத்தில் ஒரு சிறு கதாபாத்திரம் ஏற்று நடித்திருந்தார். தொடர்ச்சியாக "கைதி", "சபாபதி", "என்ன சொல்ல போகிறாய்", "வலிமை", "வீட்டில் விசேஷம்" மற்றும் "யானை" போன்ற படங்களில் சிறப்பான நடிப்பை வெளிப்படுத்திய புகழுக்கு, கடந்த 2023 ஆம் ஆண்டு பிரபல நடிகர் சசிகுமார் நடிப்பில் வெளியான "அயோத்தி" என்ற திரைப்படம் ஒரு பிரேக்கிங் பாய்ன்ட் ஆக அமைந்தது. 

Pugazh

இந்த சூழலில் தான் "மிஸ்டர் ஜு கிப்பர்" என்ற திரைப்படத்தில் அவர் இப்போது நாயகனாக நடித்து முடித்துள்ளார். யுவன் சங்கர் ராஜா இசையில் உருவாகியுள்ள அந்த திரைப்படம் விரைவில் வெளியாகவுள்ளது. சின்னத்திரை மற்றும் வெள்ளித்திரை என்று இரண்டு துறையிலும் கலக்கி வரும் புகழ் கடந்த 2022 ஆம் ஆண்டு தனது காதலி பென்ஸி ரியா என்பவரை திருமணம் செய்து கொண்டார். இப்போது அவருக்கு ஒரு பெண் குழந்தை உள்ளதும் குறிப்பிடத்தக்கது.

Rajinikanth

இந்நிலையில் ஒவ்வொரு ரசிகனுக்கும் இருக்கும் கனவு இப்போது எனக்கு நிறைவேறிவிட்டது என்று கூறி சூப்பர் ஸ்டார் ரஜினிகாந்தோடு எடுத்துக்கொண்ட புகைப்படத்தை தனது இன்ஸ்டாகிராம் பக்கத்தில் அவர் வெளியிட்டு இருக்கிறார். மக்கள் அவரை எந்த உச்சத்தில் வைத்திருந்தாலும் அவர் அதை பற்றிய விஷயங்களை தனது தலையில் கூட ஏற்றுக் கொள்ளாமல் மிக எளிமையாக வாழ்ந்து வருகிறார். அதனால் தான் அவர் சூப்பர் ஸ்டார் என்று கூறி தனது மகிழ்ச்சியை வெளிப்படுத்துகிறார். சூப்பர் ஸ்டார் ரஜினிகாந்தை போயஸ் கார்டனில் உள்ள அவரது இல்லத்தில் சந்தித்த புகழுக்கு, பரிசு ஒன்றையும் அளித்துள்ளார் ரஜினிகாந்த்.