வந்தியதேவனை பார்க்க ஜப்பானில் இருந்து கிளம்பிவந்த ரசிகர்கள் - விஷயம் தெரிந்து கார்த்தி தந்த வேறலெவல் சர்ப்ரைஸ்

பொன்னியின் செல்வனின் வந்தியத்தேவனாக நடித்து அனைவரையும் கவர்ந்த நடிகர் கார்த்தியை சந்திக்க அவரது ரசிகர்கள் ஜப்பானில் இருந்து வந்துள்ளனர்.

பொன்னியின் செல்வன் திரைப்படத்தின் முதல் பாகத்தைப் போல், இரண்டாம் பாகத்திற்கும் அமோக வரவேற்பு கிடைத்து வருகிறது. கடந்த வாரம் திரையரங்குகளில் ரிலீஸ் ஆன இப்படம் பாக்ஸ் ஆபிஸில் நான்கே நாட்களில் ரூ.200 கோடிக்கு மேல் வசூலித்து சாதனை படைத்துள்ளது. பொன்னியின் செல்வன் 2 படத்திற்கு இந்தியா மட்டுமல்லாது உலகம் முழுவதும் அமோக வரவேற்பு கிடைத்து வருகிறது. அதற்கு எடுத்துக்காட்டாக ஒரு நெகிழ்ச்சியான சம்பவம் நடந்துள்ளது.

பொன்னியின் செல்வன் படத்தில் இடம்பெற்ற ஒவ்வொரு கதாபாத்திரமும் ரசிகர்களை வெகுவாக கவரும் விதமாக அமைக்கப்பட்டு இருந்தது. அதிலும் குறிப்பாக நடிகர் கார்த்தி நடித்த வந்தியத்தேவன் கேரக்டருக்கு என தனி ரசிகர் பட்டாளமே இருந்தது என கூறலாம். அந்த அளவுக்கு தன் இயல்பான நடிப்பால் அனைவரையும் கவர்ந்திருந்தார் கார்த்தி. குறிப்பாக இரண்டாம் பாகத்தில் ஒரு சில நிமிடங்கள் மட்டுமே வரும் கார்த்தி - திரிஷா இடையிலான ரொமான்ஸ் காட்சியெல்லாம் வேறலெவல் வரவேற்பை பெற்றது.

இதையும் படியுங்கள்... வலிமை படத்தின் லைஃப் டைம் வசூலை 4 நாட்களில் முறியடித்து... பாக்ஸ் ஆபிஸில் டாப் கியரில் செல்லும் PS2

அந்த வந்தியத்தேவனின் தீவிர ரசிகர்கள் தான் ஜப்பானில் இருந்து பறந்து வந்து சென்னையில் அவரை சந்தித்துள்ளனர். ஜப்பானை சேர்ந்த கார்த்தியின் ரசிகர்கள் சென்னையில் உள்ள மக்களுடன் பொன்னியின் செல்வன் படத்தை பார்க்க வேண்டும் என ஜப்பானில் இருந்து கிளம்பி வந்து, அப்படத்தை சென்னையில் 4 முறை பார்த்துள்ளனர். இதுகுறித்த தகவல் அறிந்த கார்த்தி, அந்த ரசிகர்களுக்கு சர்ப்ரைஸ் கொடுக்கும் விதமாக அவர்களை தன் வீட்டுக்கு அழைத்து நன்றி தெரிவித்துள்ளார்.

தன்னைப் பார்க்க ஜப்பானில் இருந்து கிளம்பி வந்த ரசிகர்களுடன் கலந்துரையாடிய கார்த்தி அவர்களுடன் புகைப்படமும் எடுத்துக் கொண்டார். அதுமட்டுமின்றி கார்த்திகாக அவர்கள் ஜப்பானில் இருந்து கொண்டுவந்த பரிசுகளையும் வழங்கினர். ரஜினிக்கு அடுத்தபடியாக நடிகர் கார்த்திக்கு ஜப்பானில் இந்த அளவு ரசிகர் பட்டாளம் இருப்பதை பார்த்து பலரும் வியந்துபோய் உள்ளனர். ஜப்பான் ரசிகர்களுடன் கார்த்தி எடுத்துக்கொண்ட புகைப்படங்களும் வைரலாகி வருகின்றன.

இதையும் படியுங்கள்... கல்கியே கன்பியூஸ் ஆகும் அளவுக்கு.. பொன்னியின் செல்வனில் இத்தனை மாற்றங்கள் செய்துள்ளாரா மணிரத்னம்? முழு விவரம்