karthi : சினிமாவில் 25 ஆண்டுகளை நிறைவு செய்த யுவன்... காஸ்ட்லி கிஃப்ட் கொடுத்து நண்பனை நெகிழவைத்த கார்த்தி

இசையமைப்பாளர் யுவன் சங்கர் ராஜாவும், நடிகர் கார்த்தியும் ஒரே பள்ளியில் படித்தபோதிலிருந்து இன்று வரை நெருங்கிய நண்பர்களாக உள்ளனர். நடிகர் கார்த்தி ஹீரோவாக அறிமுகமான பருத்திவீரன் படத்துக்கு இசையமைத்தது யுவன் தான், இப்படத்தின் வெற்றிக்கு அவரின் இசையும் முக்கிய காரணமாக இருந்தது.

இதையடுத்து பையா, நான் மகான் அல்ல, பிரியாணி என கார்த்தியுடன் தொடர்ந்து பணியாற்றி வந்த யுவன், தற்போது கார்த்தி நடிப்பில் தயாராகி உள்ள விருமன் படத்துக்கும் இசையமைத்து வருகிறார். முத்தையா இயக்கியுள்ள இப்படத்தில் கார்த்திக்கு ஜோடியாக இயக்குனர் ஷங்கரின் மகள் அதிதி நடித்துள்ளார். இப்படம் வருகிற ஆகஸ்ட் 31-ந் தேதி யுவன் சங்கர் ராஜாவின் பிறந்தநாளன்று ரிலீசாக உள்ளது.

கிராமத்து பின்னணியில் உருவாகியுள்ள விருமன் படத்தில் இருந்து சமீபத்தில் வெளியான ‘கஞ்சா பூவு கண்ணால’ என்கிற பாடலின் புரோமோ வீடியோ நல்ல வரவேற்பை பெற்றது . யுவன் இசையில் சித் ஸ்ரீராம் பாடியிருந்த இப்பாடல் யூடியூபில் 3 மில்லியனுக்கு மேல் பார்வைகளைப் பெற்றுள்ளது.

இந்நிலையில், திரைத்துறையில் வெற்றிகரமாக 25 ஆண்டுகளை நிறைவு செய்துள்ள யுவன் சங்கர் ராஜாவுக்கு அவரது நெருங்கிய நண்பரான நடிகர் கார்த்தி விலையுயர்ந்த ப்ரீமியம் வாட்ச் ஒன்றை பரிசாக வழங்கி நெகிழ வைத்துள்ளார். யுவனுக்கு கார்த்தி பரிசளித்தபோது எடுத்த புகைப்படம் சமூக வலைதளங்களில் வெளியாகி வைரலாகி வருகிறது.

இதையும் படியுங்கள்... படம் நல்லா இருந்தும் பாக்ஸ் ஆபிஸில் பிக்-அப் ஆகாத நெஞ்சுக்கு நீதி.. முதல் நாள் வசூல் இவ்வளவு தானா?