ரஜினியின் கூலி.. தமிழில் ரீ-என்ட்ரி தரும் நாகார்ஜுனா - இதற்கு முன் கோலிவுட்டில் நடித்த படங்கள் என்னென்ன?

Nagarjuna Tamil Movies : இன்று தெலுங்கு மொழியில் டாப் நடிகராக வலம்வருபர் தான் நாகார்ஜூனா. ரஜினியின் கூலி படத்தில் இணைந்துள்ளார்.

Nageswara Rao

"காதல்", "பெற்றதாய்" மற்றும் "அலாவுதீனும் அற்புத விளக்கும்" போன்ற பல தமிழ் திரைப்படங்களில் நடித்து புகழ்பெற்ற மெகா ஹிட் தெலுங்கு திரைக்கூலக நடிகர் தான் நாகேஸ்வர ராவ். அவருடைய மகன் தான் பிரபல நடிகர் நாகார்ஜுனா. என்ன தான் தெலுங்கு மொழியில் மிகப்பெரிய நடிகராக இவர் வலம் வந்தாலும், இவர் பிறந்து வளர்ந்தது எல்லாமே சென்னையில் தான்.

கடந்த 1986ம் ஆண்டு வெளியான "விக்ரம்" என்கின்ற திரைப்படத்தின் மூலம் தனது கலை உலக பயணத்தை தெலுங்கு மொழியில் தொடங்கிய நாகர்ஜுனா இன்று வரை தெலுங்கு திரை உலகின் டாப் நடிகராக பயணித்து வருகின்றார். தன்னுடைய கதாபாத்திரத்தை பொறுத்து ஒரு திரைப்படத்திற்கு 10 முதல் 25 கோடி ரூபாய் வரை இவர் சம்பளமாக பெறுகிறார்.

Ratchagan

கடந்த 1986ம் ஆண்டு முதல் இவர் திரையுலகில் பயணித்து வந்தாலும், தமிழில் இவர் முதல் முதலில் அறிமுகமான திரைப்படம், கடந்த 1997ம் ஆண்டு வெளியான "ரட்சகன்" என்கின்ற திரைப்படம் தான். பிரவீன் காந்தி என்பவருடைய இயக்கத்தில் உருவான அந்த திரைப்படம் மெகா திரைப்படமாக மாறியது அனைவரும் அறிந்ததே.

Payanam

அதன்பிறகு பல ஆண்டுகள் தமிழ் திரையுலகம் பக்கமே வராமல் இருந்த நடிகர் நாகார்ஜுனா, கடந்த 2011ம் ஆண்டு ஒரே நேரத்தில் தமிழ் மற்றும் தெலுங்கு மொழியில் படமாக்கப்பட்ட "பயணம்" என்கின்ற திரைப்படத்தில் மேஜர் ரவீந்திர என்ற கதாபாத்திரத்தில் மிக நேர்த்தியாக நடித்திருந்தார். அந்த திரைப்படமும் வணிக ரீதியாக பெரிய அளவில் வெற்றி பெற்றது.

Thozha Movie

இதனைத் தொடர்ந்து கடந்த 2016ம் ஆண்டு பிரபல நடிகர் கார்த்தி நடிப்பில் வெளியான "தோழா" என்கின்ற திரைப்படத்தில் உடல் முழுவதும் செயலிழந்து முகம் மட்டும் செயல்படும் ஒரு பணக்காரராக நடித்து அசத்தியிருந்தார் நாகர்ஜுனா. வேற்று மொழி படத்தில் ரீமேக் என்றாலும் தோழா திரைப்படமும் நல்ல வரவேற்பு பெற்றது. இந்நிலையில் சுமார் 8 ஆண்டுகள் கழித்து தற்பொழுது தமிழில் மீண்டும் சூப்பர் ஸ்டார் ரஜினிகாந்தின் "கூலி" திரைப்படத்தின் மூலம் அவர் ரீ என்ட்ரி கொடுத்துள்ளார்.