பாக்ஸ் ஆஃபீஸ் மான்ஸ்டரான கே.ஜி.எஃப்..4 நாட்களில் வசூலை வாரிக்குவித்து சாதனை..

கே.ஜி.எஃப் அத்தியாயம் 2 இதுவரை உலகம் முழுவதும் வசூல் செய்த தொகை குறித்து தகவல் வெளியாகியுள்ளது. படம் வெளியான 4 நாட்களில் மாபெரும் வெற்றியை பெற்றுள்ளது.

kgf 2

கே.ஜி.எஃப் முதல் பாகத்தின் வெற்றி ரசிகர்கள் மனதில் அடுத்த பாகத்திற்கான விதையை பல ஆண்டுகளுக்கு முன்னரே விதைத்து விட்டது. 

ரசிகர்களின் மிகுந்த எதிர்பார்ப்புடன்  காத்திருந்த இரண்டாம் பாகம்  பிரசாந்த் நீல் இயக்கத்தில் யாஷ் நடிப்பில் கடந்த ஏப்ரல் 14-ந் தேதி உலகமெங்கும் 10 ஆயிரம் திரையரங்குகளில் வெளியானது.

இப்படத்தில் ஸ்ரீநிதி ஷெட்டி, ரவீணா டண்டன், பிரகாஷ் ராஜ், சரண், சஞ்சய் தத் என மிகப்பெரிய நட்சத்திர பட்டாளமே நடித்துள்ளது. 

தமிழ் ,தெலுங்கு,கன்னடம், இந்தி, மலையாளம் என பல மொழிகளில் பான் இந்தியா படமாக உருவாகி உலகம்முழுவதும் மாஸ் காட்டி வருகிறது.

பன்மொழி ரசிகர்களின் பேராதரவை பெற்று வரும் ஜி.எஃப் 2 பாக்ஸ் ஆபிஸிலும் பட்டைய கிளப்பி வருகிறது.  முதல் நாளே ரூ.134 கோடி வசூலித்து சாதனை படைத்தது. 

இதற்கிடையே  கே.ஜி.எஃப் 2 படத்தின் ஓடிடி ரிலீஸ் தேதி அப்டேட்டும், மூன்றாம் பாகத்திற்கான அறிவிப்பும் சேர்ந்தே ரசிகர்களை குஷிப்படுத்தி வருகிறது. 

இந்நிலையில் படம் வெளியான 4 நாட்களில் எவ்வளவு வசூல் ஆகியுள்ளது என்னும் தகவல் வெளியாகியுள்ளது. உலகம் முழுதும் இதுவரை சுமார் ரூ. 546 கோடியை வசூலித்துள்ளது.